Partizani me probleme të mëdha, humbet miqësoren e parë

Ti mund ta lexosh kete ne 1 min.
12 Janar 2018 15:31
Kasimpasa thyen të kuqtë në fund të ndeshjes, i ndëshkon.... Trezeguet

Skuadra e Partizanit e humbi ndeshjen e parë miqësore kundër Kasimpasa-s me rezultatin minimal 1-0. Të kuqtë rezistuan deri në minutën e 89-të, atëherë kur gjithçka u mendua se do të përfundonte në barazim, ishte Trezeguet që finalizoi një aksioni model të turqve.

Trajneri Sulejman Starova pati mundësinë të shihte grupin e lojtarëve. Kjo ishte një provë “gjenerale” për skuadrën e kuqe që është në rindërtim e sipër. Ekipi kryeqytetas rezistoi mirë, por nuk zhvilloi një sfidë të kënaqshme. Ishin turqit që kishin frenat e lojës, pasi kishin më shumë kontroll të topit. Partizani u mbrojt mirë, por nuk arriti të rrezikonte thuajse asnjë moment portën e mbrojtur nga Eray.

Partizani duket se do të ketë vështirësi nëse nuk ndërhyn në merkato, pasi edhe në takimin e sotëm, Starova u detyrua të aktivizonte Kalarin si mbrojtës të djathtë dhe Ibrahimin në qendër. Kjo miqësore u shërbeu shumë drejtuesve të kuq, pasi mesazhi është i qartë: Merkato njerëz, nuk keni gjë në terezi! /EDS/

Kasimpasa – Partizani 1-0
Shënues: Trezeguet 89'

Kasimpasa: Eray, Popov, Youssef, Omeruo, Veysel, Ahmet, Sadiku,  Neyma YR, Trezeguet, Murillo,  Koita. Tr. Kermal Ozdes.

Partizani:  Hoxha, Kotobelli (Belica 46’), Atanda, Ibrahimi, Kalari, Telushi, Batha, Asani (Fili 59’)  Trashi, Progni, Bardhi. Tr. Sulejman Starova.

 

 

Kërkesa për kod të ri
Ne ju kemi dërguar një link për të ndërruar kodin. Ju lutem kontrolloni postën tuaj elektronike