Pas Barçës, edhe Reali do ti rrëmbejë një yll Liverpool-it

Ti mund ta lexosh kete ne 1 min.
10 Janar 2018 13:59
Gjigantët spanjollë kërkojnë shërbimet e Salah

Real Madrid mund ti kundërpërgjigjet Barcelonës në këtë merkato pas transferimit të Coutinho-s. Klubi “Los Blancos” ka në plan të tentojë për të afruar në skuadër, sulmuesin e Liverpool, Mohamed Salah, sipas gazetarit italian të “Sky Sport”, Gianluca Di Marzio.

Pavarësisht faktit se Zinedine Zidane ka deklaruar se nuk do të afrojë lojtarë këtë merkato, qëndrim të cilin e aprovoi edhe presidenti Florentino Perez. Pavarësisht kësaj, Di Marzio në profilin e tij në “Tëitter” shkruan se Real Madrid nuk i përjashton përpjekjet për të blerë kartonin e egjiptianit.

Salah, ka realizuar 17 gola në Premier League, duke u renditur golashënuesi i dytë më i mirë i kampionatit, pas Kane. Sulmuesi 25-vjeçar do të ishte një përforcim tepër i mirë për gjigantët spanjollë, të cilët po kalojnë një moment jo të mirë në La Liga. /EDS/

10 lojtarët më të shtrenjtë në botë, në Champions vetëm Ronaldo

Ti mund ta lexosh kete ne 1 min.
25 Prill 2018 11:40
CR7-ta e rekordeve

Cristiano Ronaldo vazhdon të bëjë histori dhe të thyejë rekorde- shkruan e përditshmja spanjolle Marca në një artikull kushtuar futbollistëve më të paguar në futboll. Ylli portugez ka shënuar më shumë se çdo lojtar tjetër në Champions League dhe është i vetmi nga lojtarët më të shtrenjtë në botë që vazhdon të jetë në gjysmëfinale.

Nga Top 10-shja e futbollistëve më të shtrenjtë në botë, sulmuei i Real Madrid është i vetmi që ka siguruar një biletë për raundin tjetër të Champions. 33-vjeçari është i vetmi që i ka mbijetuar garës së fortë në Ligën e Kampionëve, ndryshe nga Neymar, Messi, Kane, Hazard e të tjerë yje që nuk siguruan dot një biletë për në gjysmëfinale.

Barcelona e Lionel Messit, u eliminua nga Roma, ashtu sikurse edhe Juventus i Higuain dhe Dybalas nga Ronaldo dhe Manchester City i De Bruyne nga Liverpool i Mohamed Salah.

Sipas Transfermarkt, Messi me Neymar kryesojnë Top 10-shën e lojtarëve më të paguar, me 180 milionë euro. Pas tyre vijnë, Harry Kane i Tottenham, Cristiano Ronaldo i "Los Blancos", Kylian Mbappe i PSG-së, secili me nga 120 milionë euro, që plotësojnë 5-shën e parë. Më tej listën e plotësojnë Kevin De Bruyne i Manchester City-t me 110 milionë euro, Paulo Dybala i Juventus, Antoine Griezmann, Eden Hazard, Philipe Coutinho, me 100 milionë euro.

CR7-ta ka shansin që të prekë finalen e madhe të Kievit, nëse sonte dhe në ndeshjen e kthimit ndaj Bayern Munich të shënojë dhe t’i sigurojë skuadrës një biletë tjetër për mbyllje. Reali shihet favorit në përballjen e mbrëmjes së sotme ndaj bavarezëve të Heynckes. /EDS/

10 lojtarët më të shtrenjtë

Leo Messi 180 milionë

Neymar 180 milionë

Harry Kane 120 milionë

Cristiano Ronaldo 120 milionë

Mbappé 120 milionë

Kevin De Bruyne 110 milionë

Paulo Dybala 100 milionë

Antoine Griezmann 100 milionë

Eden Hazard 100 milionë

Philippe Coutinho 100 milionë

Ndjesa e bujshme! France Football përulet para Andrés Iniesta

Ti mund ta lexosh kete ne 2 min.
24 Prill 2018 19:17

Tre vjet pas Xavi-t, edhe një tjetër legjendë e mesfushës që e bëri Barcelonën e viteve 2000 një nga skuadrat më të forta të të gjitha kohërave, po i jep lamtumirën klubit blaugrana dhe futbollit evropian. Andrés Iniesta është gati të pranojë ofertën e Chongqing Lifan, klubit ambicioz kinez që do t’i hedhë në llogari “magjistarit” 30 milionë euro neto në vit.

