Neymar kundër Cavanit: komplot, inat dhe vonesat, një luftë e vazhdueshme

Ti mund ta lexosh kete ne 2 min.
10 Janar 2018 20:30
Neymar është gati të marrë statusin e Princit të Parisit

Është vetëm një ndeshje kupe, por në të vërtetë transferta e sotme është një hap drejt takimit më të pritur, pas më shumë se një muaj kundër Realit të Zidane, për 1/16 e Champions League.

Një provë e vërtetë e një PSG-je që e filloi vitin e ri me Neymar dhe Mbappé, por pa Pastore dhe sidomos Cavani-n, por jozyrtarisht.

Të dy futbollistët kanë shkuar katër ditë me vonesë në grumbullimin e PSG, në fillim të janarit dhe pasi u përjashtuan nga ndeshja e parë e vitit kundër Rennes janë lënë sërish jashtë nga stafi i PSG.

Tensionet në ekip janë rritur, duke filluar nga dhomat e zhveshjes, me Neymar që është gati të marrë statusin e Princit të Parisit.

Braziliani, i kthyer në kohë e ka shfrytëzuar mungesën e uruguajanit për të forcuar aleancën me klanin francez, përmes Mbappe, i cili shkëlqeu të dielën në Coupe de France: dy gola secili duke luajtur “PlayStation” me Rennes (6-1). 

Ky ishte një mesazh i qartë sipas mediave: PSG mund të bëjë pa Cavani-n.

Dënimin e Pastore-s dhe Cavani-t, Neymar e konsideron si privilegj, megjithatë Cavani mbështetet nga gazetarët vendas dhe nga “L’equipe” në veçanti, i cili e ka shtyrë uruguajanin si kandidatin ideal për “Topin e Artë”.

Vendi i tretë për Neymar dhe i 11-ti për Cavani-n në renditjen e çmimit të “France Football” ka zeruar gjithçka, por mbështetësit e ish-katalanasit i janë futur punës për të përmbysur parashikimin e medias, duke dërguar punonjës të dy të përditshmeve franceze në Brazil, për të zbuluar rrënjët e fenomenit Neymar.

Cavani gjithsesi ka marrë titullin si lojtari më i mirë i huaj në Ligue 1, mbi të gjitha në kopertinën e numrit të fundit të revistës të klubit "France Football" duke u kujtuar të gjithëve, jo vetëm se nuk kanë çfarë të ndajnë jashtë fushave me Neymar, por edhe marrëdhëniet e privilegjuara me presidentin Nasser Al Khelaifi.

Gjithsesi vonesa e tij ka turpëruar drejtorin sportiv dhe stafin teknik, të paaftë për të formuar zyrtarisht një qëndrim ndaj sulmuesit.

Kapiteni Thiago Silva, nuk preferoi të komentojë këtë çështje: "Është një problem në lidhje me Henrique". Por me siguri hendeku midis grupit dhe “El Matador” është zgjeruar, duke përsëritur vonesat pas Krishtlindjes.

Për të njëjtën arsye në vitin 2016, sipas udhëzimeve të Ibrahimoviç, Cavani përfundoi jashtë ekipit. Neymar ende nuk ka të njëjtën fuqi si Zlatan, por ai nuk është më i gatshëm të jetë një aktor mbështetës.

I ndikuar nga rrethanta, sulmuesi mund t’i thotë lamtumirë klubit në qershor. Cavani që u kthye 4 ditë me vonesë dëshiron të mos humbasë vendin për në botëror ndaj do të tregohet i duruar.

Mungon vetëm zyrtarizmi, portieri kuqezi pranë transferimit në Francë

Ti mund ta lexosh kete ne 1 min.
17 Korrik 2018 20:46

Paraqitjet e Etrit Berishës me ekipin e Atalantës këtë sezon në Serie A kanë qenë me të vërtetë mbresëlënëse. Portieri kuqezi e ka konfirmuar veten dhe në këtë mënyrë ka tërhequr vëmendjen e disa prej ekipeve më të mira evropiane.

