Nuk ka futboll në Evropë, por ka një plan B – Rashica në garë me 31 yje të tjera të Evropës për titullin e kampionit në Play Station

20 Mars 2020

Coronavirus ka paralizuar gjithë futbollin evropian, me kampionatet kryesore që janë pezulluar përkohësisht.

Pandemia që ka prekur gjithë globin ka bërë që adhuruesit e futbollit të vuajnë pa parë ndeshjet e klubeve të tyre të zemrës.

Por për ta larguar monotoninë e kësaj situate që po kalon gjithë bota, ka menduar faqja më e madhe sportive në Instagram ‘433’.

View this post on Instagram

No Euros. ☹️ No CL. ☹️ No Prem. ☹️ Does anyone have a Plan 🅱️❓ ⠀ We do! 😁 ⠀ Starting next week, 32 players from 32 nations will compete against each other in FIFA 20. 🎮 ⠀ Who will be crowned 👑 of Europe❓ ⠀ We will livestream all the matches. Keep an eye out on our channels! 👀 ⠀ #433PlanB

A post shared by 433 (@433) on Mar 19, 2020 at 11:37am PDT

Kjo faqe ka organizuar një turne në Sony Play Station ku do të marrin pjesë futbollistë nga 32 kombëtare të ndryshme, mes tyre edhe Kosova në lojën FIFA 20.

Ylli kosovar Milot Rashica do t’i prezantojë Dardanët në këtë turne dhe tani kjo është e konfirmuar.

Përveç Rashicës në këtë turne do të marrin pjesë edhe dy futbollistë të tjerë shqiptarë, Granit Xhaka për Zvicrën dhe Enis Bardhi për Maqedoninë e Veriut.

Milot Rashica . (Photo by Thomas Eisenhuth/Getty Images)

“Kush do të jetë kampion i Evropës në FIFA 20”, pyet faqja ‘433’ derisa nuk kanë munguar komentet e shumta të tifozëve, por edhe të futbollistëve pjesëmarrës.

Në mesin e pjesëmarrësve janë yje të mëdha si Romelu Lukaku, Dejan Lovren, Aymeric Laporte, Ciro Immobile, Merih Demiral, Sergio Reguilon, Masson Greenwood e të tjerë.

Do të jetë ky një mini kampionat evropian, por vetëm në video lojë.

433 ka paralajmëruar se do t’i transmetojë të gjitha ndeshjet, derisa ky turne pritet të fillojë javën e ardhshme.

Shpresojmë që ‘Kupa’ të sillet në Kosovë nga njeriu që i bënë krenar të gjithë, Milot Rashica. /Telegrafi/

www.telegrafi.com