Refuzoi shiritin e kapitenit, pezullohet mbrojtësi i Flamurtarit

Ti mund ta lexosh kete ne 2 min.
16 Prill 2018 09:30
Trajneri Duro merr vendimin

Përveç rezultateve negative në fazën e tretë dhe n rrezikut që po i afrohej nga vendi i fundit në tabelën e klasifikimit, trajneri Duro i është dashur të përballet edhe me një tjetër problem para ndeshjes ndaj Lushnjës. Në mungesë sulmuesit kroat Tomislav Bushiç, pozicioni i kapitenit në skuadër kishte mbetur vakant. Dhe para ndeshjes, trajneri Duro i ka kërkuar mbrojtësit Franc Veliu që ta mbante shiritin në atë përballje. Por, çuditërisht, Veliu që është një nga lojtarët e paktë vendas te Flamurtari ka refuzuar që të jetë kapiten ndaj Lushnjës. Një përgjigje e tillë ka irrituar shumë trajnerin Duro, që ka vendosur të mos e aktivizojë fare futbollistin në atë përballje, si një masë ndëshkimi. Një vendim i tillë i Veliut, ndoshta ka ardhur edhe prej pakënaqësisë që gjatë sezonit nuk ka gjetur hapësirat e nevojshme në formacion. Gjithsesi Flamurtari arriti të fitonte në atë ndeshje dhe të largohej me pikë nga vendet që rrezikojnë rënien nga tabela e klasifikimit.

Për debatin e shkurtër mes trajnerit Duro dhe mbrojtësit Veliu është vënë në dijeni edhe administratori Idrizi. Ai ka konfirmuar se ka pasur një konflikt, por do të merret me detajet në ditët në vijim. Nuk dihet se sa ditë do të jetë pezullimi për lojtarin, pasi një vendim të tillë do ta marrë trajneri. Për të mund të ketë edhe një masë administrative me gjobë nga ana e klubit.


Te skuadra vlonjate ka pasur gjithmonë polemike në lidhje me merkaton që trajneri kryeqytetas ka bërë. Ai është vënë në shënjestër pasi nuk ka afruar mjaftueshëm futbollistë vendas dhe është bazuar te lojtarët e ardhur nga jashtë vendit, kryesisht nga kampionati maqedonas. Gjithsesi rezultatet e dy fazave të para i dhanë të drejtë trajnerit, ndërsa në fazën e tretë skuadra çaloi. Flamurtari vazhdon të jetë në gjysmëfinalen e Kupës së Shqipërisë dhe ka fituar takimin e parë ndaj Skënderbeut dhe ka hedhur një hap drejt finales. /EDS/

Milani në prag revolucioni, ja kush pritet të jetë trajneri i ri

Ti mund ta lexosh kete ne 2 min.
17 Korrik 2018 18:32

Edhe pse në deklaratën e Elliottit , bëhej e qartë se Gennaro Gattuso është e tashmja edhe e ardhmja e Milan-it, qëndrimi i Rinos në stolin e kuqezinjve  nuk është aq i sigurt, sipas asaj që raporton Sport Mediaset. Me sa duket, në fakt, trajneri i ardhshëm i Milan-it mund të jetë Antonio Conte. Tekniku nga puglia është zgjedhja e parë e pronarëve të rinj, pas largimit nga Chelsea. Pika e kthesës, me sa duket, do të vijë menjëherë: pas asamblesë që pritet të zhvillohet të shtunën. Disa herë, në vitet e fundit, Conte ka qenë afër kuqezinjve, por këtë herë mund të jetë momenti i duhur.

Elliott duket se dëshiron të ndryshojë gjithçka që mund të ndryshohet nga menaxhimi i Yonghong Li, duke përfshirë edhe trajnerin. Për momentin Elliott, nuk është shprehur asnjëherë për  trajnerin ose për ndonjë çështje tjetër. Që prej deklaratës zyrtare të fondit, kanë ndodhur  tri gjëra të rëndësishme: Conte u shkarkua, Gattuso përfundoi nën hetim dhe Curva Sud lëshoi një komunikatë që e lidhte Rinon drejtpërdrejt me Massimiliano Mirabelli-n.

