PSG në kërkim të një mbrojtësi, ofertë zyrtare për transferimin e Zoumas

03 Korrik 2020

Paris Saint Germain është vënë në kërkim të një mbrojtësi qendror pas largimit të Thiago Silvas.

Mbrojtësi brazilian u largua nga Parc de Princes si lojtar i lirë pas skadimit të kontratës me klubin francez.

Kampioni i ri i Ligue 1 tani është duke kërkuar transferimin e një mbrojtësi dhe po synon afrimin e Kurt Zoumas.

Mbrojtësi francez i Chelseat ka pasur një vit me ulje ngritje, por që vlerësohet lartë në Francë.

Kurt Zouma. (Photo by Marc Atkins/Getty Images)

Sipas asaj që ka raportuar TeleFoot, PSG ka bërë një ofertë zyrtare në drejtim të Chelseat për yllin e londinezëve.

Parisienët i kanë ofruar londinezëve 30 milionë euro për ta lënë të lirë Zouman.

Besohet se do të pranohet oferta e PSG-së nga Chelsea, pasi Frank Lampard nuk llogarit në shërbimet e francezit për edicionin e ardhshëm.

Nga ana tjetër Chelsea është duke u interesuar për ta rikthyer në skuadër mbrojtësin holandez Nathan Ake dhe paratë e ardhura nga PSG janë mëse të mirëseardhura. /Telegrafi/

Coronavirus – Statistikat

TotalKosova

Infektuar
Shëruar
Vdekur

Data credits CSSE at JHU

Trendi i Coronavirus-it në Kosovë

Data credits:corona-ks

Të gjitha lajmet rreth Coronavirus-it
www.telegrafi.com