PyeongChang 2018/ Burrë e grua fitojnë medaljen e bronztë në curling

Ti mund ta lexosh kete ne 0 min.
13 Shkurt 2018 11:53

Janë burrë e grua dhe do të kthehen në Rusi me një dhuratë shumë të bukur si çift: medaljen e bronztë olimpike. Anastasia Bryzgalova dhe Aleksandr Krushelnitckii dolën të tretet në curling dyshe (m/f) duke mundur 8-4 dyshen norvegjeze të përbërë nga Kristin Skaslien dhe Magnus Nedregotten.

“Është shumë e rëndësishme për ne, edhe në nivelin sportiv të jemi një familje. E kem kaluar bashkë zhgënjimin për humbjen në gjysmëfinale. Jemi burrë e grua, të dy jemi të bashkuar dhe jemi krenarë për gjithçka”, thanë fituesit. Krushelnitckiy dhe Bryzgalova u martuan vitin e kaluar.

Giro/ Yates është favorit: Por nuk kam fituar ende

Ti mund ta lexosh kete ne 2 min.
21 Maj 2018 20:36
Britaniku me këmbë në tokë

Simon Yates është i pari çiklist që prej vitit 2003 që fiton tre etapa në Giro d’Italia ndërsa mban veshur Bluzën Rozë. Britaniku realizoi një shkëputje fantastike personale duke bërë të tijën etapën e 15-të të dielën për të shtuar edhe më shumë avantazhin e tij në krye të renditjes së përgjithshme.

25-vjeçari u shkëput fuqishëm në 18 kilometrat e fundit të garës së të hënës duke lënë prapa rivkalët e tij për Bluzën Rozë, Chris Froome dhe kampionin në fuqi Tom Dumoulin. Yates ka mundësi të mira që të bëhet britaniku i parë që fiton Giro d’Italia, kur ka mbetur edhe një javë deri në përfundim të turneut.

“Nuk e dija këtë”, tha Yates, dukshëm i emocionuar, në një intervistë për EuroSport. “Më pëlqejnë statistikat dhe shifrat. Është fantastike dhe nuk e di pse jam kaq i emocionuar. Dhashë gjithçka në rrugë. Është e vërtetë që gjërat po ecin në rrugën e duhur, por ka ende shumë punë për të bërë. Kam ardhur këtu me synimin për të fituar, por gjithçka mbetet e hapur”.

Dumoulin arriti të ruante vendin e dytë në renditjen e përgjithshme pasi e mbylli i treti etapën 41 sekonda ps Yates. Dhe pas pushimit të së hënës, të martën rinis beteja me një garë kronometër. “Avantazhi që kam është i mirë, por Dumoulin mund të më marrë dy minuta në kronometër”, thotë Yates. “Që kur ishim në Izrael luftova që të krijoja një avantazh të mirë, por ai mund të zhduket në 35 kilometra”./EDS/

 

****************

Ndalohet ribotimi apo kopjimi i këtij artikulli pa lejen me shkrim nga eduasportin.com apo edhe riprodhimi i lajmit pa autorizimin tonë. Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Në eduasportin.com do gjeni Parashikime Ndeshjesh për Kampionatet Kryesore, Rezultate Live dhe Statistika Futbolli.

Roland Garros, kush e rrëzon nga froni Mbretin Nadal?

Ti mund ta lexosh kete ne 3 min.
21 Maj 2018 18:16
Edicioni i 122-të

Roland Garros është emri me të cilin të gjithë e njohin turneun e tenisit “Franch Open”, që për këtë vit nis në datë 27 maj dhe përfundon në 10 qershor. Ky do të jetë edicioni i 122-të i turneut që luhet në pistë me dhe të kuq. Risia e këtij viti do të jetë hapsira prej 25 sekondash që tenistët do të kenë për të realizuar shërbimet mes pikëve. Faza kualifikuese e turneut ka nisur tashmë, por finalet fillojnë zyrtarisht të shtunën për të na dhuruar dy javë me emocione të mëdha. Stadiumi “Roland Garros” mban emrin e aviatorit, inxhinierit dhe pilotit luftarak francez, i cili është shpallur edhe hero lufte për pjesëmarrjen e tij në Luftën i Botërore, ku dhe humbi jetën në vitin 1918.

Pyetja më e madhe që shtrohet para nisjes së turneut të këtij viti është: Kush mund ta mposhtë Mbretin Nadal? Ose më mirë: Kush do të mund t’I marrë një set Nadal-it?

I mbiquajtur Mbreti i Dheut, spanjolli është favoriti kryesor për të fituar këtë vit, duke regjistruar suksesin e 11-të në këtë turne. Për më tepër që vjen në Francë pas fitoreve në Monte Carlo, Barcelona dhe më i fundit, të dielën në Romë. Si zot i padiskutuar në dhe, prej 14 vitesh tashmë, edhe këtë edicion Nadal do të jetë njeriu për t’u mundur. Në këtë turne ai ka një rekord me 79 ndeshje të fituara dhe vetëm 2 të humbura, kundër Robin Soderling në raundin e katërt, viti 2009, dhe kundër Novak Djokovic në çerekfinalet e vitit 2015.

“Rafa për mua është pretendenti kryesor dhe me shumë distancë nga të tjerët”, thotë për CNN legjenda e tenisit, Boris Becker. “Ka disa djem që kanë filluar të tregojnë potencial, por as nuk po ua them emrat sepse për mua Rafan nuk e mposht njeri nëse është fizikisht i shëndetshëm”.

