Ngushtohet lista e klubeve për Rashicën, tani vetëm dy skuadra janë në garë për sulmuesin kosovar

12 Korrik 2020

Emri i Milot Rashicës është përfolur shumë në mediat ndërkombëtare në muajt e fundit.

Shumë skuadra ishin në garë për të nënshkruar me yllin kosovar, por tani numri i tyre është zvogëluar tej mase.

Kjo për faktin se Rashica i ka bërë të qartë Werderit se dëshiron të mbetet në Bundesliga vetëm për RB Leipzig apo të transferohet në Serie A te Milani.

Skuadrat tjera që kërkonin shërbimet e yllit të Kosovës tanimë janë tërhequr, pasi sipas medieve gjermane Rashica nuk është i interesuar të transferohet në ndonjë klub tjetër përpos dy të lartpërmendurave.

Aston Villa, Brighton, Wolverhampton Wanderers, West Ham United, Hertha Berlin, Borussia Dortmund, Napoli e Schalke 04 ishin ekipet tjera të interesuara për yllin kosovar.

Megjithatë tani mediat gjermane raportojnë se Werder po bisedon si me drejtuesit e Leipzig ashtu edhe me ata të Milan për të parë se cila skuadër do të ofrojë më shumë për Rashicën.

Milot Rashica vs Bayer Leverkusen (Foto: Stuart Franklin/Getty Images/Guliver)

Besohet se agjenti i Rashicës, Altin Lala tanimë ka një marrëveshje me dy ekipet dhe cila nga to do të ofrojë më shumë do ta transferojë yllin nga Vushtrria.

23-vjeçari pati një sezon të suksesshëm individual pasi në fund arriti ta shpëtoj skuadrën e tij Werder Bremen pa rënë nga elita e futbollit gjerman.

Rashica ka zhvilluar 34 ndeshje zyrtare këtë edicion me Werderin ku ka shënuar 11 gola dhe ka bërë tetë asistime. /Telegrafi/

Coronavirus – Statistikat

TotalKosova

Infektuar
Shëruar
Vdekur

Data credits CSSE at JHU

Trendi i Coronavirus-it në Kosovë

Data credits:corona-ks

Të gjitha lajmet rreth Coronavirus-it
www.telegrafi.com