PSG konfirmon edhe tre lojtarë të infektuar me coronavirus, mediat zbulojnë emrat

04 Shtator 2020

Paris Saint-Germain ka konfirmuar se tre lojtarë të tjerë kanë dalë pozitiv në testet e bëra për coronavirusin e njohur si COVID-19.  

Përgatitjet e klubit për sezonin e ri në Ligue 1 janë hedhur në kaos vetëm një ditë pasi u zbulua se tre yje të tjerë nga Parc des Princes rezultuan pozitiv.

Sipas mediumit L’Equipe, Marquinhos, Keylor Navas dhe Mauro Icardi janë lojtarët të cilët kanë rezultuar kësaj radhe pozitiv me coronavirs.

« La croisière Covid » du PSG vue par la presse étrangère https://t.co/qHHlU7pZZF pic.twitter.com/gFO9zPNjeF

— L'ÉQUIPE (@lequipe) September 4, 2020

Tani, edhe këta tre lojtarë, sikurse ata të grupit të parë janë mënjanuar dhe tani do të detyrohet të ndërmarrin një periudhë karantine.

Ishte edhe PSG që konfirmoi rastet e reja me coronavirus me anë të një deklarate në profilin e tyre zyrtar në Twitter.

“Testet e fundit të PCR-së SarsCoV2 të kryera brenda skuadrës së Paris Saint-Germain konfirmojnë rezultatin e tre rasteve të reja pozitive”.

“Këta lojtarë do të ndjekin protokollin e duhur shëndetësor”, thuhet në njoftimin e klubit francez.

Les derniers tests PCR SarsCoV2 réalisés au sein de l’effectif du Paris Saint-Germain confirment le résultat de trois nouveaux cas positifs. Ces joueurs suivent le protocole sanitaire approprié.

— Paris Saint-Germain (@PSG_inside) September 3, 2020

Neymar, Angel Di Maria dhe Leandro Paredes ishin tre lojtarët e parë të infektuar.

Lexo po ashtu: Zbulohen emrat e të infektuarve me coronavirus te PSG-ja, Neymar njëri nga ta

Tani me infektimin e Icardit, Marquinhos dhe Navasit numri ka shkuar në gjashtë gjithsej te PSG.

Ligue 1 filloi përsëri më 21 gusht pas një pauze të gjatë, por PSG ende nuk e ka filluar mbrojtjen e titullit pasi arriti në finalen e Ligës së Kampionëve muajin e kaluar. /Telegrafi/

Coronavirus – Statistikat

TotalKosova

Infektuar
Shëruar
Vdekur

Data credits CSSE at JHU

Shfaq statistikat COVID-19

Trendi i Coronavirus-it në Kosovë

Data credits:corona-ks

Të gjitha lajmet rreth Coronavirus-it
www.telegrafi.com