Prandelli mund të rimarrë drejtimin e Italisë, por ka kushte

Ti mund ta lexosh kete ne 1 min.
16 Dhjetor 2017 22:23
"E di se nuk pëlqehem shumë, sepse kam shqetësuar shumë presidentë..."

Ish-trajneri i Italisë, Cesare Prandelli, mund të rikthehet në stolin e kombëtares fqinje. Më saktë, ai ka lënë të hapur mundësinë e marrjes së kësaj detyre, që aktualisht është më e vështira e mundshme për çdo trajner italian. 

Gjithsesi, gjërat nuk janë kaq të lehta. Ai ka deklaruar se fillimisht Federata duhet t’i plotësojë disa kushte të caktuara. “Kombëtaren nuk mund ta refuzosh. Ju e dini se do të kthehesha me vrap te Italia, por duhet që propozimi të vijë nga njerëz të cilët kanë një projekt të qartë".

Prandelli e di mirë se çfarë reputacioni ka. "Nuk është se pëlqehem shumë në Itali, sepse kam shqetësuar shumë presidentë apo drejtues klubesh. Sidoqoftë, një ditë do të drejtoj sërish në Itali”, - ka shtuar ai.

Kërkesa për kod të ri
Ne ju kemi dërguar një link për të ndërruar kodin. Ju lutem kontrolloni postën tuaj elektronike