Pacquiao sqaron të vërtetën e ''divorcit" me trajnerin

Ti mund ta lexosh kete ne 1 min.
16 Prill 2018 16:55
Boksieri filipinas ka një përgjigje për të gjithë

Manny Pacquiao ka hedhur poshtë zërat se ka marrë trajner të ri pasi shkëputi raportet me amerikanin Freddie Roach. Mentori i tij, javën e kaluar konfirmoi në rrjetet sociale përmes një statusi se marrëdhënia 15-vjeçare mes tyre kishte përfunduar.

“Do të gënjeja nëse nuk do të thosha se nuk jam i lënduar. Ai nuk më ka kontaktuar personalisht për vendimin që ka marrë por kemi kaluar kohë të mrekullueshme e të mëdha së bashku”

Nga ana tjetër boksieri shkroi në mediat sociale se të hënën do të merrte një vendim të rëndësishëm.

“Në kundërshtim me deklaratat që qarkullojnë në media, unë nuk e kam marrë ende vendimin përfundimtar se kush do të jetë trajneri im për ndeshjen e 14 korrikut ndaj Matthysse”- ka thënë kampioni filipinas. Më tej ai shtoi se këshilltari i tij Mike Koncz kishte biseduar me ish-trajnerin e tij Roach.

Pacquiao, ka një rekord prej 59 fitoresh, 38 prej tyre knockout (KO), shtatë humbje  dhe dy barazime.

“Kur t’a marr këtë vendim, Freddie do të jetë i pari person që do të informohet dhe më media”- deklaroi 39-vjeçari.

Roach ka qenë i pranishëm gjithmonë në rritjen e Pacquiaos si boksier profesionist. Ai e ka ndihmuar që të arrijë disa tituj botërorë. /EDS/

McGregor i thur elozhe Putinit, tërbohen fansat

Ti mund ta lexosh kete ne 2 min.
16 Korrik 2018 15:58

Superylli i UFC, Conor McGregor, ka shkaktuar shumë debate gjatë finales së Kupës së Botës pasi ka pozuar në foto me Presidentin rus Vladimir Putin dhe e ka vlerësuar si një nga udhëheqësit më të mëdhenj të epokës.

Irlandezi ishte në Moskë për të ndjekur finalen e Botërorit mes Francës dhe Kroacisë, i ftuar nga Putin. Ai postoi një foto me Presidentin rus në Instagram duke shkruar poshtë: “Një nga udhëheqësit më të mirë të kohës sonë”.

McGregor postoi edhe foto të tjera me liderin rus në llogarinë e tij në Instagra, që ka 24 milionë ndjekës. “Isha i nderuar që isha në një ngjarje kaq madhore përkrah tij. Ishte një nder për mua zoti Putin. Faleminderit dhe urime për një Botëror të mrekullueshëm”.

Më parë ai kishte postuar edhe një video mesazh për Paul Pogba duke i uruar suksese dhe fat për finalen. Mesfushori francez është tifoz i madh i yllit të MMA.

McGregor postoi edhe një video në Instagram duke lënë të kuptohet se shumë shpejt do të ringjitet në octagon për ndeshjen e shumëpritur me kampionin në fuqi të peshave të lehta Khabib Nurmagomedov.

“Famëkeqi” duhet të ishte ndeshur me rusin shumë më parë me rusin, por gjithçka u anullua kur sulmoi autobuzin e UFC duke plagosur dy luftëtarë të tjerë, pas sfidës së zhvilluar në prill të vitit të kaluar.

Ndërkohë, partnera e tij Dee Devlin, ka lënë të kuptohet se McGregor mund të bëhet baba për herë të dytë. Duke i uruar 30-vjetorin, ajo shkroi në Isntagram: “Të duam shumë, nga unë, Conor jr. dhe bebi në bark”./EDS/

**********

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota ne kohe reale nga Futbolli dhe sportet tjera.

Një tjetër duel për Tyson Fury, rivali i radhës Francesco Pianeta

Ti mund ta lexosh kete ne 1 min.
13 Korrik 2018 10:23
Britaniku me një kundërshtar më të fortë se Seferi

Ish-kampioni i botës në boks, Tyson Fury dy të përballet me dy herë sfiduesin e peshave të rënda për titullin kampion bote, Francesco Pianeta. Dueli midis britanikut dhe 33 vjeçarit gjerman në Belfast do të bëhet më 18 gusht në “Winsdo Park”.

Boksieri 33 vjeçar është shpallur më parë kampion i Evropës në WBO dhe EBU dhe ka fituar 21 nga 40 duelet e tij me nok-out. Britaniku u rikthye në boks me një duel me boksierin shqiptar Sefer Seferi, të cilin e mposhti.

“Ndeshja me Seferin është histori dhe Pianeta është një boksier më i mirë se ai. Niveli i tij e tregon këtë.”, tha promotori i britanikut, Frank Warren.

