Nga Qipro në Poloni, dy skuadra pas Vajushit

Ti mund ta lexosh kete ne 1 min.
12 Janar 2018 15:50
Mesfushori në shënjestër, ka zhvillime

Armando Vajushi është aktualisht e Pro Vercelli-t në Seria B. Shkodrani i mesfushës nuk është se po kalon një periudhë të mirë, por sërish ka interesim për të nga klube të ndryshme.

25-vjeçari, sikurse raportojnë në Itali, konkretisht “tuttomercatoweb.com”, po vëzhgohet nga dy klube të huaja, polakët e Slask Wrocklaw dhe qipriotit e AEL Limasol.

Të dyja klubet interesohen për të dhe mbetet për t’u parë se çfarë do të ndodhë në vijim. Këtë sezon Vajushi është aktivizuar në 13 ndeshje (6 si titullar) dhe ka shënuar një gol në kampionat. Mesfushori në Shqipëri ka luajtur me Vllazninë dhe më pas u transferua te Litex Lovech në Bullgari. Prej aty kaloi te Chievo në Serinë A, por nuk luajti asnjë ndeshje aty. Skuadra veroneze e huazoi fillimisht te Livorno dhe aktualisht e ka dërguar te Pro Vercelli./EDS/

Cikalleshi mbetet në Turqi, ja skuadra e re

Ti mund ta lexosh kete ne 1 min.
18 Korrik 2018 10:22
Gati transferimi

Sokol Cikalleshi nuk pati ndonjë sezon për t’u mbajtur mend te Osmanlispor. Kavajasi shënoi vetëm 6 gola në 25 aktivizime me skuadrën e Superligës së Turqisë, por që tashmë kërkon largimin për një tjetër kontratë.

Ai duhet të qëndrojë edhe një vit në radhët e Osmanlispor sipas kontratës së tij, por që kjo çështje pritet që të zgjidhet shumë shpejtë. Skuadra e interesuar për shërbimet e sulmuesit që ka luajtur për tre sezone me Istanbul Basaksehir dhe më pas nga një vit për Akhisarspor dhe në fund te Osmanlispor, është Goztepe.

Goztepe e mbylli në vendin e gjashtë kampionatin e sezonit 2017/18, ndërsa për sezonin e ri ka nisur që të organizohet dhe të bëjë afrimet e duhura. Mediat gjigante turke shkruajnë se i janë vënë pas shtatlartit kavajas, duke e pasur qëllimin kryesor të kësaj merkatoje vere.

Goztepe ka bërë largime te shumta këtë verë, kështu që Cikalleshi mbetet alternativë për sulmin për shkak se ky repart ka shumë boshllëqe. Stafi i kësaj skuadre i ka ofruar çdo gjë kavajasit, i cili duhet të zgjidhë mosmarrëveshjet me skuadrën Osmanlispor që ka rënë në Ligën e Parë të futbollit turk, që do të thotë se sulmuesi i Shqipërisë nuk pajtohet me këtë fakt ndaj kërkon ndërrim ambienti. /EDS/

************

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota ne kohe reale nga Futbolli dhe sportet tjera.

Hamburgu merr vendimin zyrtar për Mavrajn

Ti mund ta lexosh kete ne 1 min.
17 Korrik 2018 18:15
Tani me sytë nga e ardhmja

Rrugët e Mërgim Mavrajt dhe Hamburgut janë ndarë sot përfundimisht. Klubi gjerman ka njoftuar përmes një postimi në Facebook se ka zgjidhur me mirëkuptim kontratën me 32-vjeçarin shqiptar i cili tashmë është një lojtar i lirë.

Edhe pse kontrata mes Mavrajt dhe hamburg përfundonte një vit më vonë, palët kanë rënë dakord për prishjen e menjëhershme të saj. “Falenderojmë Mërgimin për shërbimet e tij dhe i urojmë fat në të ardhmen”, shkruhej në postimin e Hamburg.

Mavraj u transferua te Hamburg nga Këlni në dhjetor 2016, i blerë nga klubi verior për 1,8 milionë Euro. Edhe pse luajti fillimisht mirë me Hamburg e në fillim të sezonit të kaluar madje u emërua edhe zëvendës kapiten, por që prej mbërritjes së trajnerit Christian Titz gjërat nisën të merrnin për keq për mbrojtësin shqiptar. Fillimisht ai nisi të mos aktivizohej rregullisht e më vonë erdhi edhe dërgimi për t’u stërvitur me skuadrën e dytë.

