Një finale për titullin, Brdaric sheh më larg, mendon për të ardhmen por ndaj Teutës kërkon një ekip cinik

02 Maj 2021

Nuk është një sfidë si gjithë të tjerat, në “Loro Boriçi” luhet një pjesë e rëndësishme në fatet e këtij sezoni, mbi të gjitha sa i përket garës për titull. Vllaznia-Teuta premton spektakël, për vetë pozitat ku ndodhen dy ekipet, kjo është një ndeshje ku luhet për të fituar, çdo rezultat tjetër nuk përmbush egon e dy ekipeve dhe mund të sjell ndryshime në tabelën e klasifikimit. Trajneri Brdaric është i vetëdijshëm për peshën që përfaqëson një sfidë e tillë por në të njëjtën kohë sheh edhe pak më larg, mendon për të ardhmen, pasi ky projekt është vetëm në hapat e para:

“E analizuam ndeshjen me Tiranën. Problemi ishte në finalizim, në zonën e rreptësisë, kishim mungesë përqendrimi dhe nuk iu përkushtuam shumë ndeshjen. Në përgjithësi ishte një paraqitje e mirë, mbajmë topin më shumë, por kjo nuk mjafton. Nesër duhet të jemi më cinikë në lojë, të finalizojmë të gjitha rastet tona.

Nesër është vetë një hap në rrugën drejt titullit. Tashmë përballemi me një Teutë ndryshe, në krye të klasifikimit dhe ekip shumë i fortë, por dimë sesi t’i mundim ata, i kemi mposhtur dhe këtu. Nesër është ndeshje tjetër, tjetër kapitull. Mendoj se kemi aftësitë që nesër të fitojmë.

Ne konsiderojmë çdo rezultat sepse edhe më parë kemi bërë rezultate negative, por kjo nuk ka ndikuar në punën tonë. Ne po rritemi, jemi në ndërtim e sipër, në proces. E ka thënë edhe më parë se jemi në progres të vazhdueshëm dhe çdo rezultat ndijon në rritjen tonë.

Nuk po krijojmë një ekip thjesht për sot, kërkojmë vazhdimësinë, por nesër e dimë se është ndeshje e fortë dhe i kemi mundësitë për të fituar. Ekipet janë të një niveli, janë të afta të luajnë mirë. Teuta ka elemente të aftë për të bërë diferencën, sidomos në sulm, por edhe ne kemi lojtarë të tillë. Nëse punojmë të gjithë së bashku, do jetë ndeshje e mirë.

Na favorizon fusha dhe fakti që luajmë në shtëpi. Për mua ka rëndësi të jemi mirë fizikisht dhe të bëjmë nde ndeshje mbi mesatare nga fillimi, në fund. Jo të gjithë lojtarët na në formën më të mirë. Do fusim më të mirët në fushë. Ajo që ka rëndësi gjithashtu është edhe ana mentale, sepse psikologjia vendos shumë.

Në sulm duhet të jemi më të fokusuar përpara portës. Duhet të ndryshojmë mentalitetin dhe përgatitjen e lojtarëve. Në futboll duhet të kesh saktësinë para portës. Nesër duhet të jemi të saktë para portës. Nesër ndaj Edi Martinit do marrim tre pikët dhe së bashku do pimë verë të bardhë, e paguaj unë”, u shpreh Bërdariç.

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.Grupi Balkanweb
www.balkanweb.com