Së fundmi për portierin një interes të madh ka shfaqur ekipi i Lille në Ligue 1. Sipas Sportitalia, dy klubet kanë nisur bisedimet për lojtarin e përfaqësueses shqiptare. 29-vjeçari iu bashkua Atalanta-s nga Lazio, në fillim në formë huazimi e më pas u ble për 5 mln euro. Berisha ka kaluar shumicën e karrierës së tij në Serie A, teksa ka ardhur në fillim te Lazio më 2013. Ai ka 47 paraqitje me përfaqësuesen shqiptare.

Drejtuesit francezë duken të bindur nga cilësitë e Berishës dhe mund të bëjnë për të një ofertë zyrtare në ditët në vijim. /EDS/

**************************

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota ne kohe reale nga Futbolli dhe sportet tjera.

Neymar vendos tri kushte për transferimin te Reali

Ti mund ta lexosh kete ne 2 min.
17 Korrik 2018 12:22
Sulmuesi brazilian e ka të qartë

Neymar nuk heq dorë. Sulmuesi brazilian vazhdon të ketë dëshirën për t’u rikthyer në La Liga. Ndërkohë që drejtuesit e Real Madrid, deklaruan pak ditë më parë që nuk kanë bërë ende asnjë ofertë zyrtare për të marrë shërbimet e 26-vjeçarit.

Pas aventurës zhgënjyese në Botërorin “Rusi 2018”, ku Franca u shpall kampione për të dytën herë në histori, ylli i PSG-së po shijon disa ditë pushime. Por, natyrisht që mendjen e ka edhe tek merkato. Presidenti Florentino Perez, pas largimit të Cristiano Ronaldos është në kërkim të një sulmuesi cilësor për në “Santiago Bernabeu”. Kreu i galaktikave e ka pranuar edhe më parë interesin për të veshur me “të bardha”, futbollistin brazilian. Mirëpo, duket që shkëlqimi i Kylian Mbappe në Kupën e Botës ia ka prishur mendjen dhe tashmë interesi është kthyer tek 19-vjeçari francez. Megjithatë, sulmuesi i ri në përfundim të ndeshjes finale të fituar 4-2 ndaj Kroacisë theksoi se këtë merkato nuk do të lëvizë nga Parisi, pasi ndihet i lumtur aty.

Duke qenë se tratativat për Mbappe janë të vogla, atëherë mbetët në fuqi interesi për Neymar dhe Hazard, por veçanërisht për brazilianin. Mirëpo, ky i fundit ka disa kushte që të pranojë të nënshkruajë në Bernabeu.

Së pari, kërkon që rroga e tij të jetë sikurse e Messit: 46 milionë euro në vit.

Së dyti, një bonus nënshkrimi për babain, agjenti që do të kryejë transferimin: rreth 33 milionë euro.

Së treti, dhe e fundit një ekip fitues.

Neymar dëshiron që të ‘pastrojë’ Realin, të afrojë lojtarë të cilët i ka miq, në mënyrë që t’a ndihmojnë për të fituar “Topin e Artë”. Përveç kësaj, ai e vë në dyshim aftësinë e Julen Lopetegui, të cilin e sheh si Unai Emery, një teknik pa përvojë të mjaftueshme. /EDS/

**************************

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota në kohë reale nga Futbolli dhe sportet e tjera.

Monaco sfidon Juven dhe Chelsea për Golovin, konfirmon ofertën

Ti mund ta lexosh kete ne 2 min.
16 Korrik 2018 23:41
Vasilyev këshillon mesfushorin

Monaco ka bërë një ofertë për CSKA Moscow për mesfushorin Aleksandr Golovin, sipas zëvendëspresidentit të klubit të Ligue 1, Vadim Vasilyev. Golovin ishte një nga yjet e Botërorit ndërsa e ndihmoi Rusisë të shkonte deri në çerekfinale të Kupës së Botës. Chelsea ka qenë e lidhur me blerjen e mesfushorit sulmues, i cili pritet të jetë një nga nënshkrimet e para të epokës Maurizio Sarri - pas ardhjes me bujë të Jorginho nga Napoli në fundjavë. Gjithsesi ekipi i Monaco kanë bërë lëvizjen e tyre, me Vasilyev duke thënë se skuadra e që drejtohet nga Leonardo Jardim është një terren më i besueshëm për talentet e rinj. "Ne i bëmë CSKA një propozim për Golovin", tha Vasilyev për “Sport-Express”. "Nuk mund të them shumën e transferimit, por është shumë e denjë. Kohëzgjatja e kontratës do të ishte pesë vjet. Unë mendoj se në këtë situatë tranzicioni Monaco është opsioni më i mirë për Golovin”, shtoi ai.