Tani Mavrajt i duhet të gjejë një skuadër tjetër. Më parë emri i tij është lidhur me turqit e Trabzonspor, ndërkohë që më pas kanë dalë në dritë edhe disa klube italiane apo spanjolle, si Deportivo la Coruna. Gjithsesi tani që lojtari është i lirë mund ta ketë më të lehtë të gjejë një skuadër për të garantuar minuta për sezonin e ardhshëm./EDS/

**********

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota ne kohe reale nga Futbolli dhe sportet tjera.

 

Bari u shpërbë, vjen oferta e parë zyrtare për Bashën

Ti mund ta lexosh kete ne 1 min.
17 Korrik 2018 13:26
Ja ku pritet mesfushori

Si pa pritur dhe pa u kuptuar, kapiteni i Bari-t, Migjen Basha ka përfunduar sërish në vorbullën e merkatos së verës. Jo për fajin e tij apo për përfundimin e kontratës, por për shkak të falimentimit të klubit të Bari-t, që tashmë i duhet ta nisë nga Serie D, aty ku as fuqinë ekonomike nuk mund ta ketë për të mbajtur kësi lojtarësh me peshë dhe kërkesa.

Migjen Basha tashmë është i lidhur ngushtë me transferimin si brenda ashtu edhe jashtë Italisë, ku skuadrat e interesuara për shërbimet e numrit 8 janë të shumta, duke shkuar deri në Izrael.

Megjithatë, dy ekipet e para që kanë bërë interesimet e para për transferimin e mesfushorit të kombëtares së Shqipërisë janë Salernitana dhe Foggia. Salernitana është nën pronësinë e Claudio Lotito-s së Lazio-s, ndërsa Foggia do të militojë në Serie B këtë sezon.

“Foggiacalciomania” shkruan se për 31-vjeçarin është interesuar stafi i ekipit që do të militojë në Serie B, megjithatë, duhet pritur ende për një vendim të lojtarit kuqezi. Dhe sipas “tuttomercatoweb”, pak ditë më parë mesfushori i Shqipërisë ishte i lidhur ngushtë me kalimin te Salernitana. Pritet që të ketë një vendim tashmë nga lojtari për të ardhmen e tij, duke qenë se klubi i Bari-t i ka lënë të gjithë të lirë pas problemeve ekonomike. /EDS/

**************************

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota në kohë reale nga Futbolli dhe sportet e tjera.

Panucci tregon budallallëkun më të madh të karrierës

Ti mund ta lexosh kete ne 1 min.
17 Korrik 2018 10:43
E thotë me gojën e tij

Christian Panucci ka qenë pjesë e Real Madrid, aktualisht është trajner i Shqipërisë, por për “El Cope Partidazo” ka analizuar kalimin e Cristiano Ronaldo-s nga Real Madrid te Juventus, ndërkohë që nuk ka harruar që të flasë dhe për karrierën e tij si futbollist.

"Cristiano do të ketë sukses, sepse ai është shumë i mirë, pse të mos e bëjë ", tha Panucci, i cili në CV-në e tij si futbollist ka të shkruar ekipe si: Milan, Inter, Chelsea, Monaco, Roma, Parma dhe Real Madrid.

"Është çmenduri normale për Cristiano-n, ai është më i miri në botë. Është një nënshkrimi shumë i zgjuar që do t'u japë lojtarëve të tjerë një shtytje për të ardhur në Itali", tha ai. "Cristiano ka Champions-in në gjak”, tha fillimisht ai.
Nga ana tjetër, Panucci u kthye në kohë dhe tregoi për largimin e tij nga Real Madrid pas dy sezone e gjysmë. "Doja të largohesha nga Madridi dhe ky ishte budallallëku më i madh i karrierës sime sportive, me keqardhje e them tani, kur u largova nga Madridi unë isha i bindur". Italiani pas aventurës spanjolle shkoi tek Inter-i në Serie A në sezonin 1999-2000.
Për sezonin e ri të Real Madridit, Panucci nuk është optimist. "Ky mund të jetë një sezon i vështirë për Madridin, Zidane u largua, Cristiano po ashtu ... Nuk është e lehtë të zëvendësohen ata dhe më shumë pas fitores së 3 Champions-eve radhë". /EDS/

**************************

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota në kohë reale nga Futbolli dhe sportet e tjera.