Red Bull bën ndryshime në organikën e tij

Ti mund ta lexosh kete ne 1 min.
12 Mars 2018 15:37
Emëron një emër të madh

Në prag të sezonit të ri, Red Bull bëri të ditur se ish-drejtori i Inxhinierisë dhe Performancës, Pierre Wache është emëruar në rolin e Drejtorit Teknik të skuadrës. Francezi hyri në botën e Formula 1 në vitin 2001 me Michelin, dhe duke punuar për këtë firmë gomash, u promovua në vitin 2005 në rolin e Drejtorit të grupit zbatimit. Pas 2 vitesh, në 2007, duke qenë se dhe Michelin i dha fund bashkëpunimit me Formula 1, ai iu bashkua BMW-Sauber, në postin e inxhinierit të performancës , ndërsa në 2012-n ishte shefi i sektorit të teknikës, përgjegjës për performancën e inxhinierike të skuadrës. Karriera e tij vijoi në vitin 2013 me kalimin te Red Bull, ku fillimisht ishte në rolin e shefit të inxhiniersisë së skuadrës, teksa tashmë ka marrë pozicionin e drejtorit të teknikës. Nga ana tjetër postet e Rob Marshall, shefit të inxhinierisë, drejtuesit të aerodinamikës Dan Fallows, dhe inxhinierit kryesor për inxhinierinë e makinave, Paul Monaghan, mbeten të pandryshuar. Shefi Ekzekutiv i Red Bull, Christian Horner komentoi edhe këtë ndryshim: “Është pjesë e evolucionit tonë. Kam besim te ai.”

Vet Wache foli në një intervistë për “L'Equipe”: “E kuptoj shumë mirë çfarë do të thotë të marrësh këtë pozicion dhe rreziqet që ka së bashku me të. S’mund të them që nuk më frikëson, por e di dhe rezultatet që kërkohen. Dhe unë dëshiroj të tregoj që jam i aftë t’i realizoj dhe arrij ato. Nuk do të ndryshoj asgjë, por njëkohësisht duhet të punoj ndryshe” theksoi francezi. /EDS/

Kërkesa për kod të ri
Ne ju kemi dërguar një link për të ndërruar kodin. Ju lutem kontrolloni postën tuaj elektronike