Pjaca rikthehet nga lëndimi, Juventusi pritet ta huazojë në janar

17 Nëntor 2019

Marko Pjaca përsëri do të largohet nga kampionët e Italisë, Juventusi.

Sulmuesi anësor është rikuperuar nga një lëndim i gjatë që e mbajti për muaj të tërë jashtë fushave.

Por edhe pse ka kaluar lëndimin, ai nuk pritet që të mbetet në Juventus ku konkurrenca është jashtëzakonisht e madhe në repartin ofensivë.

Corriere di Torino ka raportuar se Zonja e Vjetër do ta huazojë yllin e ri kroat gjatë janarit.

Marko Pjaca sa ishte pjesë e Fiorentinës. (Photo by Gabriele Maltinti/Getty Images)

Tre është numri i skuadrave italiane që kanë shprehur interesim për huazimin e ish anësorit të Dinamo Zagrebit.

Sampdoria, Genoa dhe Bologna janë gati ta marrin si huazim dhe ta paguajnë pagën e tij deri në qershor.

Për Pjacën do të ishte huazimi i tretë prej se u transferua te Juventusi, pasi më parë ishte huazuar edhe tek Schalke e Fiorentina. /Telegrafi/

www.telegrafi.com

ulaş utku bozdoğan
ulaş utku bozdoğan astrolog
ulaş utku bozdoğan