"Të shkosh menjëherë nga Rusia në një klub të madh në ligën kryesore evropiane është shumë e rrezikshme. Ne jemi në gjendje të fillojmë karrierën e lojtarëve të rinj. Mjafton të shikojmë Kylian Mbappe", vazhdoi ai. Mbappe bëri një sezon mahnitës në Monaco kur ata fituan titullin e Ligue 1 në sezonin 2016-2017. Sulmuesi adoleshent më pas u transferua në Paris Saint-Germain dhe u emërua si lojtari i ri i më i mirë i Kupës së Botës, pasi shënoi në fitoren 4-2 të Francës në finalen kundër Kroacisë të dielën. Nëna e Golovin kohët e fundit ka deklaruar se mesfushori ka marrë leksione anglisht, për t’u transferuar në Premier League. Gjithashtu edhe Juventusi ka shfaqur interes për mesfushorin e CSKA, që la shkëlqyer në Botëror. Tani e ardhmja është në duart e Golovin, por ai e di se kalimi te Chelsea do të ishte i rrezikshëm për karrierën e tij. /EDS/

**************************

Ndalohet ripostimi apo kopjimi i këtij artikulli pa lejen me shkrim nga eduasportin.com.
Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota në kohë reale nga Futbolli dhe sportet e tjera.

Të gjithë e duan, por Mbappe është i vendosur

Ti mund ta lexosh kete ne 2 min.
16 Korrik 2018 12:27
Flet sulmuesi francez

Kylian Mbappe ka përjashtuar mundësinë e largimit nga Paris Saint-Germain këtë verë pas aventurës fantastike që përjetoi me Fracnën në Kupën e Botës, që u zhvillua në Rusi. 19-vjeçari u shpall kampion për herë të parë me përfaqësuesen e “Gjelave” ndërsa shënoi edhe katër gola në shtatë ndeshje të zhvilluara. Gjithashtu u vlerësua si lojtari më i mirë i ri në këtë turne.

Mbappe u bë lojtari më i ri i dyti që mori fiton një finale Botërori dhe shënon gol, pas Pele në vitin 1958 ku u shpall kampion me Brazilin në fitoren 5-2 ndaj Suedisë. Përformanca e tij pozitive në këtë Botëror ka tërhequr vëmendjen e shumë klubeve gjigante në Evropë, të cilat kanë shfaqur interes për të marrë shërbimet e tij.

Real Madrid është ndër të parat ekipe që ka nisur punën për të arritur marrëveshjen me drejtuesit e PSG-së për kartonin e lojtarit, pas largimit të Cristiano Ronaldos në “Allianz Stadium” për 105 milionë euro. Përveç galaktiëve, edhe Manchester United do të bëjë çmos që të sjellë në “Old Trafford” talentin francez. Mirëpo, duket që ky i fundit nuk dëshiron që të largohet nga kryeqyteti i tij i dashur. Në përfundim të fitores 4-2 ndaj Kroacisë, ai u tha gazetarëve se nuk ka ndërmend të ikë nga klubi këtë verë.

“Unë do të qëndroj me PSG, do të vazhdoj rrugën time me ta. Unë jam në fillim të karrierës sime”- tha 19-vjeçari.

Real Madrid gjithashtu ka shfaqur interes të madh edhe për Neymar këtë verë, ndërsa janë në kërkim të një galaktiku tjetër pas largimit të Ronaldos. Megjithatë, gjigantët spanjollë kanë theksuar se nuk do të bëjnë asnjë lëvizje për brazilianin.

Në një deklaratë të publikuar në faqen zyrtare në uebsajtin e tyre ata kanë konfirmuar se nuk do të bëjnë asnjë ofertë për 26-vjeçarin. /EDS/

**************************

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota ne kohe reale nga Futbolli dhe sportet tjera.