“Don Andrés” do të lërë pas një pasuri të madhe me trofe në nivel skuadre, por asnjë arritje në planin individual, përveçse vendin e dytë në garën për “Topin e Artë” në vitin 2010 dhe vendi ne tretë në 2012. Në veçanti në rastin e parë i kanë hyrë në hak, sepse bëhet fjalë për sezonin kur Iniesta vendosi me një gol finalen e Botërorit në Afrikën e Jugut kundër Holandës, ndërsa Barça e tij ishte eliminuar nga gjysmëfinalja e Champions League kundër Interit.

Tashmë dihet, që për Topin e Artë më shumë rëndësi kanë golat se sa ndërtimi i lojës, por në mënyrë të çuditshme tani që karriera e Iniesta-s është drejt fundit, ja ku vjen në mënyrë befasuese një ndjesë direkt nga “France Football”, revista historike që zotëron trofeun e lakmuar nga të gjithë. Në fakt, drejtori i revistës Pascal Ferré ka shkruar një lloj editoriali që është më shumë një gjysmë homazhi dhe ndjese: “Ajo që kemi publikuar nuk është një editorial, është diçka për të cilën ne të gjithë te ‘France Football’ jemi ndërgjegjësuar prej disa kohësh. Për ne Iniesta nuk ishte një futbollist, por futbollisti. Bujaria e tij, loja për skuadrën, altruizmi, janë disa aspekte që e kanë privuar nga Topi i Artë. Në ta dëshmuar të gjithëve se truri është gjëja më e rëndësishme kur duhet të bëhesh një kampion”.

Më tej, ka edhe një urim i pazakontë që gjatë verës në Rusi të ndodhë një “mrekulli”, prelud i asaj që mund të ishte një çmim për karrierën: “Kur flasim për fituesit e Topit të Artë, ajo e Iniesta-s është një mungesë e dhimbshme për ne. Na mbetet veçse të shpresojmë që një paraqitje hyjnore me rastin e Kupës së Botës mund të riparojë këtë anomali demokratike”./EDS/

Ylli i Chelsea dëshiron të transferohet në Bernabeu, e ndjek dhe PSG

Ti mund ta lexosh kete ne 2 min.
24 Prill 2018 16:30

Portieri i Chelsea-t, Thibaut Courtois dëshiron të luajë për Real Madridin, konfirmon “Le Parisien”. Portieri belg konsiderohet të jetë një nga portierët më të mirë në botë dhe po mendon të largohet nga “Stamford Bridge”, nga pamundësia e Chelsea-t për të konkuruar këtë sezon, si në Angli ashtu edhe në Ligën e Kampionëve. Sipas “Le Parisien”, 25-vjeçari po ndiqet gjithashtu nga drejtuesit e Paris Saint-Germain, të cilët po kërkojnë të afrojë një portier, që garanton siguri. Kjo është arsyeja që shpjegon pse drejtori sportiv Antero Henrique u takua me belgun këtë sezon. Courtois është i interesuar të ndryshojë ambient, por është më i joshur nga Real Madridi, nëse ai do të largohet nga Blutë. Ish-portieri i Atletico Madrid ka qenë i lidhur me një largim për një kohë dhe ai është ende në bisedime me Chelsea-n rreth marrëveshjes së tij të re. Ai dëshiron të paguhet aq sa yjet e ekipit dhe veçanërisht Eden Hazard.

