Pornostare & amoniak: truket me të cilat Marseille e Canës mundi PSG në 2005!

Ti mund ta lexosh kete ne 3 min.
11 Janar 2018 16:55
Ndeshja e bujshme e 13 vetëve më parë që u pasua nga polemika të shumta për ngjarjet e çuditshme. Ja prapaskenat...

Jemi në sezonin 2005-2006. Më 16 tetor, në orën 21:00, luhet në Vélodrome ndeshja midis Olympic Marsejë-Paris Saint Germain, ajo që në Francë quhet Le Classique (ekuivalentja e ClasicoSpanjë ose DerbyItali). Bëhet fjalë për ndeshjen më të veçantë në kampionat, për shkak të rivalitetit midis dy tifozerive.

Është java e 11-të. Të dy ekipet ndodhen në pozicione të ndryshme. PSG kryeson renditjen, kurse OM, renditet në vendin e dhjetë.

Rezultati i ndeshjeve të drejtpërdrejta ka vetëm një protagonist. Parizienët kanë fituar të 9 klasiket e fundit, dhe në këtë mënyre vijnë si të favorizuar në këtë ndeshje.

Ajo që ndodhi atë natë përpara një publiku prej 70 mijë njerëzve, është një spektakël i vërtetë. Një ndeshje në të cilën Marseja dominon, duke fituar me rezultatin 1-0 me golin e vetëm të shënuar nga kapiteni i Marseille, gjithashtu edhe i ekipit tonë kombëtar: Lorik Cana. Rezultati i ndeshjes, megjithatë, do të përflitet edhe për ngjarjet që ndodhën përpara fillimit.

Me të mbërritur në stadium, ekipi i PSG u shoqërua në dhomat e zhveshjes. Dukej gjithçka në rregull, deri në momentin që filloi të përhapej një erë e fortë amoniaku.

"Nuk merrnim dot frymë, dukej sikur po mbyteshim. Vendosëm të ndërroheshim tek shkallët, sepse era po na shkaktonte probleme tek sytë ", tregon Modeste M'bami, mesfushor i PSG-së në atë periudhë.

"Ata e kanë bërë qëllimisht këtë gjë", shpjegon Christophe Landrin, një tjetër lojtar i PSG.

Në këtë histori u përfshi edhe, José Anigo, trajner i Olympic Marseille i cili në përfundim të ndeshjes, do të deklaronte se e gjithë kjo është pjesë e një teorie konspiracioni, që shërben për të justifikuar lojën e dobët, që solli humbjen e PSG.

Sidoqoftë, historia nuk përfundon këtu.

Landrin gjithashtu akuzoi se para fillimit të ndeshjes, në hollin që ndan dhomat e zhveshjes nga tuneli për të hyrë në fushë, ishte e pranishme edhe Clara Morgane, një aktore simpatike franceze dhe ish-pornostare, e cila në një moment u përpoq të hynte në dhomën e zhveshjes së PSG.

"Në fillim e pashë në stadium me një mikeshë, pastaj kur e pashë në dhomat e zhveshjes, pyeta veten se çfarë bënte atje. Ajo ishte veshur në një mënyrë shumë të çuditshme për të parë një ndeshje futbolli. Shumë, shumë seksi. Sinqerisht, me gjithë këto ndodhi, nuk u përqendruam dot dhe është normalisht që do humbisnim”, tregoi Landrin pas ndeshjes.

Aktorja, e intervistuar nga mediat për të dhënë versionin e saj të historisë, disa ditë pas ndeshjes deklaroi: "Kur humb duhet të gjesh shkakun, dhe të mos krijosh justifikime. Atë mbrëmje, PSG luajti më keq se Marseille. Unë për veten time, mund të them se nuk e kalova natën me asnjë lojtar”.

Ajo ndeshje do të ndryshonte fatet e të dy ekipeve. PSG filloi tatëpjetën, duke e mbyllur sezonin në vendin e nëntë. OM, nga ana tjetër, filloi ngjitjen e saj duke përfunduar deri në vendin e pestë atë sezon.

 

SKEDA E NDESHJES:

Velodrome, Paris, 16 Tetor 2005

OLYMPIC MARSEILLE – PARIS SAINT GERMAIN 1-0

Golat: 78' Lorik Cana

 

OLYMPIC MARSEILLE: 16-Fabian Barthez; 2-Andre Luis Garcia, 3-Taye Taiwo, 4-Demetrius FERREIRA LEITE, 26- Bostjan CESAR; 14- Sabri LAMOUCHI, 19- Lorik CANA (c), 7- Franck RIBERY, 11- Mamadou NIANG (23- Habib BEYE 87`), 13-Christian GIMENEZ (22- Samir NASRI 70’), 8- Wilson ORUMA

