REZULTATET LIVE
Shiko listen e plote
Tenistja spanjolle e pëson keq

Muguruza k.o.: Dhimbje dhe lot

2 Janar 2018 19:34

Spanjollja Gabrine Muguruza është tërhequr në turin e dytë të turneut të Brisbane në Australi. Ajo u rrëzua në vijën e pasme të pistës dhe ndjeu dhimbje kur ishte në avantazh ndaj rivales Kruniç.

“Nuk ndodh shpesh. Nuk e di sesi më ndodhi”, u shpreh tenistja, e cila vuajti dhimbje të këmbës gjatë lojës që po zhvillonte.

Jeni i lutur të hyni në llogari që të lini një koment
Spanjolli vuajti jo pak

Nadal kalon në çerekfinalet e "Australian Open"

21 Janar 2018 11:17

Rafael Nadal kualifikohet në çerekfinalet e “Australian Open”. Por ky sukses nuk erdhi aq lehtë për spanjollin, të cilit iu deshën 4 orë që të mund të arrinte fitoren ndaj rivalit të tij Diego Schwartzman, numri 26 në renditjen Atp.

Spanjolli mundi argjentinasin 6-3, 6-7, 6-3, 6-3. Pas këtij suksesi, Nadal do të qëndrojë numri 1 në renditje pas Grand Slam-it të parë të sezonit, pavarësisht se kush do ta fitojë atë.

Rivali i radhës për Nadal-in do të jetë kroati Marin Cilic, numri 6 në renditje, që triumfoi ndaj spanjollit Pablo Carreno Busta me rezultatin 6-7, 6-3, 7-6, 7-6.

Jeni i lutur të hyni në llogari që të lini një koment
Britaniku eliminon italianin Seppi

Australian Open/ Edmund kualifikohet në çerekfinale

21 Janar 2018 10:42

Kyle Edmund kualifikohet për herë të parë në karrierën e tij në çerekfinalet e një Gran Slam-i.

Ai fitoi ndaj italianit Andreas Seppi në “Australian Open”.

Britaniku i renditur i 49-i e nisi keq ndeshjen, duke u mundur në setin e parë, por pastaj rikuperoi 6-7 (4-7) 7-5 6-2 6-3 në “Melbourne Park”.

Rivali i radhës për 23 vjeçarin do të jetë fituesi i ndeshjes midis australianit Nick Kyrgios dhe bullgarit Grigor Dimitrov ditën e martë.

Edmund është britaniku i tretë që arrin në çerekfinale, pas Any Murray-t dhe John Lloyd në 1985.

“Jam shumë i lumtur, kjo është çerekfinalja ime e parë. Seti i parë ishte mjaft i luftuar dhe mu duk se nuk e nisa mirë. Ai po e godiste topin shumë mirë. Por në të dytën u përpoqa ta ndryshoja situatën dhe pasi e theva në game-n e fundit të setit të dytë, mora kontrollin e takimit”, tha Edmund pas ndeshjes.

Jeni i lutur të hyni në llogari që të lini një koment
Numri 1 i botës vuajti ndaj Davis

Përfundon ëndrra e Sharapova-s, rrezikon Halep

20 Janar 2018 14:43

Shpresat e Maria Sharapova-s për t’u rikthyer triumfuese në “Austrain Open” u shkërmoqën nga Angelique Kerber, e cila fitoi bindshëm.

Gjermania mori një fitore me 2 sete radhazi në një duel që zgjati 64 minuta.

Rusja shpresonte shumë që pas 2 viteve pezullim (për substanca të ndaluara) të mund të rikthehej triumfuese në këtë kompeticion me rëndësi.

“Në setin e parë nuk u përgjigja saktë dhe i dhashë besim asaj me gabimet e mia. Mendoj se Angelique luajti shumë mirë. Është një teniste me mjaft besim momentalisht. Edhe atë mundësi të vogël që e pata në setin e dytë, nuk e shfrytëzova. Ndonjëherë kaq mjafton”, tha Sharapova pas takimit.

Rrezikoi edhe Simona Halep, që fitoi ndaj amerikanes Lauren Davis pas 3 orësh e 5 minutash.

Rezultati final doli 4-6, 6-4, 15-13. Numri 1 i botës do të ndeshet tani me Naomi Osaka që mundi 6-4, 6-2 australianen Ashleigh Barty.

Rezultatet e tjera të raundit të tretë janë: Strycova-Pera 6-2, 6-2; Karolina Pliskova-Safarova 7-6 (8-6), 7-5; Keys-Bogdan 6-3, 6-4; Garcia-Sasnovich 6-3, 5-7, 6-2.

 

Jeni i lutur të hyni në llogari që të lini një koment
Zvicerani e ka mundur francezin në 9 takimet e fundit

Federer nuk e prish traditën, Gasquet i lehtë për t’u mundur

20 Janar 2018 14:08

Roger Federer vazhdoi me traditën e tij të dominimit kundër rivalit Richard Gasquet.

Pasi mori një fitore me 3 sete radhazi ndaj francezit, zvicerani u kualifikua për në raundin katërt të “Australian Open”.

Kampioni në fuqi i kishte fituar të tetë takimet ndaj Gasquet dhe dyshimet ishin të pakta që ai të mos t’ia dilte edhe për herë të nëntë.

Francezi në disa momente shpërtheu, por prapë Federer e pati në kontroll sfidën dhe e fitoi atë 6-2, 7-5, 6-4.

Rivali i radhës në raundin katërt për zviceranin do të jetë hungarezi Marton Fucsovics.

Jeni i lutur të hyni në llogari që të lini një koment