Ringjallet Dinamo, krijohet shoqata e basketbollit!

Ti mund ta lexosh kete ne 3 min.
7 Dhjetor 2017 19:42
Ish-basketbollistët dhe dashamirës të këtij ekipi të lavdishëm, pas një sërë bisedimesh dhe takimesh mes tyre vendosën të krijojnë Shoqatën Dinamo, e cila ka në fokus të promovojë të rinjtë, por njëkohësisht të rrisë nivelin e basketbollit në vend.

Dinamo e viteve të lavdishme në basketboll, ka mbetur në mendjen e të gjithë sportdashësve, por pavarësisht trofeve të shumtë të fituar në vitet e fundit ky ekip u la në harresë. Ish-basketbollistët dhe dashamirës të këtij ekipi të lavdishëm, pas një sërë bisedimesh dhe takimesh mes tyre vendosën të krijojnë Shoqatën Dinamo, e cila ka në fokus të promovojë të rinjtë, por njëkohësisht të rrisë nivelin e basketbollit në vend. Në ambientet e Hotel Tirana, pasditen e sotme u zhvillua një konferencë e jashtëzakonshme, ku ishin të ftuar ikona të basketbollit, presidenti i FSHB, Avni Ponari, zyrtarë nga Ministria e Arsimit dhe Sportit, si dhe personalitete nga fusha të ndryshme. Të gjithë me qëllimin e njëjtë: Për të festuar krijimin e Shoqatës së Basketbollit “Dinamo”.

“Të nderuar ish-basketbollistë, të nderuar miq dhe kolegë. Kam kënaqësinë dhe nderin të deklaroj krijimin e shoqatës së Dinamos. Është një shoqatë jofitimprurëse. Ideja ka lindur mes lojtarëve, që kanë luajtur me Dinamon. Jam i sigurt, se kjo iniciativë është për të gjithë. Kushdo mund të bëhet pjesë, struktura është shumë e thjeshtë dhe përfaqësuese”, tha fillimisht presidenti i shoqatës Ilir Trebicka.

“Duam të ndërtojmë Shoqatën Dinamo për të ngritur lart emrin e kësaj shoqërie dhe të ndihmojmë basketbollin në Shqipëri. Ne jemi të pakënaqur nga basketbolli, pasi rezultatet kanë qenë të dobëta. Ne duhet të përgatisim moshat e vogla. Qëllimi ynë është të punojmë me brezat e ardhshëm. Jemi të sigurt, se kontributi jonë modest do të ndihmojë sportin e basketbollin. Iniciativa është private dhe jo shtetërore. Motja jonë është: Çdo gjë për fëmijët!”, vazhdoi ai.

Rikthimi në Kategorinë Superiore - "Nese pret që të jemi të vërtetë dhe jo me blerjen e lojtarëve do disa vite. Ne kemi vendosur që të kthejmë basketbollin, por duke promovuar fëmijët tanë dhe të nxjerrim lojtarë. Do një 5 vjeçar, që të arrijmë në nivele të larta dhe të punojmë me moshat. Kjo është strategjia afatgjate. Strategjia afatshkurtër na ben, që të jemi prezent në të gjitha kampionatet", shtoi Trebicka.

Financat - "Ne nuk kemi muskuj, por edhe pa muskuj nuk jemi!  Mendoj se të gjithë mbijetojnë.. Ne duam të marrim pjesë me lojtarë shqiptarë, jo të blejmë të huaj", deklaroi presidenti i shoqatës.

Një ndër besketbollistët e Dinamos së lavdishme, Spiro Shano, u shpreh, se objektivi i parë i drejtuesve duhet të jetë rikthimi i tifozëve.

“Falenderoj të gjithë pjesëmarrësit dhe presidentin Ilir Trebicka, që krijuan shoqaten e Dinamos. Shpresoj që vitin tjetër të nisim edhe pjesëmarrjen në kampionat. Jam një ndër veteranët e këtij ekipi dhe duhet të jemi të bashkuar të gjithë brezat e Dinamos, që kanë luajtur me këtë klub. Duhet të arrijmë të risjellim tifozët e Dinamos në pallatin e sportit, si në kohët e arta. Për të arritur objektivat që kemi vendosur, duhet durim dhe punë. Kam besim, se do t’ia dalim. Kam besim te stafi drejtues i kësaj shoqate. Dua të falenderoj të gjithë lojtarët e viteve 60', pasi e ngritëm Dinamon në nivelet më të larta. Jetoj në Greqi, por do të vij këtu dhe do të kthehem për të ringritur Dinamon. Çdo lojtar që vesh këtë fanellë,  duhet të ketë përgjegjësi dhe të dijë, se  ke përfaqëson”, tha Shano.

Video/ Ketri guximtar bëhet protagonist në olimpiadë

Ti mund ta lexosh kete ne 1 min.
24 Shkurt 2018 12:50
Gjatë garimit pati një të paftuar special

Lojërat Dimërore në Pyeonchang u kanë dhuruar fansave shumë kujtime të bukura, por shumë pak prej tyre mund të konkurrojnë me hyrjen e paftuar të një ketrushi gjatë garimit të një sportisteje në disiplinën e snowboard-it në slalom. 