PARIS SAINT GERMAIN: 16-Jérôme ALONZO; 2-David ROZEHNAL, 5-Bernard MENDY, 6-Mario YEPES (c), 22-Sylvain ARMAND, 10-Vikash DHORASOO (4-Stéphane PICHOT 86'), 11-Sergei Bogdanovitch SEMAK, (14-Rudy HADDAD 66'), 23-Modeste M'BAMI, 24-Christophe LANDRIN (7-Fabrice PANCRATE 49'), 15- Bonaventure KALOU, 25- Jérôme ROTHEN

Arbitri: Eric POULAT

Mungon vetëm zyrtarizmi, portieri kuqezi pranë transferimit në Francë

Ti mund ta lexosh kete ne 1 min.
17 Korrik 2018 20:46

Paraqitjet e Etrit Berishës me ekipin e Atalantës këtë sezon në Serie A kanë qenë me të vërtetë mbresëlënëse. Portieri kuqezi e ka konfirmuar veten dhe në këtë mënyrë ka tërhequr vëmendjen e disa prej ekipeve më të mira evropiane.

Së fundmi për portierin një interes të madh ka shfaqur ekipi i Lille në Ligue 1. Sipas Sportitalia, dy klubet kanë nisur bisedimet për lojtarin e përfaqësueses shqiptare. 29-vjeçari iu bashkua Atalanta-s nga Lazio, në fillim në formë huazimi e më pas u ble për 5 mln euro. Berisha ka kaluar shumicën e karrierës së tij në Serie A, teksa ka ardhur në fillim te Lazio më 2013. Ai ka 47 paraqitje me përfaqësuesen shqiptare.

Drejtuesit francezë duken të bindur nga cilësitë e Berishës dhe mund të bëjnë për të një ofertë zyrtare në ditët në vijim. /EDS/

**************************

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota ne kohe reale nga Futbolli dhe sportet tjera.

Neymar vendos tri kushte për transferimin te Reali

Ti mund ta lexosh kete ne 2 min.
17 Korrik 2018 12:22
Sulmuesi brazilian e ka të qartë

Neymar nuk heq dorë. Sulmuesi brazilian vazhdon të ketë dëshirën për t’u rikthyer në La Liga. Ndërkohë që drejtuesit e Real Madrid, deklaruan pak ditë më parë që nuk kanë bërë ende asnjë ofertë zyrtare për të marrë shërbimet e 26-vjeçarit.

Pas aventurës zhgënjyese në Botërorin “Rusi 2018”, ku Franca u shpall kampione për të dytën herë në histori, ylli i PSG-së po shijon disa ditë pushime. Por, natyrisht që mendjen e ka edhe tek merkato. Presidenti Florentino Perez, pas largimit të Cristiano Ronaldos është në kërkim të një sulmuesi cilësor për në “Santiago Bernabeu”. Kreu i galaktikave e ka pranuar edhe më parë interesin për të veshur me “të bardha”, futbollistin brazilian. Mirëpo, duket që shkëlqimi i Kylian Mbappe në Kupën e Botës ia ka prishur mendjen dhe tashmë interesi është kthyer tek 19-vjeçari francez. Megjithatë, sulmuesi i ri në përfundim të ndeshjes finale të fituar 4-2 ndaj Kroacisë theksoi se këtë merkato nuk do të lëvizë nga Parisi, pasi ndihet i lumtur aty.

Duke qenë se tratativat për Mbappe janë të vogla, atëherë mbetët në fuqi interesi për Neymar dhe Hazard, por veçanërisht për brazilianin. Mirëpo, ky i fundit ka disa kushte që të pranojë të nënshkruajë në Bernabeu.

Së pari, kërkon që rroga e tij të jetë sikurse e Messit: 46 milionë euro në vit.

Së dyti, një bonus nënshkrimi për babain, agjenti që do të kryejë transferimin: rreth 33 milionë euro.

Së treti, dhe e fundit një ekip fitues.

Neymar dëshiron që të ‘pastrojë’ Realin, të afrojë lojtarë të cilët i ka miq, në mënyrë që t’a ndihmojnë për të fituar “Topin e Artë”. Përveç kësaj, ai e vë në dyshim aftësinë e Julen Lopetegui, të cilin e sheh si Unai Emery, një teknik pa përvojë të mjaftueshme. /EDS/

**************************

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota në kohë reale nga Futbolli dhe sportet e tjera.

