Reali merr vetëm një barazim kundër Leganesit

15 Prill 2019

Real Madridi nuk ka arritur të shënoj fitore në kuadër të xhiros së 32-të të La Ligës.

Madrilenët kanë barazuar si mysafir në stadiumin Municipal de Butarque të skuadrës së Leganesit me rezultat 1:1.

Pjesa e parë kaloi në dominim të Los Blancos, ku krijuan disa raste përmes Marco Asensios si dhe Karim Benzemas.

Jonathan Silva (Foto by Denis Doyle/Getty Images/Guliver)

Por, të parët në epërsi kaluan vendasit në saje të një sulmi që nuk premtonte që do të realizohej gol në portën e Keylor Navasit.

Kur mendohet që 45 minutshi i parë do të përfundohej i barabartë, në skenë doli Jonathan Silva që me një goditje mjeshtërore e dërgoi topin në rrjetën e kampionit të Evropës dhe Botës.

Gjashtë minuta pasi filloi pjesa e dytë, “mbretërit” realizuan golin e barazimit me anë të Karim Benzemas.

Karim Benzema (Foto by Denis Doyle/Getty Images/Guliver)

Marcelo goditi fuqishëm topin shtatë minuta para se të përfundoj ndeshja, por që Cuellar nuk lejoi që të mposhtet porta e tij.

Deri në fund të ndeshjes më nuk pati gola dhe kështu ndeshja përfundoi me rezultat të barabartë 1:1.

Pas kësaj, Reali zë pozitën e tretë të renditjes tabelore me 63 pikë ndërsa Leganes ngjitët në vendin e 11 me 41 pikë. /Telegrafi/

www.telegrafi.com