Pianeta ka humbur duelet për titull kundër boksierëve Wladimir Klitschko dhe Ruslan Chagaev.

"Tyson ka një kohë të gjatë që nuk ka boksuar dhe Pianeta është një kundërshtar i mirë nëse marrim parasysh që për Tyson ky është dueli i dytë pas shkëputjes së tij. Ai ka nevojë për raunde përpara se të kalojë në një nivel më të lartë dhe ky duel do ta bëjë këtë, ta bëjë atë që të punojë që të mund të fitojë”, vazhdoi promotori i britanikut. /EDS/

**************************

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota në kohë reale nga Futbolli dhe sportet e tjera.

Conor McGregor, 30 vjeç dhe i ''pavdekshëm'' / FOTO

Ti mund ta lexosh kete ne 2 min.
12 Korrik 2018 16:15

Conor McGregor ka festuar në mënyrën më origjinale  përvjetorin e 30-të duke u përjetësuar në një skulpturë me vlerë mbi 66 000 dollarë. Legjenda e UFC mbush plot 30 vjeç të shtunën më datë 14 korrik dhe dikush ka menduar për ta bërë edhe më të paharrueshme këtë ditë të veçantë.

Vepra e artit do të shohet në Galerinë “JD Malat” në Londër, pikërisht në datën e lindjes së tij dhe do të qendrojë aty deri në 30 shtator. Ajo është realizuar nga artisti lituanez me qendrim në Brimingam, Edgar Askelovic, i cili punon nën emrin "Aspencroë", i cili ka menduar më pas t’ia dhurojë vetë McGregorit.

Duke folur për realizimin e skulpturës që e ka quajtur ATLAS, Askelovic tha: “Është një nder që Conor e ka pranuar këtë dhuratë prej meje. Ai është një fenomen i kohëve tona, jo vetëm një sportist i zgjuar, por edhe një njeri vizionar. Për të krijuar këtë vepër u frymëzova nga lashtësia, ku sportistët përjetësoheshin në skulptura si të ishin Perëndi. Dhe kombinova edhe disa detaje nga Michelangelo me graffiti të kohëve moderne”.

Skulptorit i janë dashur pesë muaj për ta punuar veprën me duar, duke përdorur mermer dhe silicon të cilësisë më të lartë për të realizuar sytë, ndërsa mjekra është realizuar me qime të vërteta. Në krah të shkëmbit është vendosur edhe një graffiti i një gorille, si tatuazhi që ylli i MMA ka në trupin e tij./EDS/

**********

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota ne kohe reale nga Futbolli dhe sportet tjera.

Legjenda e boksit rikthehet në ring në moshën 52-vjeçare

Ti mund ta lexosh kete ne 2 min.
9 Korrik 2018 16:54

Lennox Lewis mund të rikthehet në ring përsëri në moshën 52-vjeçare për më tepër me një sfidë të jashtëzakonshme kundër Vitali Klitschkos. Lajmi sensacional po qarkullon prej disa orësh në Ukrainë dhe sipas tij dy ish-kampionët botërorë do të përsërisin përballjen e vitit 2003 mes tyre.

Në atë takim, të zhvilluar në SHBA, Lewis siguroi një fitore befasuese në raundin e jgashtë duke e hedhur KO Klitschkon në atë që më vonë u shndërrua edhe në ndeshjen e tij të fundit si boksier profesionist.

Por sipas “Boxing News”, dy legjendat e sportit do të përballen me njëri-tjetrin në konventën e World Boxing Council, që do të mbahet në Kiev në datat 30 shtator – 5 tetor. Klitschko është kryetari i bashkisë së kryeqytetit ukrainas dhe ndeshja do të zhvillohet gjatë kësaj periudhe.

Gjithmonë ka pasur kritika pasi Vitalit, tani 46 vjeç, nuk iu dha kurrë mundësia që të luante ndeshjen e revanshit kundër Lewis, por me sa duket kjo do të ndodhë 15 vjet më vonë. Politikani ukrainas ka folur disa herë për faktin që një ndeshje e dytë ishte rënë dakord të organizohej, por në fund Lewis u tërhoq.

Në një intervistë, Klitschko kujton: “Ai më premtoi një ndeshje tjetër dhe unë e vlerësova shumë mundësinë për t’u ndeshur me një kampion të madh si ai. Bëmë bisedimet por kur u takuam në zyrat e tij në Londër më tha se nuk do të kishte një takim tjetër. U habita shumë kur aty pashë edhe mamanë e tij aty. Folëm për dy orë dhe pasi unë isha larguar, ai më mori në telefon dhe më tha që nuk do të ndeshej me mua. Me sa duket mamaja e tij nuk më kishte shumë qejf”./EDS/

 

**********

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota ne kohe reale nga Futbolli dhe sportet tjera.