Nuk ka fitues në Emirates, Arsenali dhe Leicesteri marrin nga një pikë

08 Korrik 2020

Arsenali dhe Leicester City i kanë ndarë pikët në kuadër të javës së 34-të në Ligën Premier, pasi ndeshja përfundoi 1-1.

The Gunners e filluan mjaftë mirë takimin duke kaluar në epërsi pas vetëm 21 minutash lojë me anë të Pierre-Emerick Aubameyang që u asistua nga Buaky Saka.

Pjesa e parë përfundoi me këtë gol, pa pasur ndonjë raste më serioz në minutat e kaluara.

Arsenal vs Leicester (Foto: Michael Regan/Getty Images/Guliver)

Në 45 minutëshin e dytë, të dy skuadrat rritën ritmin e lojës, mirëpo ishin ‘Dhelprat’ që realizuan golin e barazimit.

Por, Arsenali mbeti me një lojtar më pak në fushë nga minuta e 75-të, shkaku që Edward Nketiah bëri ndërhyrje të rrezikshme në lojtarin e Leciesterit Chris Kavanagh, për t’u ndëshkuar kështu me karton të kuq.

Arsenal vs Leicester (Foto: Michael Regan/Getty Images/Guliver)

Gjërat më pas për Topçinjtë u vështirësuan, shkaku që Jamie Vardy i barazoi shifrat në 1-1 në minutën e 85-të me një asistim nga Demaray Gray.

Dy skuadrat tentuan deri në fund që të gjenin golin e epërsisë, mirëpo u kënaqën me nga një pikë në këtë duel mjaftë të vështirë.

Arsenal vs Leicester (Foto: Michael Regan/Getty Images/Guliver)

Pas javës së 34-të, Leicesteri gjendet në pozitën e katërt me 59 pikë, ndërsa Arsenali në të shtatin me 50 sosh.

Në xhiron e 35-të, Dhelprat takohen me Bournemouthin, gjersa djelmoshat e Mikel Artetas i pret derbi lokal me Tottenham Hotspurin. /Telegrafi/

Coronavirus – Statistikat

TotalKosova

Infektuar
Shëruar
Vdekur

Data credits CSSE at JHU

Trendi i Coronavirus-it në Kosovë

Data credits:corona-ks

Të gjitha lajmet rreth Coronavirus-it
www.telegrafi.com