Real Madrdi kanë qenë gjithashtu i lidhur me David De Gea, ndër të tjera dhe po kërkojnë të zëvendësojnë Keylor Navas. Kohët e fundit Courtois ka deklaruar disa herë se do t’i pëlqente të kthehej në kryeqytetin e Spanjës, në Madrid dhe nëse do të vinte një ofertë nga Real Madridi ai nuk do të mendohej dy herë, edhe nëse drejtuesit e Paris Saint-Germain do t’i ofronin shumë më tepër në aspektin financiar. Kampionët e Evropës janë klubi ideal për të arritur objektivat e tij dhe për më tepër Madridi është një qytet shumë i dashur për portierin 25-vjeçar. Aktualisht ai është fokusuar tek Chelsea, por si duket kampionët e Anglisë e kanë humbur garën për tu renditur në katër vendet e para, çka do t’u mundësonte atyre pjesëmarrjen në Champions dhe ky faktor mjafton që Courtois të mos pranojë të nënshkruajë një kontratë të re, por të largohet nga Londra. /ESD/

Zbulohen emrat e trajnerit dhe lojtarit më të paguar në botë

Ti mund ta lexosh kete ne 2 min.
24 Prill 2018 12:46
Do të habiteni...

Lionel Messi, do të marrë 28 milionë paund më shumë se Cristiano Ronaldo këtë sezon, pas nënshkrimit të kontratës së re prej 500 mijë paund në javë. Ylli argjentinas firmosi marrëveshjen e re nëntorin e kaluar me gjigantët katalanas, duke e bërë kështu zyrtarisht lojtarin më të paguar në botë.

Sipas shifrave më të fundit të publikuara nga France Football, pesë herë triumfuesi i “Topit të Artë” është lojtari më i paguar në futbollin botëror. Ai fiton 110 milionë paund, duke përfshirë pagën bruto, shpërblimet dhe fitimet nga reklamat. Ndryshe nga rivali i tij CR7-ta, i cili do të fitojë 82 milionë paund gjatë këtij sezoni (2017-2018).

Messi ka nënshkruar një kontratë që e mban të lidhur me blaugranët deri në vitin 2021, e cila përfshin një klauzolë gjigante prej 626 milionë paund. Më tej thuhet se në të llogaritet edhe një bonos i madh nënshkrimesh prej 80 milionë paund.

Kjo marrëveshje ka bërë që Messi të renditet i pari, pas Ronaldos dhe ish-shokut të tij të skuadrës, Neymar, i cili është i treti në listën e lojtarëve më të paguar. Braziliani fiton 71 milionë paund, pas nënshkrimit të kontratës fitimprurëse me PSG-në verën e kaluar. 26-vjeçari merr 32 milionë më shumë se Gareth Bale, i cili llogarit 89 milionë paund nga kontrata e tij në Bernabeu së bashku me fitimet nga marketingu.

Në vendin e pestë është Gerard Pique. Emri i mbrojtësit të Barcelonës ishte i befasishëm në këtë listë, i cili merr 25 milionë paund. Çuditërisht asnjë lojtar i Premier League nuk ka plotësuar Top 5-shën, pavarësisht faktit që Premier League konsiderohet kampionati më i pasur në botë.

Nga ana tjetër, në listën e trajnerëve më të paguar, kryeson Jose Mourinho i Manchester United, me 23 milionë paund në këtë mandat. Pas tij vjen, trajneri i Kinës, Marcello Lippi, me 20 milionë paund, i treti argjentinasi i Atletico Madrid, Diego Simeone me 19 milionë paund dhe Zinedine Zidane i Real Madrid  (18 milionë paund) së bashku me Pep Guardiolen e Manchester City-t (17.5 milionë paund). /EDS/

Pesë lojtarët më të paguar në botë

Lionel Messi - 110 milionë paund

Cristiano Ronaldo - 82 milionë paund

Neymar - 71 milionë paund

Gareth Bale - 39 milionë paund

Gerard Pique - 25 milionë paund

 

Pesë trajnerët më të paguar në botë

Jose Mourinho - 23 milionë paund

Marcello Lippi - 20 milionë paund

Diego Simeone - 19 milionë paund

Zinedine Zidane - 18 milionë paund

Pep Guardiola - 17.5 milionë paund