Real Madrid-PSG, 700 milionë euro për sulmin më të shtrenjtë në histori

Ti mund ta lexosh kete ne 2 min.
11 Dhjetor 2017 19:12
Gjashtë lojtarë të këtyre dy skuadrave kanë vendosur rekorde në merkato, por a do ta justifikojnë veten?

Dy skuadrat më të çmendura në merkaton e futbollit, Real Madrid dhe PSG, do të ndeshen në fazën e parë pas grupeve në Ligën e Kampionëve. Pak kush e priste kaq shpejt! Madje, ka edhe nga ata që e quanin një finale ideale të kompeticionit më të madh në Evropë. Pra, një finale ëndrrash!

Mos rrëmoni më kot për të gjetur ndonjë arsye të jashtëzakonshme. Në dy kryeqytetet e kontinentit plak, Madrid dhe Paris, dihet se luajnë disa nga lojtarët më të shtrenjtë në histori. Kaq ishte.

Transferimet e tyre kanë qenë absolutisht më të bujshmit dhe krijojnë lajm edhe kur thjesht marrin frymë apo… veshin çorapet. Ky është futbolli dhe kemi frikë se kështu do të jetë për dekada të tëra: spektakël, marketing, para, yje, prezantime “bombastike” dhe ja ku u krijua menuja e përkryer, e cila tërheq si magnet qindra miliona tifozë në mbarë globin.

E nisim me transferimet e kushtueshme të kampionëve të Evropës, të gjitha në sulm, ashtu si PSG-ja. Cristiano Ronaldo i ka kushtuar 94 milionë euro Real Madridit, i blerë nga Manchester United. Mendohej se portugezi do të ishte lojtari më i shtrenjtë në histori, por katër vite pas transferimit të tij në “Santiago Bernabeu” Florentino Perez bleu një më të shtrenjtë, uellsianin Gareth Bale, për 101 milionë euro (nga Tottenham). Pjesëtari tjetër i treshes “BBC” në Madrid është Karim Benzema, i blerë për 35 milionë euro nga Lyon. Shifër modeste, ë? Ndoshta, por jo atëherë kur u ble ai.

Shpërngulemi në Paris, aty ku po luan rekordmeni Neymar. Ylli brazilian mund të largohej vetëm për 222 milionë euro nga Barcelona dhe nënkampionët e Francës “u çmendën” duke e paguar këtë shumë në verën e kaluar. Sikur të mos mjaftonte 25-vjeçari, PSG-ja pas këtij sezoni do të kryejë edhe blerjen përfundimtare të adoleshentit Kylian Mbappé për 180 milionë euro (nga Monaco). As sulmuesi pykë nuk është ndonjë blerje mesatare. Edinson Cavani u ka kushtuar 64,5 milionë euro parisienëve, i blerë nga Napoli.

I lexuat mirë shifrat e mësipërme? Sulmi i Real Madridit dhe PSG-së ka kushtuar gjithsej 696,5 milionë euro. Me këtë investim, skuadrat e tjera evropiane, me përjashtim të dy rasteve, Chelsea dhe Manchester City, do të kishin formuar një 23-sh të plotë për disa vite me radhë.

A do të shohim në fushë një spektakël në raport me vlerat e yjeve? E vështirë, sepse gjashtë njerëz kurrsesi nuk mund ta kenë vlerën rreth 700 milionë euro, por… jemi në vitin 2017. /EDS/

Ka edhe kështu, Albi Alla i del kundër presidentit Gjici

Ti mund ta lexosh kete ne 2 min.
22 Korrik 2018 20:20
Mbrojtësi beson te suksesi

Kukësi vazhdon me përgatitjet për ndeshjen e turit të dytë në Champions League kundër Qarabag. Përballë është një kundërshtar i fortë, por jo i pakalueshëm thotë mbrojtësi i qendrës Albi Alla, i cili është kthyer në formën e tij më të mirë. Në turin e parë verilindorët mposhtën Valletta-n, por vetëm falë golit në fushën kundërshtare. Presidenti Safet Gjici, nuk u shfaq i kënaqur me lojën që skuadra aplikoi, por Allan beson se në këtë moment më i rëndësishëm është kualifikimi.

