Qaka zbulon Rumaninë: Nga qentë e rrugës te... Dinamo

Ti mund ta lexosh kete ne 2 min.
12 Janar 2018 17:27
Kamer Qaka është në qendër të vëmendjes në Rumasi

Kamer Qaka është në qendër të vëmendjes në Rumani. Mesfushori 22-vjeçar kuqezi i Poli Iasi, në një intervistë të dhënë për “fanatik.ro”, tregon se si u transferua nga Norvegjia në ekipin e tij aktual, por edhe shumë gjëra të tjera interesante.

“Një ditë, një agjent erdhi tek unë dhe më pyeti: ‘Çfarë do të thoshit nëse do ju thosha të vinit në Rumani? Shiko, unë kam një ekip për ju’. I thashë, ‘Sigurisht, pse jo?’. Doja një sfidë të re, të largohesha nga Norvegjia dhe të shihja vende të tjera. Natyrisht, nuk kisha dëgjuar për Poli Iasi, vetëm për Steaua dhe për Cluj. Ku i pashë? Në ndeshjet e grupeve të Champions. Kam parë ndeshjet e tyre dhe më ka pëlqyer futbolli që luanin. Për pjesën tjetër të klubeve nuk kisha dëgjuar. Edhe Dinamon e njoha kur erdha këtu”.

NDRYSHIMI MES KAMPIONATEVE

“Është e qartë, në Norvegji janë të çmenduar pas dueleve fizike. Në Rumani luhet më shumë futboll të thuash. Unë jam lojtar teknik, më pëlqen të kem topin, të pasoj. Besoj e kupton se më pëlqen më shumë këtu”.

Jeta në Rumani

“Më pëlqen shumë. Është bukur, njerëzit janë jashtëzakonisht të ngrohtë dhe të qetë. Dhe ajo që më pëlqen më shumë ... (qesh),  është vend i lirë! Pa dyshim i lirë! Unë vij nga Norvegjia dhe atje është shumë e shtrenjtë në krahasim me këtu. Mund të dalësh në qytet, të darkosh dhe të kesh më shumë kënaqësi me pak fjalë.

Çfarë nuk i pëlqen

"Unë kam qen në shtëpi dhe i dua shumë kafshët. Këtu kam parë shumë qen në rrugë. Kjo më bën të trishtohem, sa herë shoh qen në rrugë”.

Me paraqitjet e tij Qaka ka lënë përshtypje të mira dhe për këtë thotë: “Po, kështu ndihem. Ekipi më ka ndihmuar shumë, trajneri më ka lënë dorë të lirë në fushë dhe mund të bëj çfarë unë dua dhe besoj në vetvete”.

Gigi Becali, presidenti i FCSB është një prej atyre që e do me ngulm mesfushorin, pasi është impresionuar prej tij. “Kam dëgjuar për interesimin e tyre dhe më është bërë shumë qejfi për këtë. Është një klub i madh dhe kjo më kënaq, kaq mund të them për momentin. Jam i gëzuar që jam te Iasi tani”.

Te FCSB nuk është fushë me lule. Kur i thua Qakës se Gigi Becali i kritikon shumë lojtarët e tij dhe presioni është i madh, ai nuk e ka problem këtë pjesë. “E di, por nuk kam frikë. Mund të përballoj çdo lloj presioni, edhe atë te Steaua-s. Unë nuk e kam problem çfarë të tjerët thonë për mua, shoh punën time në çdo lloj situate.

Intervista vijon. Lojtari i preferuar? Qaka ende nuk i njeh të gjithë: “Një i vogël, nga Craiova, sulmuesi.. Si quhet ai?”, thotë mesfushori. “Baluta? Po ai. Është shumë i shpejtë dhe teknik, Gjithashtu finalizon shumë mirë. Edhe kolegu im, Catalin Stefanescu. Idhulli im është Marco Veratti. Ai ka gjithçka, teknikë, forcë dhe vizion në lojë”. /EDS/

VIDEO | Traversë dhe gol nga 25 metra, Sindrit Guri shkëlqen!