 

Austriakja Daniela Ulbing e shmangu përplasjen për pak centimetra ndërsa ketri u shfaq papritur para saj. Sportistja mbajti edhe ekuilibrin dhe arriti në fund të bënte një provë të mirë e të kualifikohej or në çerekfinale. Megjithatë, të shumtë ishin ata që lanë mënjanë paraqitjen e saj dhe folën vetëm për protagonistin paftuar, ketrin.  

Messi, ëndrra e pamundur e Boca Juniors

Ti mund ta lexosh kete ne 1 min.
24 Shkurt 2018 12:45
Ëndërron klubi argjentinas

Lionel Messi është betuar për dashuri të përjetshme ndaj Barcelonës. Ylli argjentinas sapo ka rinovuar kontratën me katalanasit deri në qershor të 2021, me një klauzolë prej 700  milionë euro.

Sulmuesit i takon që të mbyllë aventurën me Barçën në moshën 34-vjeçare. Më pas me shumë mundësi, ai do të vazhdojë vitet e fundit në karrierë në Newell, klubin e tij në Argjentinë. Megjithatë ekziston një tjetër skuadër argjentinase që pretendon ta afrojë Leon në të ardhmen. Në fakt, shumë ekipe do ëndërronin që argjentinasi të vishte fanellën e tyre pavarësisht se në çfarë moshe.

Trajneri i Boca Juniors, Guillermo Barros Schelotti, kur u pyet se cilin lojtar të një skuadre tjetër do të donte në ekip tha “Messi-n”, duke lënë të nënkuptojmë që klubi argjentinas vazhdon të ëndërrojë një ditë që kapiteni i Kombëtares së tyre të luajë me ta në të ardhmen. /EDS/

 

Përdhunoi shqiptaren, zbulohen detajet e dosjes që fundosi Robinhon

Ti mund ta lexosh kete ne 1 min.
24 Shkurt 2018 12:40
Fakte tronditëse të gjyqit

Më 23 nëntor 2017 Robinho u dënua me 9 vjet burg për përdhunim seksual. Bashkë me një mikun e tij në vitin 2013 kanë përdhunuar në një lokal të Milanos një vajzë shqiptare, e cila asokohe ishte 22 vjeç. Së fundmi kanë dalë në dritë edhe pjesë të dosjes së paraqitur në Gjykatën e Milanos, ku dalin në pah detaje të rëndë për ish-sulmuesin e Milanit.

“I duhet dhënë pesha e duhur negative tonit dhe shprehive të përdorura për të komentuar ngjarjet, duke përshkruar vajzën me epitete turpëruese dhe termat shpesh të papërpunuara e përbuzëse, shenjë e pashmangshme e përçmimit dhe ndërgjegjësimit për mosndëshkimin e ardhshëm. Kjo bindje ka bërë që të pandehurit të qeshin vazhdimisht lidhur me ngjarjen, duke evidentuar kështu një përçmim absolut për kushtet e viktimës, e ekspozuar ndaj turpërimeve të përsëritura, përveç akteve të dhunës seksuale përmes abuzimeve veçanërisht invazive dhe me një abuzim fizik absolut të viktimës”.

Ngjarje për të cilën po flasim ka ndodhur në gardërobën e “Sio Café”, një lokal milanez ku vajza po festonte ditëlindjen. Asokohe, Robinho ishte një futbollist i Milanit. Ka qenë ai i pari që e ka përdhunuar vajzën, por në këtë çështje janë përfshirë edhe katër meshkuj të tjerë brazilianë, për të cilët procedimi është pezulluar pasi nuk janë zbuluar kurrë. Gjykata ka vendosur që vajza e përdhunuar të marrë një dëmshpërblim prej 60 mijë eurosh, ndërsa Robinho vazhdon të luajë futboll në Turqi me Sivasspor, vendi i gjashtë i kampionatit aktualisht. Ka firmosur në janar dhe ka luajtur deri tani tre ndeshje në kampionat, duke shënuar tre gola kundër Ankaraspor (dopietë) dhe Kayserispor./EDS/

Pyeongchang 2018/ Ester Ledecka bën historinë, 2 të arta në olimpiadë

Ti mund ta lexosh kete ne 1 min.
24 Shkurt 2018 12:21

Ester Ledecka hyn në historinë e Lojërave Olimpike Dimërore. Pasi fitoi “SuperG” (super grand slalomin) e skive alpine, ajo mori medaljen e artë edhe në disiplinën e saj si snowboarder në slalomin gjigant. Sportistja çeke ia doli që të mundë rivalen e saj gjermane, Selin Joerg.  Kjo është hera e parë që një atlete fiton dy medalje të arta në dy sporte të ndryshme në të njëjtin edicion të olimpiadave.

Medalja e bronztë i shkoi gjermanes tjetër Ramona Theresia Hofmeister. Ledecka arrin suksesin e norvegjezëve Johan Groettumsbraten dhe Thorleif Haug. Të dy janë sportistët e vetëm që kanë fituar medalje të artë në më shumë se një disiplinë. Sukseset e tyre erdhën respektivisht në vitet 1928 dhe 1924. Ledecka ka lindur në vitin 1995 në Pragë dhe është vajza e një patinatoreje të njohur dhe një këngëtari çek.