Monaco sfidon Juven dhe Chelsea për Golovin, konfirmon ofertën

Ti mund ta lexosh kete ne 2 min.
16 Korrik 2018 23:41
Vasilyev këshillon mesfushorin

Monaco ka bërë një ofertë për CSKA Moscow për mesfushorin Aleksandr Golovin, sipas zëvendëspresidentit të klubit të Ligue 1, Vadim Vasilyev. Golovin ishte një nga yjet e Botërorit ndërsa e ndihmoi Rusisë të shkonte deri në çerekfinale të Kupës së Botës. Chelsea ka qenë e lidhur me blerjen e mesfushorit sulmues, i cili pritet të jetë një nga nënshkrimet e para të epokës Maurizio Sarri - pas ardhjes me bujë të Jorginho nga Napoli në fundjavë. Gjithsesi ekipi i Monaco kanë bërë lëvizjen e tyre, me Vasilyev duke thënë se skuadra e që drejtohet nga Leonardo Jardim është një terren më i besueshëm për talentet e rinj. "Ne i bëmë CSKA një propozim për Golovin", tha Vasilyev për “Sport-Express”. "Nuk mund të them shumën e transferimit, por është shumë e denjë. Kohëzgjatja e kontratës do të ishte pesë vjet. Unë mendoj se në këtë situatë tranzicioni Monaco është opsioni më i mirë për Golovin”, shtoi ai.

"Të shkosh menjëherë nga Rusia në një klub të madh në ligën kryesore evropiane është shumë e rrezikshme. Ne jemi në gjendje të fillojmë karrierën e lojtarëve të rinj. Mjafton të shikojmë Kylian Mbappe", vazhdoi ai. Mbappe bëri një sezon mahnitës në Monaco kur ata fituan titullin e Ligue 1 në sezonin 2016-2017. Sulmuesi adoleshent më pas u transferua në Paris Saint-Germain dhe u emërua si lojtari i ri i më i mirë i Kupës së Botës, pasi shënoi në fitoren 4-2 të Francës në finalen kundër Kroacisë të dielën. Nëna e Golovin kohët e fundit ka deklaruar se mesfushori ka marrë leksione anglisht, për t’u transferuar në Premier League. Gjithashtu edhe Juventusi ka shfaqur interes për mesfushorin e CSKA, që la shkëlqyer në Botëror. Tani e ardhmja është në duart e Golovin, por ai e di se kalimi te Chelsea do të ishte i rrezikshëm për karrierën e tij. /EDS/

**************************

Ndalohet ripostimi apo kopjimi i këtij artikulli pa lejen me shkrim nga eduasportin.com.
Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota në kohë reale nga Futbolli dhe sportet e tjera.

Të gjithë e duan, por Mbappe është i vendosur

Ti mund ta lexosh kete ne 2 min.
16 Korrik 2018 12:27
Flet sulmuesi francez

Kylian Mbappe ka përjashtuar mundësinë e largimit nga Paris Saint-Germain këtë verë pas aventurës fantastike që përjetoi me Fracnën në Kupën e Botës, që u zhvillua në Rusi. 19-vjeçari u shpall kampion për herë të parë me përfaqësuesen e “Gjelave” ndërsa shënoi edhe katër gola në shtatë ndeshje të zhvilluara. Gjithashtu u vlerësua si lojtari më i mirë i ri në këtë turne.

Mbappe u bë lojtari më i ri i dyti që mori fiton një finale Botërori dhe shënon gol, pas Pele në vitin 1958 ku u shpall kampion me Brazilin në fitoren 5-2 ndaj Suedisë. Përformanca e tij pozitive në këtë Botëror ka tërhequr vëmendjen e shumë klubeve gjigante në Evropë, të cilat kanë shfaqur interes për të marrë shërbimet e tij.

Real Madrid është ndër të parat ekipe që ka nisur punën për të arritur marrëveshjen me drejtuesit e PSG-së për kartonin e lojtarit, pas largimit të Cristiano Ronaldos në “Allianz Stadium” për 105 milionë euro. Përveç galaktiëve, edhe Manchester United do të bëjë çmos që të sjellë në “Old Trafford” talentin francez. Mirëpo, duket që ky i fundit nuk dëshiron që të largohet nga kryeqyteti i tij i dashur. Në përfundim të fitores 4-2 ndaj Kroacisë, ai u tha gazetarëve se nuk ka ndërmend të ikë nga klubi këtë verë.

“Unë do të qëndroj me PSG, do të vazhdoj rrugën time me ta. Unë jam në fillim të karrierës sime”- tha 19-vjeçari.

Real Madrid gjithashtu ka shfaqur interes të madh edhe për Neymar këtë verë, ndërsa janë në kërkim të një galaktiku tjetër pas largimit të Ronaldos. Megjithatë, gjigantët spanjollë kanë theksuar se nuk do të bëjnë asnjë lëvizje për brazilianin.

Në një deklaratë të publikuar në faqen zyrtare në uebsajtin e tyre ata kanë konfirmuar se nuk do të bëjnë asnjë ofertë për 26-vjeçarin. /EDS/

**************************

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota ne kohe reale nga Futbolli dhe sportet tjera.