Ti mund ta lexosh kete ne 1 min.
15 Korrik 2018 16:04
Shkodrani po tregon vlerat

Sindrit Guri i ka kushtuar belgëve të KV Oostende plot 710 mijë euro dhe deri më tani shkodrani po bën mirë me skuadrën e tij të re. Kishte ardhur momenti që sulmuesi të provonte një eksperiencë jashtë vendit dhe në miqësoret që po zhvillohen ka shënuar disa herë. Ditën e djeshme arriti ta bëjë sërish diçka të tillë. Në pjesën e parë kishte goditur traun e portës, ndërsa më pas KV Oostende pësoi një gol dhe e mbylli në disavantash fragmentin e parë të lojës. Pjesa e dytë nisi me gol dhe ishte pikërisht Sindrit Guri ai që me një goditje nga jashtë zonës barazoi shifrat. Shumë shpejt KV Oostende arriti të shënojë edhe dy herë të tjera me Zivkovic, për t’u përmbyllur gjithçka me golin e Sakala në minutën e 69-të. Deri në fund nuk pati më gola dhe sfida u mbyll me triumfin e 1-4 të skuadrës së Gurit.

Miqësore, e shtunë, më 14 korrik 2018

Zulte Waregem – KV Oostende 1-4
Shënues: Bjordal 33’ / Guri 47’, Zivkovic 51’, 58’ (pen.), Sakala 69’

OOSTENDE: Ondoa, Ndenbe (70 'Bjelica), Lombaerts, Faes, Milovic, Capon (80' Bataille), Vandendriessche, Nkaka (82 'D'Haese), Zivkovic (60' Rajsel), Canesin (70 'Boonen), Guri (60 'Fashion Jr.).

************************

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota ne kohe reale nga Futbolli dhe sportet tjera.

Torino e ka ndarë mendjen, ofron Ajetin për një tjetër

Ti mund ta lexosh kete ne 2 min.
14 Korrik 2018 11:50
Plani i skuadrës italiane

Arlind Ajeti për herë të parë në Serie A ka luajtur me Frosinone dhe pas “Francë 2016” u transferua me parametra zero te Torino. Vetëm katër ndeshje me “demat” dhe më pas u huazua te Crotone. Vjet luajti më shumë, teksa numëron 21 takime në fushën e blertë, 15 prej të cilave nga minuta e parë. E ardhmja e tij ende nuk është vendosur, por te Torino nuk e kanë në plane dhe po mundohen ta sistemojnë në ndonjë klub tjetër. Kontrata e Ajetit është e vlefshme deri më 30 qershor të vitit 2019. Me shumë mundësi mbrojtësi mund të mbetet te Crotone dhe po punohet që të mbyllet këto marrëveshja.

PLANI PËR SHKËMBIM – Torino kërkon të përforcohet në krahun e majtë të mbrojtjes dhe ka “piketuar” futbollistin Bruno Martella, 25-vjecarin që në katër sezonet e fundit është aktivizuar me skuadrën e Crotone. Dy sezonet e fundit ai ka treguar vlerat e tij në Serie A. Për kartonin e tij kërkohen rreth 2.5 milionë euro dhe “demat” po mendojnë të zbresin diçka nga kjo shumë. Por cili është plani? Sipas “Tuttosport” Torino ofron Arlind Ajetin, i cili ishte vjet i huazuat pikërisht te Crotone, që e do mbrojtësin e kombëtares tonë në ekip. Gjithsesi për shërbimet e tij duhet të heqë dorë nga Martella. Palët po bisedojnë, por ende nuk ka një akord. Në Torino e dinë se Ajeti mund t’u largohet edhe me parametro zero, ndaj po mundohen të përfitojnë diçka prej tij, qoftë duke e përfshirë edhe në ndonjë marrëveshje për ndonjë lojtar tjetër. /EDS/

************************

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota ne kohe reale nga Futbolli dhe sportet tjera.

