Pochettino: Southamptoni im ndryshoi futbollin në Angli

01 Qershor 2020

Mauricio Pochettino beson se nuk ka asnjë skuadër që ka treguar ndikim më të madh në futbollin anglez se sa Southamptoni kur ai e kishte nën drejtim për një sezon e gjysmë nga janari i vitit 2013.

Argjentinasi vazhdon të vlerësohet si njëri ndër trajnerët më të mirë në Angli për taktikat e tij, derisa në nëntor të vitit të kaluar u largua nga Tottenham Hotspuri.

“Futbolli në Angli u ndryshua nga skuadra e Southamptonit në sezonin 2013/14, skuadër kjo që tregoi një ndikim të madh, që askush nuk e kishte arritur”, ka thënë Pochettino.

“Ne arritëm në klub me një president si Nicola Cortese që dha gjithçka nga vetja për të krijuar atë skuadër. Ishim përshtatur shumë mirë”.

“Gjetëm një grup të lojtarëve që dëshironin të mësonin më shumë dhe në sjellim eksperiencë nga Spanja. Lojtarët e rinj filluan të adaptoheshin dhe ne shumë shpejtë kishim arritur që të ndryshonim futbollin edhe në kombëtaren e Anglisë”, ka shtuar më tej ai.

Fitoret ndaj Manchester Cityt, Liverpoolit dhe Chelsea, kishin treguar pikat e forta të Pochettinos në atë edicioni, për të kaluar më pas te Spurs. /Telegrafi/

Coronavirus – Statistikat

TotalKosova

Infektuar
Shëruar
Vdekur

Data credits CSSE at JHU

Trendi i Coronavirus-it në Kosovë

Data credits:corona-ks

Të gjitha lajmet rreth Coronavirus-it
www.telegrafi.com