Mourinho për finalen e Ligës së Evropës: Presioni është mbi Arsenalin  

24 Maj 2019

Jose Mourinho ka folur në lidhje me finalen e Ligës së Evropës në mes të Chelseat dhe Arsenalit.

Arsenali dhe Chelsea do të luajnë mes vete në finalen e Ligës së Evropës, e cila zhvillohet më 29 maj në Baku të Azerbajxhanit.

Chelsea tashmë ka siguruar kualifikimin në Ligën e Kampionëve për sezonin e ardhshëm dhe Sarri ka frikë se skuadra e tij mund të jetë më pak e motivuar se Arsenali, i cili duhet të fitojë për të fituar të drejtën për të luajtur në këtë garë sezonin tjetër.

Lexo po ashtu: Katër fluturime dhe udhëtim 24 orësh me tren, eksperienca e çmendur e babait me të birin drejt Baku për ndeshjen e Chelseat në Ligën e Evropës

Megjithatë, ish-trajneri i Bluve, Mourinho beson se presioni është mbi Arsenalin në këtë finale.

Lexo po ashtu: Chelsea dhe Arsenal kanë shitur së bashku vetëm 6,000 bileta – klubet do t’ia kthejnë pjesën tjetër UEFA-s

“Më shumë ka presion mbi Arsenalin sepse ata dëshirojnë vendin e Ligës së Kampionëve për sezonin e ardhshëm”.

“Ata luajnë për shumë miliona dhe për atë ka më shumë presion ndaj Arsenalit”, ka thënë Mourinho. /Telegrafi/

www.telegrafi.com