PSG ka gati 50 milionë euro për Fabinhon

27 Nëntor 2018
PSG ka gati 50 milionë euro për Fabinhon

Shefat e Paris Saint-Germain planifikojnë të diskutojnë situatën e Fabinhos me homologët e tyre të Liverpoolit.

Kjo e fundit gjatë ditës së nesërme do të ballafaqohet me klubin parisien në ndeshjen e Ligës së Kampionëve – me gjigantët francezë të etur për të eksploruar mundësinë e sjelljes së brazilianit në Francë.

Mesfushori, siç raporton L’Equipe, është një ndër objektivat kryesore të afatit kalimtar të janarit të kampionit francez, gjersa menaxhmenti i klubit anglez është i ndarë mbi atë se çfarë duhet të bëjmë në rast të ofertës së sheikëve.

PSG janë të gatshëm të marrin Fabinhon në formë huazimi për gjashtë muajt e ardhshëm me mundësi të blerjes në fund të sezonit për 50 milionë euro.

Bosi i The Reds, Jurgen Klopp nuk po dëshiron t’i humbas shërbimet e reprezentuesit të Brazilit, edhe pse nëse ofrohet shuma e lartcekur, bordi është i interesuar ta shes mesfushorin.

Lexo po ashtu: Milan dhe Juventus në garë për Fabinhon

Theksojmë se 25-vjeçari në radhët e klubit të Liverpoolit nga Monaco për shumën e 44 milionë eurove.

Ndryshe, Fabinho deri më tani ka pasur vetëm tre paraqitje për anglezët duke mos shënuar asnjë gol. /Telegrafi/

www.telegrafi.com