Dueli i të hënës mbrëma ndërmjet Sevillas dhe Eibarit ka prodhuar disa momente jashtëzakonisht interesante. Skuadra e Julen Lopetegui fitoi me rezultat 1-0 duke mbajtur pozitën e katërt në tabelë që dërgon në Ligën e Kampionëve.
Lucas Ocampos e shënoi golin e vetëm në ndeshje në pjesën e dytë, ndërsa në minutat e fundit të takimit pati disa ndodhi kaotike.
Fillimisht, u lëndua portieri i Sevillas, Tomas Vaclik, i cili u detyrua ta lëshonte fushën, ndërsa andaluzianët nuk kishin të drejtë të bënin zëvendësime të tjera.
Ata duhej ta përfundonin ndeshjen me 10 lojtarë, ndërsa Ocampos doli vullnetar që ta merrte fanellën e Vaclik dhe të hynte në portë për ta përfunduar sfidën.
Koha e gjatë shtesë dhe përpjekjet e Eibarit që po lufton për mbijetesë, bënë që presioni të ishte mbi portën e Sevillas. Madje edhe portieri kundërshtar Marko Dmitrovic doli në sulm në përpjekje për të shënuar.
Ekipi bask sulmoi gjatë minutave shtesë në zonën e andaluzianëve, ndërsa në një moment mbrojtja e Sevillas nuk e pastroi topin si duhej dhe portieri i Eibarit, Dmitrovic, goditi drejt portës. Mirëpo, aty ishte heroi Ocampos për ta mbrojtur.
Ishte kjo një prej ditëve që do të mbahet mend nga mesfushori i Sevillas, i cili ishte hero në të dyja anët – si sulmues dhe si portier. /Telegrafi/
Ocampos, de portero, acaba de salvar al Sevilla. pic.twitter.com/CkTr9Ickhj
— Antonio. (@AntonioLopezCf) July 6, 2020
Coronavirus – Statistikat
TotalKosova
Infektuar
Shëruar
Vdekur
Data credits CSSE at JHU
Trendi i Coronavirus-it në Kosovë
Data credits:corona-ks
Të gjitha lajmet rreth Coronavirus-it
www.telegrafi.com