PSG përballet me përjashtimin nga Champions League: Çfarë do të thotë për Juve, Man Utd dhe City?

Ti mund ta lexosh kete ne 2 min.
16 Prill 2018 16:57

Paris Saint-Germain fitoi edhe titullin e Ligue 1 mbrëmë duke mposhtur keqazi Monaco-n e vendit të dytë 7-1, në “Parc des Princes” duke gëzuar sadopak presidentin Al-Khelaifi. Dëshira e drejtuesve ishte suksesi në Champions League, por edhe këtë sezon francezët dështuan pavarësisht investimeve të mëdha, por dardha e ka bishtin mbrapa, pasi tani klubi po përpiqet të veprojë në përputhje me rregulloren financiare të UEFA-s për Fair Play Financial pas shifrave të frikshme të shpenzuara në merkaton për afrimin e Neymar dhe Kylian Mbappé. Në të vërtetë, Paris SG mund të detyrohet të shesë disa lojtarë përpara 30 qershorit, në mënyrë që t’i paraqesë trupit drejtues të futbollit evropian një buxhet më të balancuar, ose ata mund të përballen me një ndëshkim shumë të ashpër, aq sa të përjashtohen nga Champions League për edicionin e ardhshëm. 

Marquinhos, Adrien Rabiot, Thomas Meunier, Edinson Cavani dhe Julian Draxler janë disa nga lojtarët që mund të sakrifikohen nga drejtuesit në mënyrë që t’i shpëtojnë përjashtimit nga kompeticionet evropiane. Të gjithë lojtarët e sipërpërmendur kanë qenë të lidhur me disa nga klubet më të rëndësishme në Evropë gjatë dy merkatove të fundit, pasi drejtori sportiv Antero Henrique kërkon mënyra të ndryshme për të rritur një sasi të konsiderueshme parash pa dobësuar ndjeshëm skuadrën. Ditë të vështira qëndrojnë përpara për “Les Parisiens”. Nëse kërkesat e UEFA-s do të jenë të mëdha, ndoshta drejtuesit do të sakrifikojnë edhe yllin francez Kylian Mbappé, i cili ka tërhequr interesin e Manchester City-t dhe Real Madridit. Të dielën mediat në Angli shkruanin, se Pep Guardiola është gati të bëjë një çmenduri financiare vetëm për të siguruar shërbimet e yllit të Francës. Mbappé vazhdon me performancat e tij të shkëlqyera dhe nëse Paris SG nuk arrin të mbledhë aq para sa do të duhen për t’i shpëtuar penalzimit nga UEFA do të vendosin ta largojnë atë. /EDS/

Lë punën si trajner për të vazhduar karrierën si dentist

Ti mund ta lexosh kete ne 2 min.
17 Korrik 2018 19:14

Tri javë pasi skuadra e drejtuar prej tij u eliminua nga Kupa e Botës, trajneri i Islandës Heimir Hallgrimsson dha dorëheqjen. Vendimin e konfirmoi edhe Federata Islandeze e Futbollit e cila tashmë është vënë në kërkim të një trajneri të ri.

51-vjeçari vendosi vetë për të lënë kombëtaren, me të cilën punonte prej 7 vitesh, më parë si ndihmës i Lagerbak e më pas si trajner i parë.

Tani Hallgrimsson i rikthehet profesionit të dentistit, të cilin e ka ushtruar gjatë gjithë jetë së tij. Që prej humbjes ndaj Kroacisë në fazën e grupeve që solli edhe largimin e parakohëshëm të skuadrës nga turneu, Hallgrimson kishte lënë të hapur mundësinë për të ndërprerë punën e tij me kombëtaren, ndërsa tani vjen edhe vendimi zyrtar.

“Nuk ka punë më të mirë se sa të punosh si trajner i skuadrës kombëtare të Islandës. Do të jetë e vështirë për mua ta lë skuadrën. Por më parë le të shkojmë me pushime e më pas do të ulemi e do të flasim për atë që do të ndodhë”, pati deklaruar fill pas eliminimit nga Botërori.