Ky është problemi kryesor: Marco Fassone dhe drejtori sportiv i kanë ditët e numëruara. Drejtori Ekzekutiv është duke kërkuar për ndonjë mundësi tjetër dhe duket se do të përfundojë në Ligën e Futbollit, ndërsa ky i fundit do të vazhdojë të operojë në merkato deri në fund të sezonit, edhe pse nën mbikëqyrjen e Leonardo-s. Pastaj, mund të caktohet një drejtor i ri sportiv. Mund të jetë Cristiano Giuntoli, por edhe Daniele Pradé. Ardhja e Conte-s mund të lehtësojë transferimin e Alvaro Morata. Sulmuesi ishte kërkuar të Chelsea nga Conte dhe do të ishte dakort për një transferim në Milano. Përveç kësaj, me ardhjen e ish-trajnerit të kombëtares Italiane, mund të qëndrojë edhe kapiteni Leonardo Bonucci, në qendër të thashethemeve të shumta rreth merkatos. /EDS/

**************************

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota ne kohe reale nga Futbolli dhe sportet tjera.

Hamburgu merr vendimin zyrtar për Mavrajn

Ti mund ta lexosh kete ne 1 min.
17 Korrik 2018 18:15
Tani me sytë nga e ardhmja

Rrugët e Mërgim Mavrajt dhe Hamburgut janë ndarë sot përfundimisht. Klubi gjerman ka njoftuar përmes një postimi në Facebook se ka zgjidhur me mirëkuptim kontratën me 32-vjeçarin shqiptar i cili tashmë është një lojtar i lirë.

Edhe pse kontrata mes Mavrajt dhe hamburg përfundonte një vit më vonë, palët kanë rënë dakord për prishjen e menjëhershme të saj. “Falenderojmë Mërgimin për shërbimet e tij dhe i urojmë fat në të ardhmen”, shkruhej në postimin e Hamburg.

Mavraj u transferua te Hamburg nga Këlni në dhjetor 2016, i blerë nga klubi verior për 1,8 milionë Euro. Edhe pse luajti fillimisht mirë me Hamburg e në fillim të sezonit të kaluar madje u emërua edhe zëvendës kapiten, por që prej mbërritjes së trajnerit Christian Titz gjërat nisën të merrnin për keq për mbrojtësin shqiptar. Fillimisht ai nisi të mos aktivizohej rregullisht e më vonë erdhi edhe dërgimi për t’u stërvitur me skuadrën e dytë.

Tani Mavrajt i duhet të gjejë një skuadër tjetër. Më parë emri i tij është lidhur me turqit e Trabzonspor, ndërkohë që më pas kanë dalë në dritë edhe disa klube italiane apo spanjolle, si Deportivo la Coruna. Gjithsesi tani që lojtari është i lirë mund ta ketë më të lehtë të gjejë një skuadër për të garantuar minuta për sezonin e ardhshëm./EDS/

**********

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota ne kohe reale nga Futbolli dhe sportet tjera.

 

Tronditet Arsenal, kontrata e firmosur me sponsorin kinez jo e vërtetë

Ti mund ta lexosh kete ne 2 min.
17 Korrik 2018 17:50

Ndodh që të gjithë të mashtrohemi njëherë në jetë. Fatura e telefonit e kripur, një blerje nëpërmjet internetit që vjen bosh. Natyrisht, që ti ndodhë një klubi futbolli, me gjithë volumin e punës që sillet rreth botës së futbollit, është mjaft komike. Sidomos në qoftë se klubi në fjalë nuk është një ekip i lënë pas dore, por Arsenali i lavdishëm. Që, siç raportohet nga Daily Mail, në prill kishte njoftuar një partneritet me BYD, një kompani kineze që prodhon makina elektrike. Disa nga lojtarët e Gunners ishin fotografuar me fanellat që mbanin emrin e kompanisë. Por në fakt ...

