Pas plot 700 viteve, Kanoute synon ndërtimin e një xhamie të re në Sevilla

25 Maj 2019

Frederic Oumar Kanoute i njohur ndryshe si Fredi Kanoute synon të ndërtojnë një xhami të re në Sevilla, pasi në këtë qytet spanjoll nuk është ndërtuar asnjë e tillë në plot 700 viteve.

Në vitit 2007 komuniteti mysliman ishte afër të humbte një xhami të improvizuar pasi pronari i tokës kishte vendosur të shiste ndërtesën e cila shërbente në ato kohë si xhami në Ponce de Leon të Sevillas.

Kur ky informacion doli, ish-sulmuesi i njohur i Tottenhamit dhe Sevillas, Kanoute, vendosi të ndihmonte komunitetin duke dhuruar plot 700 mijë euro, raporton BBC.

Xhamia e përkohshme që e ndihmoi Kanoute (Foto: BBC)

“Ndihmova komunitetin mysliman në Sevilla pak vite më parë, në kohën kur po kërkonin të ruanin vendin e tyre të adhurimit dhe i ndihmova të mbanin xhaminë e tyre të përkohshme”, kujton Kanoute.

Por, sot besimtarët e Sevillas kanë probleme të reja, pasi numri i myslimanëve është rritur dhe duan të kenë një xhami të re e cila do t’i shërbej atyre për të kryer ritet fetare.

Kanoute përsëri është gati për të ndihmuar, por kësaj radhe dëshiron të ndërtoj një xhami të re trekatëshe që do të ketë edhe parkim nëntokësor, përveç vendit të lutjeve.

Kanoute duke festuar një gol me fanellën e Sevillas (Foto: Jasper Juinen/Getty Images/Guliver)

Ish-sulmuesi i njohur thuhet se është gati të dhurojë plot 250 mijë funte për ndërtimin e xhamisë në Sevillas, e cila është e para pas plot 700 vitesh në këtë vend.

“Kam luajtur atje për shtatë vite dhe si mysliman gjëja e parë që bëni kur arrini në një qytet të ri është që ju të gjeni një vend për t’u lutur”.

“Vendi që kam gjetur ishte xhamia, që unë e quaj xhamia e përkohshme, që është akoma aty. Kam gjetur një komunitet fantastik që është formuar jo vetëm nga emigrantët. Ata janë evropianë, janë nga Andaluzia”.

Kanoute ka fituar shumë trofe me klubin andaluzian (Foto: Jamie McDonald/Getty Images/Guliver)

“Ata kanë lindur si myslimanë, dhe ka një përzierje fantastike dhe të bukur midis marokenëve, algjerianëve, senegalezëve dhe malianëve dhe ishte një komunitet i bukur. Kjo është xhami që shkoj në çdo të premte dhe çdo herë që mund të shkoj”, përfundoi ish-sulmuesi i njohur.

Ndryshe, Kanoute u bashkua me Sevillan nga Tottenhami në vitit 2005. Në shtatë vite, sulmuesi i Mali pati periudhën më të suksesshme në futboll duke fituar dy herë Kupën UEFA, Kupën e Spanjës dy herë dhe dy Superkupa Evrope dhe Spanje, ndërsa në vitin 2007 ai u votua si Futbollisti Afrikan i Vitit. /Telegrafi/

www.telegrafi.com