Por cilët janë konkurrentët e tjerë që mund të shkaktojnë një surprizë në Roland Garros?

Novak Djokovic: Nuk është më tenisti që arriti majat dy vjet më parë. Ka humbur përqendrimin dhe një dëmtim në brryl mund ta ketë frenuar disi. Por gjithsesi mbetet kundërshtari më i fortë për Nadal në dhe, askush tjetër nuk i afrohet dot spanjollit.

Dominic Thiem: Nadal ka humbur vetëm 36 ndeshje në një turne të madh në dhe përgjatë 13 viteve karrierë. Por australiani Thiem ëshë një prej tre tenistëve që e kanë mposhtur spanjollin të paktën tri herë. Megjithatë duhet të jamë maksimumin për të befasuar.

Fabio Fognini: Italiani është padyshim një prej të rinjve më çapkënë në tenis, disa proble medisiplinore i kanë kushtuar shtrenjtë. Por kur ruan përqendrimin është një prej më të mirëve në këtë terren dhe mund të bëjë keq.

Kei Nishikori: Japonezi kurrë nuk e ka mundur Nadal-in në dhe të kuq. Por i ka shkuar shumë pranë në turneun e Madridit në vitin 2014, kur u tërhoq në setin e tretë prej një dëmtimi në shpinë.

Alexander Zverev: Është vetëm 21 vjeç, por gjermani i ka fituar deri tani tre turne. Të dielën në Romë u mund pikërisht nga Nadal, por është i treti në renditjen Masters të meshkujve dhe kjo do të thotë diçka./EDS/

 

****************

 

Ndalohet ribotimi apo kopjimi i këtij artikulli pa lejen me shkrim nga eduasportin.com apo edhe riprodhimi i lajmit pa autorizimin tonë. Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Në eduasportin.com do gjeni Parashikime Ndeshjesh për Kampionatet Kryesore, Rezultate Live dhe Statistika Futbolli.

MotoGP/ Zarco dhe ëndrra që iu kthye në makth, flet piloti

Ti mund ta lexosh kete ne 1 min.
21 Maj 2018 16:46
Ja çfarë ndodhi në Francë

E nisi nga ‘poleposition’, të dielën Johan Zarco me Monster Yamaha Tech 3 për një moment ëndërroi fitoren në Çmimin e Madh të Francës. Për fat të keq, ëndrra e tij u transferua në një makth, dhe Zarco që humbi gjithçka në kthesën e 8, pothuajse në nisje të rrugës. Francezi, sidoqoftë, nuk ishte i vetmi pretendent që përfundoi në zhavorr, me Andrea Dovizioso-n me Ducati që u rrëzua kur kishte marrë në dorë komandën e garës në xhiron e pestë, ndërsa Andrea Iannone me Suzuki doli jashtë që në xhiron e parë.

“Ka qenë një mëkat i vërtetë, do të më shërbejë si leksion”, kjo është “mea culpa” e Johan Zarco-s, i cili shtoi: “Duhet të isha më tepër në 100%, të mendoja se si të isha para Marquez-it, i cili ma bëri garën më të komplikuar. Marc më superoi dhe nuk mund të rrija pas djemve sepse do të kisha humbur shumë pozicione, ja përse kërkova që të rikthehesha shpejt në vendin e dytë, por në kthesën e tetë hyra pak shpejtë dhe motori ishte ende i rëndë, provova që të frenoja por më pas rashë. Nuk prisja që të përplasesha. Kështu, është mëkat. Ishte Çmimi i Madh i Francës, të gjithë po thërrisnin emrin tim”. /EDS/

*****************************

Ndalohet ribotimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Në eduasportin.com do gjeni Parashikime Ndeshjesh për Kampionatet Kryesore, Rezultate Live dhe Statistika Futbolli.

Formula 1/ Alarm në Angli për Hamilton, në Gjermani qetësojnë situatën

Ti mund ta lexosh kete ne 1 min.
21 Maj 2018 16:24
Çfarë po ndodh me pilotin?

Tratativa e gjatë mes Lewis Hamilton dhe Mercedes mund të mbyllet me një kontratë ‘yjesh’ nga ana e Kampionit të Botës në fuqi. Por, sipas shtypit anglez, zgjatja në kohë e tratativave mund të sjellin dhe hipotezën e tërheqjes së pilotit britanik.

Për të qetësuar tifozët e “Shigjetave të Argjentda” është pikërisht drejtuesi i Mercedes, Niki Lauda, i cili për ‘Bild’ ka thënë: “Lewis është një pilot fitimtar dhe nuk ka asgjë më fitimprurëse sesa suksesi. Vonesa vjen prej negociatave”.

Për të larguar dyshimet e mundshme për një tërheqje të Hamilton ka folur edhe kampioni i botës në vitin 1996, Damon Hill. “Lewis ka mjaftueshëm fuqi për të prezantuar  në mënyrën më të mirë këtë sport, ndoshta pret të djersitet dhe pak”, tha ai për ‘The Sun’. “Por, unë pyes veten nëse tërheqja e Nico Rosberg ka ndikuar pak mentalisht tek ai. Kur je një pilot i Formula 1, ti vdes në ditën që ikën nga pista”, përfundoi Hill. /EDS/

*****************************

Ndalohet ribotimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Në eduasportin.com do gjeni Parashikime Ndeshjesh për Kampionatet Kryesore, Rezultate Live dhe Statistika Futbolli.