Quique Setien debuton me fitore te Barcelona, Messi shënoi golin e vetëm ndaj Granadas

19 Janar 2020

Barcelona ka arritur me shumë vështirësi të mposhtë Granadën në javën e 20-të të La Liga-së me rezultat 1-0.

Pjesa e parë përfundoi pa gola edhe pse Blugranasit kishin bërë dy gjuajtje në drejtim të portës.

45 minutëshi i dytë kishte një paraqitje më të mirë nga kampioni në fuqi, pasi ishin më kërkues dhe rrezikuan më shumë portën.

Barcelona vs Granada (Foto: Alex Caparros/Getty Images/Guliver)

Granda ishte e pafat në minutë e 69-të, pasi German Sanchez pranoi kartonin e dytë të verdhë, duke u përjashtuar nga takimi.

Momenti më kryesor i këtij takimi ishte në minutën e 76-të, atëherë kur Lionel Messi pranoi një top nga Arturo Vidal, për ta shënuar kështu golin e vetëm.

Quique Setiene e filloi kështu me fitore debutimin e tij te katalunasit, duke shpresuar që në ndeshjet e radhës të marrë një fitore më të pastër.

Pas javës së 20-të, Barcelona është lider me 43 pikë, aq sa ka edhe Real Madridi në të dytin, ndërsa në xhiron e 21-të do të ketë punë me Valencian. /Telegrafi/

Messi Goal vs Granada Messi scores pic.twitter.com/7mxRjX6wH3

— Footbazz Unleased (@footbazz) January 19, 2020

www.telegrafi.com