REZULTATET LIVE
Shiko listen e plote
Embiid i papërmbajtshëm

Philadelphia shtang Knicks në shtëpi

25 Dhjetor 2017 22:03

Dita e Krishtlindjes në NBA u hap me përballjen New York Knicks – Philadelphia 76ers.

Në “Madison Square Garden” u zhvillua një ndeshje mjaft e bukur, e cila u fitua nga miqtë më rezultatin 98-105.

Knicks nuk u mjaftoi një Karter në versionin më të mirë të tij që realizoi 31 pikë dhe 22 ribaunde.

Për Philadelphia ata që bënë diferencën ishin Embiid (25 pikë dhe 16 ribaunde) dhe Redick (24 pikë).

Pjesa e parë ishte e ekuilibruar dhe u mbyll 48-50 në favor të miqve.

Ndërsa në periodën e fundit vendimtar ishte Embiid dhe pikët në fund nga Simmons që ua shoi  shpresat Knicks.

Kjo fitore ka një vlerë të madhe për miqtë, pasi ata iu rikthyen sukseseve pas 5 takimeve.

Skeda

New York: Kanter 31 (12/21), Porzingis 22, Lee 20. Rimbalzi: Kanter 22. Asiste: Jack 7.

Philadelphia: Embiid 25 (6/14, 2/3), Redick 24, Mcconnell 15. Rimbalzi: Embiid 16. Asiste: Mcconnell 4.

Jeni i lutur të hyni në llogari që të lini një koment
Kings pësoi humbjen e tetë radhazi

Rockets nuk zhgënjen ndaj Heat, Clippers nuk ia del dot

23 Janar 2018 16:31

Chris Paul nuk u befasua shumë për mënyrën se si Houston Rockets luajti në “Toyota Center”. Por veterani u duk mjaft i lumtur me rezultatin e ndeshjes. James Harden shënoi 28 pikë dhe Rocekts rikuperuan një diferencë të madhe për ta mundur Miami Heat, 99-90. Kundër ishte vendi i katërt në Lindje ndaj të dytit në Perëndim. Rockets vazhdon që të ndjekë në Konferencën Perëndimore kampionët në fuqi të Golden State.

Midis Minnesota Timberwolves dhe Los Angeles Clippers ishte një ndeshje mjaft e luftuar, e cila përfundoi 126-118. Por në përfundim të periodës së tretë, mbyllur 106-106, Minnesota arrin t’ia dalë, falë Andrew Wiggins, që realizoi 40 pikë. Clippers dështuan në minutat e fundit të lojës, pavarësisht paraqitjes së mirë të Blake Griffin (32 pikë, 12 ribaunde dhe po aq asiste)

Sacramento Kings pësoi humbjen e tetë radhazi dhe vazhdon të qëndrojë në fund të renditjes në Konferencën Perëndimore. Charlotte Hornets fituan 107-112. Atlanta Hawks i mori Utah Jazz një fitore me mjaft rëndësi (90-104). Pas një loje shumë të luftuar, të vendosur në periodën e fundit Philadelphia 76-ers u mund nga Memphis Grizzlies 101-105. Kurse Milwaukee triumfoi duke u lodhur jo pak ndaj Phoenix 105-109. Bucks e arritën suksesin falë dyshes Khris Middleton, 35 pikë dhe Malcom Brogdon, 32 pikë.

U deshën dy kohë shtesë që New Orleans Pelicans të fitonte ndaj Chicago Bulls 132-128. Washington Wizards u kthye nga tranferta e Dallasit me hidhërim në gojë, pasi u mund nga Mavericks 98-75. Denver Nuggets e fitoi sfidën e rëndësishme kundër Portland Blazers 101-104. Portland ngelet në vend të shtatë në Konferencën Perëndimore, edhe pse Nuggets me këtë sukses janë afruar mjaft.

Jeni i lutur të hyni në llogari që të lini një koment
Lakers merr fitoren e dytë radhazi

Celtics harron të fitojë, Spurs dështojnë sërish

22 Janar 2018 12:51

Boston Celtics ka befasuar sërish duke pësuar humbjen e tretë radhazi. Të parët e Konferencës së Lindjes po kalojnë një krizë serioze dhe nuk po ia dalin që të ngrenë kokën.