“Kualifikimi është një gjë e mirë për ekipin e Kukësit dhe për futbollin kuksian. Shpresoj të kemi një vazhdimësi të mirë. Ky është një ekip i ri, dita ditës po gjejmë veten. Me ardhjen e trajnerit Cungu, do gjejmë edhe qetësinë dhe moralin që duhet. Në këtë moment rëndësi ka të marrësh kualifikimin”, tha fillimisht pogradecari për “Super Sport”.

Deklarata e Gjicit për lojën e bukur – “Edhe vjet Kukësi luajti një futboll të bukur, por nuk arriti të kualifikohej. E rëndësishme është që thjesht të marrësh kualifikimin. Unë jam gjithmonë i gatshëm të jap maksimumin tim për ekipin. Aktivizimi është një çështje që i përket trajnerëve. Detyra ime është që kur të futem të jap më të mirën për ekipin”.

Qarabag – “Përballë kemi një kundërshtar të fortë, do të shkojmë për fitore si në çdo ndeshje. Shpresojmë të kemi fatin dhe Zotin me vete e të kalojmë. Do të shohim ndeshjet e radhës, qëllimi është gjithmonë për sukses por t’i marrim ndeshjet një nga një, të shohim pastaj se ku do të shkojmë. Shpresojmë të kemi sukses dhe të arrijmë grupet”, tha Alla. /EDS/

**************************

Ndalohet ripostimi apo kopjimi i këtij artikulli pa lejen me shkrim nga eduasportin.com.
Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota në kohë reale nga Futbolli dhe sportet e tjera.

Kukësi-Qarabag do të gjykohet nga një norvegjez papërvojë

Ti mund ta lexosh kete ne 1 min.
21 Korrik 2018 14:31
Nilsen do të vendosë drejtësi

Kukësi vazhdon me përgatitjet për ndeshjen e parë në turin e dytë të Champions League kundër Qarabag në “Loro Boriçi”. Ky takim do të zhvillohet në Shkodër, me datë 25 korrik, në orën 19:00 dhe trajneri Armando Cungu e ka të gatshëm të gjithë grupin e futbollistëve. Qeveria që drejton futbollin në Evropë ka përcaktuar gjyqtarët që do të vendosin drejtësi në këtë përballje. Arbitri që do të gjykojë këtë takim është norvegjezi Ola Hobber Nilsen, ndërsa do të ketë ndihmën e asistentëve Harald Gronivik dhe Oskar Isaksen, ndërkohë gjyqtar i katërt do të jetë Kai Erik Steen. Hobber Nilsen e ka marrë stemën e FIFA-s në vitin 2015, por nuk ka shumë eksperiencë në arenën ndërkombëtare.

Kjo do të jetë ndeshja e dytë e tij për kualifikueset e Champions League pas asaj të vitit të kaluar ndërmjet Maribor dhe HŠK Zrinjski Mostar, takim i cili përfundoi në barazim 1-1. Nilsen ka gjykuar një ndeshje në Europa League dhe 3 takime në kualifikueset e Europa League. Pjesën më të madhe të karrierës e ka kaluar në kampionatin norvegjez, ndërsa kjo do të jetë hera e tij e parë që gjykon një ekip shqiptar. Sa i përket Kai Erik Steen, ai nuk është një arbitër i panjohur, pasi vitin e kaluar ka gjykuar ndeshjen ndërmjet Sant Julia dhe Skënderbeu, që u zhvillua për turin e parë kualifikues të Champions League. /EDS/

**************************

Ndalohet ripostimi apo kopjimi i këtij artikulli pa lejen me shkrim nga eduasportin.com.
Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota në kohë reale nga Futbolli dhe sportet e tjera.

