Olympiacos befason Arsenalin dhe siguron kualifikimin pas 120 minutave në Londër

28 Shkurt 2020

Gjiganti grek Olympiacos ka arritur të marrë një fitore të madhe në udhëtim te Arsenali 1-2 pas 120 minutave lojë dhe të siguronte kalimin në raundin tjetër të Ligës së Evropës.

Pjesa e parë ishte e qetë me pak raste shënimi nga të dyja skuadrat.

Megjithatë të parët që rrezikuan ishin vendasit me Nicolas Pepe që goditi mirë nga gjuajta e lirë, por që intervenoi portieri mysafir Jose Sa.

Mysafirët rrezikuan me Mady Camara, por që goditja e tij nuk ishte e saktë.

Arsenali realizoi në minutën e 39-të me anë të Alexandre Lacazette, por që goli i tij u anulua për shkak të pozitës jashtë loje.

Kësisoj pjesa e parë përfundoi ashtu siç filloi me rezultat të bardhë 0-0.

Pape Cisse. (Photo by Julian Finney/Getty Images)

Pjesa e dytë nisi për mrekulli për grekët që realizuan nëpërmjet Pape Cisse për të kaluar në epërsi 0-1.

Arsenali u mundua të shënonte golin e barazimit, por një gjëje të tillë nuk ia arritën dhe 90 minutat përfunduan me rezultat 0-1 në të mirë të mysafirëve.

Pasi londinezët kishin fituar me këtë rezultat në ndeshjen e parë, atëherë takimi shkoi në kohën shtesë.

Tifozët e pranishëm në Emirates Stadium u desh ta prisnin minutën e 113-të për ta parë golin e dytë në këtë takim dhe të parin për Arsenalin.

Pierre-Emerick Aubameyang. (Photo by Julian Finney/Getty Images)

Ishte kapiteni Pierre Emerick Aubameyang që shënoi me gërshërë një gol të jashtëzakonshëm për t’i barazuar shifrat në 1-1.

Grekët nuk u dorëzuan dhe gjashtë minuta më vonë shënuan golin e dytë me anë të sulmuesit maroken El Arabi që shfrytëzoi në maksimum një harkim nga Masouras.

Aubameyang ka mundur të bëhet hero i klubit të tij, por në minutën e fundit të shtesës humbi një rast të artë duke nuk arritur ta dërgonte topin në rrjetë.

Kësisoj Olympiacos arriti ta eliminonte Arsenalin me rezultat të përgjithshëm 2-2. /Telegrafi/

⚽️ Pape Abou Cissé 🇸🇳pic.twitter.com/qBVkXMJaAl

— wiwsport.com 🇸🇳 (@wiwsport) February 27, 2020

Aubameyang just scored the best goal in Europa League history

pic.twitter.com/Y29E0nDzMQ

— 🅿️1⃣ (@P1AFC) February 27, 2020

GOAAL YOUSSEF EL ARABI 🔥

El Pistolero Maghrabi sends Olympiacos to the next round of Europa League with yet another goal. Arsenal are out!#UEL (cc @MaghribFoot) pic.twitter.com/X4oRpqywvo

— MaghribFoot Clips (@MFclips) February 27, 2020

www.telegrafi.com