Këtë herë është Orlando Magic që u bëri magji dhe i mposht 95-103.

Për Celtics nuk mjaftoi Irving që realizoi 40 pikë, i shoqëruar nga Brown (17 pikë) dhe Marcus Morris (12 pikë).

 Magic pas dy periodave të para që i mbyllën me -1 pikë, shpërthyen në të tretën.

Celtics u përpoqën që të përmbysnin gjithçka në periodën e katërt, por iu dorëzuan në fund rivalëve.

Për Magic u dalluan Payton (22 pikë), Fournier (19) e Gordon (11 pikë dhe 13 ribaunde).

Kjo është fitorja e dytë në tri takimet e fundit për ta dhe e treta në 20 ndeshje.

Pas “KO” kundër Toronto-s erdhi një tjetër dështim për Spurs që u mundën nga Pacers me rezultatin 86-94.

Ekipi i katërt në Perëndim kapitulloi në “At&T Center” me vendasit që gjetën fitoren pas dy humbjeve radhazi.

Më i miri për ekipin e gjashtë në Lindje ishte Pau Gasol me 14 pikë dhe 9 ribaunde.

Për Los Angeles Lakers erdhi fitorja e dytë radhazi. New York Knicks nuk ia dolën dot ndaj Lakers, ku u mundën 127-107 dhe pësuan humbjen e pestë radhazi në shtatë sfidat e fundit.

Ndërkohë për Detroit Pistons vazhdon periudha negative. Këtë herë ata u mundën me vetëm 1 pikë diferencë nga Brooklyn Nets.

Për fituesit erdhi suksesi i dytë radhazi pas atij kundër Heat.

Jeni i lutur të hyni në llogari që të lini një koment
Rezultate befasuese

Houston trondit Warriors, Oklahoma shpartallon Cavaliers

21 Janar 2018 10:12

Golden State ra në Houston. Rockets fituan me rezultatin 116-108 kundër Warriors. Në ndeshjen më të pritur të NBA-së, vendi i parë në Konferencën Perëndimore, nuk mundi të bënte dot asgjë ndaj vendit të dytë dhe pa t’i ndërpritej ecuria e 4 fitoreve radhazi.

Suksesi i vendasve erdhi falë dyshes Chris Paul, 33 pikë, 11 asiste dhe James Harden me 22 pikë.

Për Golden State, Curry (19 pikë), Durant (26) dhe Green (21) nuk mundën të bënin dot asgjë.

Cleveland Cavaliers pësoi një humbje të rëndë nga Oklahoma Thunder, e cila ishte e papërmbajtshme në parket.

Për fitimtarët u dalluan Westbrook, 23 pikë dhe 20 asiste, Adams, 25 pikë dhe 10 ribaunde dhe Anthony, 29 pikë dhe 10 ribaunde dhe sidomos i zakonshmi Paul George me 36 pikë.

Zhgënjim për LeBron James (18 pikë) dhe Isaiah Thomas (24). Cleveland gjithsesi ngelet në vend të tretë në Konferencën Lindore.

Në sfidat e tjera Chicago Bulls mundi Atlanta Hawks 113-97, kurse Miami Heat ia doli me vetëm një pikë më shumë kundër Charlotte Hornets (106-105).

Një ndalesë e keqe për Milwaukee Bucks që u mundën nga Philadelphia 76ers 94-116.

Një tjetër garë shumë e luftuar ishte ajo midis Toronto Raptors dhe Minnesota Timberwolves 109-115.

Kundër ishte vendi i katërt në Perëndim ndaj vendit të dytë në Lindje me fitimtarë të parët.

Ndërsa Utah Jazz befasoi me suksesin ndaj Los Angeles Clippers 113-125.

Në sfidën e fundit, siç ishte parashikuar Portland Trail Blazers mposhti, jo pa vështirësi Dallas Mavericks 108-117. Blazers konfirmohen ekipi i gjashtë më i mirë i Konferencën Perëndimore.

