PSG nuk i ndahet Kantes, do të provojë edhe në verë transferimin e tij

08 Shkurt 2019

Mesfushori i Chelseat, N’Golo Kante vazhdon të mbetet njëri nga objektivat kryesor të klubit francez Paris Saint-Germain.

Ylli i Francës kohëve të fundit nënshkroi një kontratë të re me skuadrën nga Liga Premier duke larguar interesimin e disa skuadrave.

Por, sheikët e PSG-së besojnë se ata ende kanë një shans të sjellin atë në Parc des Princes në afatin e ardhshëm të transferimeve.

Lexo po ashtu: Dhjetë lojtarët më të mirë të vitit 2018 nga The Guardian – Modric mbret i vitit, prapa tij Ronaldo e Messi

Sipas mediumit francez Le10Sport, Paris Saint-Germain do të rifillojë bisedimet e tyre për mesfushorin e Chelseat, Kante, në fund të sezonit.

Kante pas rinovimit të me Blutë (Foto: Chelsea/Twitter)

Raporti i këtij mediumit thekson se mesfushori francez nuk përjashton një largim nga Stamford Bridge gjatë verës.

E gjithë kjo pasi Kante thuhet se nuk ka një marrëdhënie të shkëlqyeshme me trajnerin Maurizio Sarri.

Lexo po ashtu: Lojtarët më të vlefshëm të Ligës Premier në një formacion – De Gea e Hazard as rezervë, sundojnë mbrojtja e Liverpoolit dhe sulmi i Manchester Cityt

Ndryshe, klubi francez kanë transferuar së fundmi Leandro Paredes nga Zeniti, ndërsa Adrien Rabiot pritet të largohet në verë.

Çmimi i lojtarit francez vlerësohet të jetë së paku 100 milionë euro. /Telegrafi/

www.telegrafi.com