Olimpiada, në tribunë shfaqen Donald Trump dhe Kim Young-un

Ti mund ta lexosh kete ne 1 min.
9 Shkurt 2018 18:42

Është zhvilluar sot ceremonia e hapjes së Lojërave të 23-ta Olimpike Dimërore 2018, të njohura zyrtarisht si Lojërat XXIII Olimpike Dimërore, që zhvillohen në Pyeongchang të Koresë së Jugut për 17 ditë, nga 9 deri më 25 shkurt 2018, që do të mbahen mend si Olimpiada e paqes, për shkak të rikthimit të Koresë së Veriut në një event të tillë dhe parakalimit bashkë me atë të Jugut , dhe është një nga ngjarjet më të mëdha ndërkombëtare shumësportëshe të rangut botëror. Në Pyeongchang të Koresë së Jugut, vendi ku do të zhvillohen garat e kësaj olimpiade marrin pjesë 91 shtete me mbi 3 mijë atletë, të cilët do të konkurrojnë në 102 gara.

Ceremonia ka nisur me një program të shkurtër artistik ku binin sy simbolet kryesore të Koresë tigri i bardhë, dragoi blu dhe bretkosa e zezë. E vecanta e kësaj olimpiade është se bashkoi të dy Koretë nën një flamur.

Në ceremoninë që simbolizonte armëpushimin, të paktën olimpik, midis dy Koreve, në tribuna ka vënd gjithashtu për momente gazmore. Bëhet fjalë për sozinë e Presidentit Trump, që karakterizohej nga kravata e kuqe dhe për sozinë e presidentit të Koresë së Veriut Kim Yong-un: Të dy komedianët dukeshin të lumtur, ndërsa bënin shaka dhe përqafoheshin me njëri-tjetrin si dy miq të vjetër. Duke paraqitur në këtë mënyrë frymën e vërtetë olimpike.

 

Kërkesa për kod të ri
Ne ju kemi dërguar një link për të ndërruar kodin. Ju lutem kontrolloni postën tuaj elektronike