 

Goleadori Hamdi Salihi, objektivi kryesor i merkatos

Ti mund ta lexosh kete ne 2 min.
14 Korrik 2018 10:46
Shkodrani refuzoi

Hamdi Salihi në janar ka mbushur 34 vjeç, por ai sërish shënon njëlloj. Sezonin e shkuar ishte pjesë e Wiener Neustadt në Austri dhe arriti të shënojë 22 gola. Në fund skuadra e tij nuk u ngjit dot në elitën e futbollit austriak. Nëse ndodhte, kontrata i rinovohej automatikisht edhe për një sezon tjetër. Këtë verë i bëri një ofertë Ried, por sulmuesi shkodran e refuzoi atë për arsye familjare dhe pritet që shumë shpejt të bëjë të ditur të ardhmen.

Wiener Neustadt e ka në plane dhe synimi kryesor i tyre është që ta mbajnë në ekip sulmuesin kryesor të tyre. Kështu raportohet në mediat austriake. Sezonin e shkuar Salihi u aktivizua në 33 ndeshje si titullar, duke treguar një formë të mirë fizike dhe sportive. Në fakt numri i golave që ka shënuar flet më së miri për cilësitë e tij. Shanset janë të mëdha që shkodrani ta vijojë bashkëpunimin me Wiener Neustadt, por duhet që palët të bisedojnë dhe të mbyllin gjithçka edhe në mënyrë zyrtare.

Salihi sezonin e shkuar u përfshi në formacionin më të mirë të vitit, ndaj edhe austriakët po ngulmojnë ta mbajnë në ekip. Gjithashtu një tjetër çmim për të ishte ai si lojtari i dytë më i mirë në kampionat. Më i miri u shpall Zlatko Dedic, sulmuesi boshnjak i Wacker Innsbruck, i cili shënoi 19 gola në kampionat, tre më pak se ish-sulmuesi i Skënderbeut, Tiranës dhe Vllaznisë në Superiore. Në të shkuarën shkodrani ka provuar të luajë edhe në Kinë, Izrael dhe Shtetet e Bashkuara të Amerikës. /EDS/

************************

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota ne kohe reale nga Futbolli dhe sportet tjera.

Befasia, Migjen Basha marrëveshje me klubin grek!

Ti mund ta lexosh kete ne 2 min.
14 Korrik 2018 08:43
Mesfushori vendos për të ardhmen

Nuk ndryshon paga, ndryshon kampionati dhe skuadra. Migjen Basha ka vendosur për të ardhmen dhe do të luajë sezonin e ardhshëm në Greqi me Aris Selanik, klub i rikthyer sivjet në Superligë. Paga e tij do të jetë 300 mijë euro dhe me shumë mundësi mund të listohet te më të paguarit në skuadrën e tij, por bëhet fjalë për një mesfushor me një eksperiencë të madhe dhe që ka provuar të luajë edhe në Serie A,ndaj edhe mund të konsiderohet diçka normale.

Dy sezonet e  fundit të zhvilluara te Bari janë gjithashtu një garanci që mesfushori gëzon një formë të mirë sportive dhe grekët nuk kanë hezituar t’i bëjnë një ofertë. Basha ishte lojtar i lirë dhe te Bari nuk do të rinovonte, kjo edhe për shkak të problemeve financiare që ai klub ka shfaqur sezonin e fundit. Për të kishte disa opsione dhe në Itali ishte Salernitana klubi që e kërkonte më së shumti, por edhe Benevento u përfol. E donin për të zëvendësuar Ledian Memushajn, i cili është rikthyer te Pescara sërish.

Ofertë të mirë në aspektin financiar Basha mori edhe nga Izraeli, teksa e kërkoi Maçabi Haifa, por Aris arriti ta bindë më shpejt dhe mësohet se do të jetë pjesë e grekëve për dy vite. Basha mund të ishte shok skuadre me Kristi Vangjelin, emri i të cili u lidh sërish me skuadrën e Aris, ku ai ka luajtur në të shkuarën, madje ka mbajtur edhe shiritin e kapitenit. Gjithsesi asgjë nuk i konkretizua dhe korçari nënshkroi kontratën e re me Skënderbeun. /EDS/

************************

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota ne kohe reale nga Futbolli dhe sportet tjera.