PSG thuhet se kërkon Gareth Balen dhe para nga Reali për Neymarin

21 Korrik 2019

Neymari është shumë afër që të largohet nga Paris Saint-Germain, pas tollovisë së shkaktuar disa ditë më parë në klub.

Sipas Indepedent, kampioni i Ligue 1 po e kërkon Gareth Balen dhe para nga Real Madridi për ta lënë të lirë brazilianin që të kalojë në Santiago Bernabeu.

Barcelona fillimisht ishte shikuar si favorit për ta rikthyer 27-vjeçarin në Camp Nou, mirëpo transferimi i Antoine Griezmannit te Blaugraniast ka ndryshuar rrjedhën.

Gareth Bale (Foto: Denis Doyle/Getty Images/Guliver)

Skuadra katalonase bëri të ditur se ata e kanë transferuar francezin me një kredi gjashtëmujore prej Atletico Madridit, për t’i shuar zërat për një rikthim në skuadër.

Lexo po ashtu: Zidane: Bale shumë afër largimit, është mirë nëse largohet nesër

Kështu, e përditshmja angleze raporton tani se PSG po i kërkon shërbimet e uellsianit dhe para nga Los Blancos për shërbimet e brazilianit të rebeluar.

Zinedine Zidane ka bërë të ditur në konferencë për media se ata po tentojnë ta shesin Balen, e që kjo është një shans i mirë që të dyja klubet të arrijnë marrëveshje. /Telegrafi/

www.telegrafi.com