Përfaqësuesit e Dembeles në Angli, takohen me dy klubet e mëdha angleze

07 Dhjetor 2019

Ousmane Dembele është duke menduar largimin nga kampioni i Spanjës, Barcelona.

Sulmuesi francez ka dështuar të bëhet një lojtar i rregullt i formacionit bazë te katalunasit dhe po mendon transferimin në Angli.

Përfaqësuesit e lojtarit kanë qëndruar për disa ditë në Angli ku janë takuar me drejtuesit e dy skuadrave të mëdha.

The Sun ka raportuar se përfaqësuesit e francezit kanë pasur takime me Manchester Cityn dhe Chelsean.

22-vjeçari dëshiron të provojë aventurën angleze dhe mund të ndodhë largimi i tij nga Barcelona qysh në afatin kalimtar të janarit.

Ousmane Dembele. (Photo by Aitor Alcalde/Getty Images)

Ish-anëtari i Rennes dhe Borussia Dortmund kishte refuzuar transferimin te PSG, me kampionët e Francës që vazhdojnë të jenë të interesuar për të.

Por dëshira e tij është të luaj në Angli dhe Chelsea duket skuadra favorite për të nënshkruar me të, pasi e shohin si zëvendësuesin adekuat të brazilianit Willian që mund të largohet në janar.

Kampionët e Spanjës, Barcelona janë të gatshëm të lënë të lirë lojtarin, por për këtë po presin një ofertë mbi 130 milionë euro. /Telegrafi/

www.telegrafi.com

ulaş utku bozdoğan
ulaş utku bozdoğan astrolog
ulaş utku bozdoğan