Reali interesohet për një katalunas, Grimaldo objektiv i Los Blancos

18 Prill 2019

Alex Grimaldo është duke shkëlqyer këtë edicion me fanellën e Benficas.

Mbrojtësi i majtë spanjoll iu bashkua gjigantit portugez në verën e vitit 2016 nga Barcelona B.

23-vjeçari nuk kishte vend në ekipin e parë të Barcelonës dhe iu bashkua Benficas për të pasur më shumë hapësira për dy milionë euro.

Por këtë edicion Grimaldo ka shkëlqyer me fanellën e ekipit portugez dhe ka zgjuar interesimin e skuadrave të mëdha evropiane.

Alex Grimaldo. (Foto: Dean Mouhtaropoulos/Getty Images/Guliver)

Arsenal, Chelsea dhe Atletico Madrid janë interesuar për të, ndërsa së fundmi garës i është bashkuar edhe Real Madridi.

Los Blancos synojnë transferimin e katalunasit për një shumë rreth 40 milionë euro.

Duke parë Marcelon drejt fundit të kontratës, Grimaldo shihet si zëvendësuesi i brazilianit.

Në 48 ndeshje zyrtare këtë edicion, Grimaldo ka shënuar pesë gola dhe ka asistuar në shtatë të tjerë me fanellën e Benficas. /Telegrafi/

www.telegrafi.com