Ranieri e nis me fitore aventurën e re, romakët shpëtojnë nga VAR-i në minutat e fundit

11 Mars 2019

Roma ka arritur ta mposht Empolin (2-1) në ndeshjen e fundit të javës së 27-të.   

Kjo ishte ndeshja e parë për trajnerin e ri të Romës, Claudio Ranierin që u emërua para disa ditësh.

Ndeshja nisi shumë mirë për Romën që arriti të shënojë që në minutë e nëntë me Stephan El Shaarawyn.

Stefan El Shaarawy . (Photo by Paolo Bruno/Getty Images)

Sulmuesi mori një top jashtë zonës dhe me një gjuajtje të fuqishme shënoi për 1-0.

Por gëzimi zgjati vetëm tre minuta. Ishe Juan Jesus që shënoi në portën e tij me kokë për ta dërguar rezultatin në 1-1.

Por Roma nuk u dorëzua. Sulmet e tyre vazhduan pareshtur drejt portës së mysafirëve.

Pamje nga ndeshja . (Photo by Paolo Bruno/Getty Images)

Isthe Patric Schick që shënoi me kokë në minutën e 34-të për ta dërguar rezultatin në 2-1.

Pjesa e parë u mbyll me këtë rezultat.

Në pjesën e dy Roma ishte më e ndrojtur, ndërsa Empoli tentonte herë pas here golin e barazimit.

Roma mbeti me dhjetë lojtarë kur në minutën e 80-të doli nga loja Alessandro Florenzi. Moment që i la keq djemtë e Ranierit.

Claudio Ranieri . (Photo by Paolo Bruno/Getty Images)

Empoli shënoi gol në minutën e 89-të, por që u anulua nga VAR për një luajti me dorë brenda zonës.

Kjo fitore e dërgon Romën në pozitën e pesë me 47 pikë, tri më pak se Interit që është i katërti. /Telegrafi/

www.telegrafi.com