Jeni i lutur të hyni në llogari që të lini një koment
Raptors rikthehen te fitorja, Lakers të pafuqishëm ndaj Thunder

Golden State i pakapashëm, Hawks fitore të çmendur

18 Janar 2018 11:22

Golden State nuk di të ndalet. Viktima e radhës është Chicago Bulls. Të udhëhequr nga “Splash Brothers” (Thompson 38 pikë, Curry 30) Warriors mundën Bulls 119-112 dhe siguruan fitoren e 14-të radhazi në transfertë. Ndeshja ishte e  ekuilibruar deri në përfundim të pjesës së parë. Ndërkohë me nisjen e periodës së tretë, kampionët u bënë të papërmbajtshëm dhe vulosën suksesin. Me Mirotic (24 pikë) , Bulls u përpoqën që ta rihapnin lojën në periodën e fundit, por kurrë nuk ia dolën që t’u afroheshin rivalëve. 

Njeriu i ndeshjes doli Klay Thompson me 38 pikë dhe 7 tripleta nga 13 të realizuara. Shumë mirë edhe Curry (30 pikë dhe 9 ribaunde), ndërsa Kevin Durant ndalet në 19 pikë, 8 ribaunde dhe 7 asiste.

Toronto mundi në shtëpi Detroit dhe ringre kështu kokën pas dështimeve ndaj Godlen State dhe Philadelphia-s. Raptors triumfuan 96-91 në “Air Canada Center” ndërsa në parket pati edhe një sfidë interesante midis Valanciunas e Drummond. Lituanezi i Toronto-s realizoi 17 pikë dhe 16 ribaunde kurse qendra e Pistons 25 pikë dhe 17 ribaunde.

San Antonio zbuloi 2 orë para nisjes së takimit se Kawhi Leonard nuk do të jetë i gatshëm për shkak të një dëmtimi. Por prapë ata fituan në përballjen kundër Brooklyn Nets me rezultatin 100-95. U dalluan në parket LaMarcus Aldridge me 34 pikë dhe 8 ribaunde, si edhe Patty Mills me 25 pikë, por gati perfekt me 3 pikëshet me 7 të realizuara nga 8. Nets nuk u mjaftuan 20 pikët e Allen Crabbe dhe 18 pikët e Joe Harris.

Ndeshja që dhuroi më shumë emocione ishte Atlanta - New Orleans 94-93. Pelicans u duk se e kishin në kontroll takimin dhe për tri perioda kryesuan, por Hawks u ngjallën në periodën e fundit. Në fund, loja e bë mjaft e luftuar. Ai që vendosi fatin e saj ishte Kent Bazemore (20 pikë) që 2 sekonda nga fundi shënoi koshin që bëri të shpërthente “Philips Arena e” dhe i dhuroi Atlanta fitoren e dytë radhazi.

Për Oklahoma Thunder ishte e lehtë që të mundte Los Angeles Lakers 114-90. Westbrook (19 pikë, 6 ribaunde, 7 asiste) dhe shokët e tij e mbyllën takimin me +24 pikë. Los Angeles Clippers vazhdojnë të fitojnë dhe të ngjiten në renditjen e Konferencës së Perëndimit. Suksesi i tyre i pestë radhazi erdhi në “Staples Center” të Denver, ku ata mundën Nuggets 109-104. Në nëntë takime, Miami Heat ka marrë 8 fitore.

Paraqitja më e mirë sezonale e Whiteside (27 pikë) i dha atyre fitoren ndaj Milwaukee Bucks 106-101. Bucks kanë humbur brenda katër ditëve dy herë ndaj Heat. Në pjesën e parë, Charlotte Hornets realizoi 77 pikë (rekord i tyre), themelet e fitores së arritur kundër Washington Wizards me rezultatin 109-133. Pa shumë probleme Memphis kaluan testin Knicks (99-105) kurse Utah Jazz befasuan në shtëpi Sacramento Kings 120-105.

Suksesi i Jazz erdhi falë paraqitjes shumë të mirë të rishtarit Donovan Mitchell që shënoi 34 pikë. Në pjesën e parë, Charlotte Hornets realizoi 77 pikë (rekord i tyre), themelet e fitores së arritur kundër Washington Wizards me rezultatin 109-133. Pa shumë probleme Memphis kaluan testin Knicks (99-105) kurse Utah Jazz befasuan në shtëpi Sacramento Kings 120-105. Suksesi i Jazz erdhi falë paraqitjes shumë të mirë të rishtarit Donovan Mitchell që shënoi 34 pikë.

Jeni i lutur të hyni në llogari që të lini një koment