Si ndihmës i suedezit Lagerback, Hallgrimsson u bë i famshëm gjatë Euro 2016, sikurse gjithë kombëtarja islandeze e cila fitoi zemrat e tifozëve nga e gjithë Europa gjatë turneut francez. Dy vjet më parë Islanda arriti një sukses të paimagjinueshëm duke u kualifikuar deri në fazën finale të turneut e madje duke arritur deri në çerekfinale, pasi eliminoi Anglinë.

Më pas nën drejtimin e Hallgrimsson si trjaner i parë, Islanda u kualifikua për herë të parë në historinë e saj në një Botëror, edhe pse nuk arriti të kalonte përtej fazës së grupeve./EDS/

**********

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota ne kohe reale nga Futbolli dhe sportet tjera.

Milani në prag revolucioni, ja kush pritet të jetë trajneri i ri

Ti mund ta lexosh kete ne 2 min.
17 Korrik 2018 18:32

Edhe pse në deklaratën e Elliottit , bëhej e qartë se Gennaro Gattuso është e tashmja edhe e ardhmja e Milan-it, qëndrimi i Rinos në stolin e kuqezinjve  nuk është aq i sigurt, sipas asaj që raporton Sport Mediaset. Me sa duket, në fakt, trajneri i ardhshëm i Milan-it mund të jetë Antonio Conte. Tekniku nga puglia është zgjedhja e parë e pronarëve të rinj, pas largimit nga Chelsea. Pika e kthesës, me sa duket, do të vijë menjëherë: pas asamblesë që pritet të zhvillohet të shtunën. Disa herë, në vitet e fundit, Conte ka qenë afër kuqezinjve, por këtë herë mund të jetë momenti i duhur.

Elliott duket se dëshiron të ndryshojë gjithçka që mund të ndryshohet nga menaxhimi i Yonghong Li, duke përfshirë edhe trajnerin. Për momentin Elliott, nuk është shprehur asnjëherë për  trajnerin ose për ndonjë çështje tjetër. Që prej deklaratës zyrtare të fondit, kanë ndodhur  tri gjëra të rëndësishme: Conte u shkarkua, Gattuso përfundoi nën hetim dhe Curva Sud lëshoi një komunikatë që e lidhte Rinon drejtpërdrejt me Massimiliano Mirabelli-n.

Ky është problemi kryesor: Marco Fassone dhe drejtori sportiv i kanë ditët e numëruara. Drejtori Ekzekutiv është duke kërkuar për ndonjë mundësi tjetër dhe duket se do të përfundojë në Ligën e Futbollit, ndërsa ky i fundit do të vazhdojë të operojë në merkato deri në fund të sezonit, edhe pse nën mbikëqyrjen e Leonardo-s. Pastaj, mund të caktohet një drejtor i ri sportiv. Mund të jetë Cristiano Giuntoli, por edhe Daniele Pradé. Ardhja e Conte-s mund të lehtësojë transferimin e Alvaro Morata. Sulmuesi ishte kërkuar të Chelsea nga Conte dhe do të ishte dakort për një transferim në Milano. Përveç kësaj, me ardhjen e ish-trajnerit të kombëtares Italiane, mund të qëndrojë edhe kapiteni Leonardo Bonucci, në qendër të thashethemeve të shumta rreth merkatos. /EDS/

**************************

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota ne kohe reale nga Futbolli dhe sportet tjera.

Hamburgu merr vendimin zyrtar për Mavrajn

Ti mund ta lexosh kete ne 1 min.
17 Korrik 2018 18:15
Tani me sytë nga e ardhmja

Rrugët e Mërgim Mavrajt dhe Hamburgut janë ndarë sot përfundimisht. Klubi gjerman ka njoftuar përmes një postimi në Facebook se ka zgjidhur me mirëkuptim kontratën me 32-vjeçarin shqiptar i cili tashmë është një lojtar i lirë.

