Ramos: Ne jemi në garë për titull

09 Shkurt 2019

Kapiteni i Real Madridit, Sergio Ramos beson se skuadra e tij është ende në llogari për titullin e La Ligës, pas fitores 3-1 në derbin kundër rivalëve të Atletico Madridit.

Fitorja e Real Madridit në udhëtim te rivali i urryer, Atletico, ka ngritur apetitet e skuadrës në garën për titull.

Pas kësaj fitore, Mbretërit kanë kaluar Atleticos në vendin e dytë në La Liga, pesë pikë prapa liderëve të Barcelonës, të cilët luajnë nesër mbrëma.

Lexo po ashtu: Madridi është i tyre, Mbretërit sundojnë edhe në Wanda Metropolitano  

“Ne e përmbushëm objektivin tonë sot, për të ngritur pozicionin tonë në tabelë”, ka thënë fillimisht Ramos pas ndeshjes.

Ramos beson në skuadrën e tij (Foto: Denis Doyle/Getty Images/Guliver)

“Ne kemi ulur diferencën ndaj liderëve dhe tani shohim se si do të veprojnë ata”.

“Liga është ende aty me garën e hapur për të luftuar për të”.

Lexo po ashtu: Atletico Madrid 1-3 Real Madrid, notat e lojtarëve

Real Madridi përballet me Barcelonën në ligë dhe ndeshjen kthyese të kupës në fund të këtij muaji dhe Ramos beson se ata mund të shkaktojnë probleme për ekipin e Ernesto Valverdes.

“Liga na motivon dhe ne duam të vazhdojmë të luftojmë për të dhe ta bëjmë jetën e vështirë për Barcelonën”, përfundoi kapiteni i Real Madridit. /Telegrafi/

www.telegrafi.com