Në rrezik se mund t’ia marrin talentin, Barcelona ka gati kontratën e re për Fatin me një klauzolë të frikshme

03 Gusht 2020

Ansu Fati ka qenë zbulim i sezonit te Barcelona, pasi ka bërë debutimin këtë edicion me vetëm 16 vite.

Sulmuesi i talentuar spanjoll ka shkëlqyer duke zhvilluar 32 ndeshje në të gjitha garat e duke shënuar tetë gola.

Falë shkëlqimit të tij, Barcelona i rinovoi kontratën deri në vitin 2022 me një klauzolë largimi prej 170 milionë euro.

Anssumane Fati. (Photo by Aitor Alcalde/Getty Images)

Por katalunasit nuk ndihen të qetë dhe duke parë interesimin e skuadrave të mëdha për lojtarin, atëherë kanë filluar bisedimet për një tjetër kontratë.

“Fatin duam ta blindojmë për gjithë jetën”, ishin fjalët e presidentit të Barcelonës, Josep Maria Bartomeu.

“Ka pasur interesime nga klube të ndryshme, por përgjigja e jonë gjithmonë ka qenë ‘jo’, pasi nuk duam ta largojmë atë”, ka thënë numri një i Barcelonës.

Mundo Deportivo ka raportuar se drejtuesit e klubit tanimë kanë pasur takime me agjentin e lojtarit për një kontratë të re.

Anssumane Fati . (Photo by Alex Caparros/Getty Images)

Katalunasit duan t’i vazhdojnë kontratën lojtarit deri në verën e vitit 2025 me rritje të ndjeshme page.

Gjithashtu me kontratën e re, Fati do ta ketë edhe një klauzolë të frikshme largimi.

Në rast se nënshkruan kontratën e re talenti spanjoll, skuadrat që e duan atë do të detyrohen të paguajnë 400 milionë euro për klauzolën e tij. /Telegrafi/

Coronavirus – Statistikat

TotalKosova

Infektuar
Shëruar
Vdekur

Data credits CSSE at JHU

Trendi i Coronavirus-it në Kosovë

Data credits:corona-ks

Të gjitha lajmet rreth Coronavirus-it
www.telegrafi.com