Ndërsa tani, vetë BYD deklaron se çdo marrëveshje e arritur dhe e nënshkruar me Arsenal-in do të konsiderohet absolutisht e pavlefshme. Dhe për një arsye madhore. Personi i cili ka firmosur këtë marrëveshje ... nuk punon për BYD. Në fakt, ai kurrë nuk ka punuar atje. Daily Mail njofton se Li Juan, arkitekti i dyshuar i këtij mashtrimi, është arrestuar në Shangai. Pikërisht në qytetin më të populluar në botë, Li Juan kishte selinë e saj, ku mashtronte klientët, duke pretenduar se ishte një emisar i BYD-së, duke u pajisur me një vulë të rreme të kompanisë.

Dhe versioni kinez i faqes së Arsenalit konfirmon se Gunners gjithashtu është në listën e të mashtruarve. "BYD ka njoftuar Arsenalin se ka qenë viktimë e mashtrimit në lidhje me disa marrëveshje sponsorizimi, duke përfshirë edhe atë me klubin". Kompania ka lëshuar një deklaratë zyrtare, duke nënvizuar se Li Juan është hequr si një anëtar i stafit të BYD dhe ka përdorur një vulë të falsifikuar për të nënshkruar kontrata. Të gjitha detajet  BYD i ka raportuar në polici, të cilët kanë kryer arrestimin. Një dëm i madh për imazhin e kompanisë, por edhe për vetë Arsenal-in, që kishte postuar fushata reklamuese në faqen e saj të internetit për të bërë publike partneritetin. Dhe në fakt, është përballuar me një marrëveshje të rremë. Por, kjo i ndodh edhe më të mirëve. Megjithatë, nga hera tjetër, kujdes se çfarë firmosni. /EDS/

**************************

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota ne kohe reale nga Futbolli dhe sportet tjera.

Liverpool, ofertë rekord për Alisson

Ti mund ta lexosh kete ne 1 min.
17 Korrik 2018 17:34
A mund t'i thuash jo?!

Liverpool ka bërë një ofertë rekord, prej 70 milionë Eurosh për portierin e Romës, Alisson Becker. Sipas BBC klubi italian po e konsideron seriozisht ofertën edhe pse kërkon 5 milionë euro më shumë. Portieri brazilian sapo është kthyer nga kombëtarja ku mori pjesë në Kupën e Botës në Rusi. 25-vjeçari vesh fanellën verdhekuqe prej dy vjetësh dhe sezonin e kaluar ka luajtur 37 ndeshje, ndërsa karrierën e ka nisur te Internacional në vendlindje.

Nëse oferta e parë e klubit anglez pranohet, do të thyente rekordin e shumës me të cilën është blerë një portier, 53 milionë Euro të paguara nga Juventus në llogaritë e Parmës në vitin 2001 për të marrë Gianluigi Buffon. Rekordin në Premier League e mban portieri i Manchester Cityt, Ederson, për të cilin Guardiola pagoi vjet 40 milionë Euro te Benfica.

Trajneri i Liverpool duket nuk ka ndërmend të vazhdojë sezonin e ardhshëm me Loris Karius në portë, pas dy gafave fatale të gjermani në finalen e Champions League kundër Real Madrid që i kushtuan Reds-ave trofeun.

Alisson luajti në të pesë ndeshjet e Brazilit në Botëror, ku Seleçao arriti deri në çerekfinale, ndërsa e ruajti të paprekur portën në tre raste.

Por përveç këresës së Romës për më shumë para, Liverpool duhet të ruhet edhe nga futja në garë e Chelsea-t, sepse Blutë e Londrës janë shumë pranë shitjes së Thibaut Courtois dhe mund të kenë nevojë për një zëvendësues./EDS/

**********

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota ne kohe reale nga Futbolli dhe sportet tjera.