Edhe pse kontrata mes Mavrajt dhe hamburg përfundonte një vit më vonë, palët kanë rënë dakord për prishjen e menjëhershme të saj. “Falenderojmë Mërgimin për shërbimet e tij dhe i urojmë fat në të ardhmen”, shkruhej në postimin e Hamburg.

Mavraj u transferua te Hamburg nga Këlni në dhjetor 2016, i blerë nga klubi verior për 1,8 milionë Euro. Edhe pse luajti fillimisht mirë me Hamburg e në fillim të sezonit të kaluar madje u emërua edhe zëvendës kapiten, por që prej mbërritjes së trajnerit Christian Titz gjërat nisën të merrnin për keq për mbrojtësin shqiptar. Fillimisht ai nisi të mos aktivizohej rregullisht e më vonë erdhi edhe dërgimi për t’u stërvitur me skuadrën e dytë.

Tani Mavrajt i duhet të gjejë një skuadër tjetër. Më parë emri i tij është lidhur me turqit e Trabzonspor, ndërkohë që më pas kanë dalë në dritë edhe disa klube italiane apo spanjolle, si Deportivo la Coruna. Gjithsesi tani që lojtari është i lirë mund ta ketë më të lehtë të gjejë një skuadër për të garantuar minuta për sezonin e ardhshëm./EDS/

**********

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota ne kohe reale nga Futbolli dhe sportet tjera.

 

Tronditet Arsenal, kontrata e firmosur me sponsorin kinez jo e vërtetë

Ti mund ta lexosh kete ne 2 min.
17 Korrik 2018 17:50

Ndodh që të gjithë të mashtrohemi njëherë në jetë. Fatura e telefonit e kripur, një blerje nëpërmjet internetit që vjen bosh. Natyrisht, që ti ndodhë një klubi futbolli, me gjithë volumin e punës që sillet rreth botës së futbollit, është mjaft komike. Sidomos në qoftë se klubi në fjalë nuk është një ekip i lënë pas dore, por Arsenali i lavdishëm. Që, siç raportohet nga Daily Mail, në prill kishte njoftuar një partneritet me BYD, një kompani kineze që prodhon makina elektrike. Disa nga lojtarët e Gunners ishin fotografuar me fanellat që mbanin emrin e kompanisë. Por në fakt ...

Ndërsa tani, vetë BYD deklaron se çdo marrëveshje e arritur dhe e nënshkruar me Arsenal-in do të konsiderohet absolutisht e pavlefshme. Dhe për një arsye madhore. Personi i cili ka firmosur këtë marrëveshje ... nuk punon për BYD. Në fakt, ai kurrë nuk ka punuar atje. Daily Mail njofton se Li Juan, arkitekti i dyshuar i këtij mashtrimi, është arrestuar në Shangai. Pikërisht në qytetin më të populluar në botë, Li Juan kishte selinë e saj, ku mashtronte klientët, duke pretenduar se ishte një emisar i BYD-së, duke u pajisur me një vulë të rreme të kompanisë.

Dhe versioni kinez i faqes së Arsenalit konfirmon se Gunners gjithashtu është në listën e të mashtruarve. "BYD ka njoftuar Arsenalin se ka qenë viktimë e mashtrimit në lidhje me disa marrëveshje sponsorizimi, duke përfshirë edhe atë me klubin". Kompania ka lëshuar një deklaratë zyrtare, duke nënvizuar se Li Juan është hequr si një anëtar i stafit të BYD dhe ka përdorur një vulë të falsifikuar për të nënshkruar kontrata. Të gjitha detajet  BYD i ka raportuar në polici, të cilët kanë kryer arrestimin. Një dëm i madh për imazhin e kompanisë, por edhe për vetë Arsenal-in, që kishte postuar fushata reklamuese në faqen e saj të internetit për të bërë publike partneritetin. Dhe në fakt, është përballuar me një marrëveshje të rremë. Por, kjo i ndodh edhe më të mirëve. Megjithatë, nga hera tjetër, kujdes se çfarë firmosni. /EDS/

**************************

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota ne kohe reale nga Futbolli dhe sportet tjera.