NBA/ Rockets fiton një tjetër derbi teksan, San Antonio në telashe

Ti mund ta lexosh kete ne 1 min.
13 Mars 2018 11:04
Vazhdon momenti magjik për Portland

Dy derbe teksane të fituara në dy ditë për Houston Rockets që pasi mundi Dallas, i dha një leksion edhe San Antonio Spurs me rezultatin 93-109. James Harden u rikthye pas pushimit dhe udhëhoqi të tijtë në një ndeshje të cilët e kontrolluan pa shumë problem. “Mjekra” realizoi 28 pikë dhe gjysma e tyre erdhi nga goditjet e lira (14/14), por ai kreu edhe 6 ribaunde, e po aq asiste. Ndërkohë edhe Chris Paul realizoi 18 pikë dhe 9 asiste. Ndërsa Spurs po kalojnë një moment të tmerrshëm, sepse në 14 takimet e fundit ata kanë marrë vetëm 3 fitore. LaMarcus Aldridge e Kawhi Leonard duhet që të kthehen sa më parë, nëse skuadra ka në plan të luftojë për një vend në play off.

Ndërsa Portland Trail Blazers vazhdon që të përjetojë një moment magjik, ku në transfertë në “Moda Center” mundi Miami Heat 99-115. Kjo është fitorja e 10-të radhazi për Trail Blazers, që ishin superiorë gjatë gjithë takimit. Basketbollisti Damian Lillard realizoi një tjetër provë prej lideri, duke shënuar 32 pikë, 10 asiste dhe 5 ribaunde. U dalluan edhe Jusuf Nurkic me 27 pikë dhe 16 ribaunde dhe Mccollum (17 pikë). Kurse Miami-t nuk i mjaftuan 23 pikë e të zakonshmit Goran Dragic. Gjithsesi humbja e pësuar nuk rrezikon vendin e 8-të në Lindje.

Oklahoma City mundi në shtëpi Sacramento Kings me rezultatin 106-101, në një ndehsje të luftuar deri në fund. Milwaukee Bucks fituan në Memohis kundër Grizzlies 121-103. U dalluan për fituesit Middleton dhe Antetokounmpo (24 dhe 20 pikë).

Rezultatet

SAN ANTONIO SPURS - HOUSTON ROCKETS 93-109

MIAMI HEAT - PORTLAND TRAIL BLAZERS 99-115

SACRAMENTO KINGS - OKLAHOMA CITY THUNDER 101-106

MILWAUKEE BUCKS - MEMPHIS GRIZZLIES 121-103

Kërkesa për kod të ri
Ne ju kemi dërguar një link për të ndërruar kodin. Ju lutem kontrolloni postën tuaj elektronike