Kukësi gjen Agollin në turin e dytë të Champions

Ti mund ta lexosh kete ne 1 min.
18 Korrik 2018 22:10
Qarabag pas një jave në Shkodër

Ansi Agolli dhe Qarabag do të zbresin në “Loro Boriçi” për të luajtur kundër Kukësit më 24 korrik, në ndeshjen e parë të turit të dytë kualifikues të Champions League. Azerët arritën të kualifikoheshin për në këtë fazë pasi eliminuan sllovenët e Olimpija Ljubljana, duke marrë sonte një barazim pa gola ndërsa më parë kishin fituar 1-0 ndeshjen e luajtur në Slloveni.

Vetë mbrojtësi shqiptari luajti dy minuta në këtë takim, pasi zëvendësoi në minutën e katërt shtesë sulmuesin Madatov. Vendasit ishin superiorë ndaj Olimpijas, por edhe pse krijuan volum loje dhe patën disa raste nuk arritën t’i shfrytëzonin duke iu falur golit të realizuar në fushën kundërshtare javën e kaluar.

Qarabag është një kundërshtar i vështirë për Kukësin, pasi vetëm sezonin e kaluar ka arritur të kualifikohet deri në fazën e grupeve të Champions League dhe mundësitë e një kalimi të turit nga ana e verilindorëve janë të pakta.

Vetë Agolli luan prej vitit 2010 me skuadrën azere, me të cilën ka zhvilluar 196 ndeshje duke shënuar edhe 3 gola./EDS/

**********

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota ne kohe reale nga Futbolli dhe sportet tjera.

Gjici bën plan dhe vendos kusht për shpërndarjen e premios

Ti mund ta lexosh kete ne 2 min.
18 Korrik 2018 08:42
Ja ç'duhet të bëjnë lojtarët

Kukësi u kualifikua mes drithërimash ditën e djeshme, ku vetëm një gol i Irakli Dzaria-s në minutën e 84-t që baraspeshoi rezultatin në 1-1 solli dhe kalimin në turin e dytë të Champions League për verilindorët që e kanë eksperiencë të dytë pjesëmarrjen në këtë kompeticion.

Pas dy barazimesh, 0-0 në “Loro Boriçi” dhe 1-1 në Valletta, tashmë Safet Gjici është i lirë të marrë frymë i qetë, pasi pak a shumë i ka nxjerrë shpenzimet e një viti në Superiore. Por, numri një i Kukësit sërish është treguar dorshtrënguar, ai nuk e ka “hapur thesin” siç edhe premtoi në rast kualifikimi.

Mësohet se lojtarëve iu ka premtuar shpërblim me çek të bardhë nëse do të kalonin turin, por dje ai u ka thënë se kushti që të marrin 100 mijë euro është që të fitojnë kundër Karabakut ose Olimpija Lubjanës dhe atëherë do të shpërblehen.

Short i vështirë në turin e dytë për Kukësin, që do të thotë se edhe koeficienti nuk e ndihmon për të qenë favorit ndaj këtyre dy emrave që kanë histori më të madhe në arenën ndërkombëtare. Por, asgjë nuk është e pamundur, Kukësi do të tentojë këtë herë për të kaluar më tutje.

Normalisht që edhe pse u ndryshua trajneri, te Kukësi objektivi mbetet i njëjtë, pjesëmarrje në grupet e Europa League, megjithatë, duket një rrugë e vështirë por jo e pamundur. Kukësi ka shansin e mirë, sepse këtë vit rregullorja ka ndryshuar dhe në rast se skualifikohet në turin e dytë të Champions League, zbret në të tretin e Europa League, ku do t’i duhen të luajë ndeshje shtesë për të qenë pjesë e kompeticionit më të vogël. Në rast kualifikimi, Kukësi do të bëhet e dyta skuadër shqiptare që do të marrë pjesë në grupet e Europa League pas Skënderbeut. /EDS/

************

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota ne kohe reale nga Futbolli dhe sportet tjera.