Rivaldo: Barcelona ta merr Neymarin, Lautaro nuk i duhet

26 Mars 2020

Ish-futbollisti i Barcelonës dhe Brazilit, Rivaldo, i ka sugjeruar klubit katalanas, që të rikthej Neymarin e mos ta blejë e Lautaro Martinezin.

Braziliani është ndalur të flas për kualitetet e dyshes, duke thënë që Nymar do të komponohej më shpejtë në ekip.

“Lautaro? Ai është vetëm 22 vjeç dhe ende ka nevojë të rritet dhe të fitojë përvojë, pavarësisht se është një lojtar i mirë dhe mund të bëhet një futbollist edhe më i mirë në të ardhmen”.

“Më mirë Neymar se Lautaro. Argjentinasi nuk do të ishte një zgjidhje për të tashmen. Neymar do të ishte gjithnjë përparësia ime për të forcuar Barcelonën”.

“ Mendoj se ai duhet të përqendrohet, para së gjithash, në kthimin e tij për ta bërë sulmin e Barcës shkatërrues, si në të kaluarën”.

“Barcelona duhet të bëjë një përpjekje financiare për Neymarin tani që PSG është gati të pranojë oferta realiste. Një nënshkrim i tillë nuk do të ishte i rrezikshëm”.

“Neymar është 28 vjeç dhe ka ende shumë vite futboll në karrierën e tij”.

“Do të ishte një veprim i shkëlqyeshëm, sepse ai e njeh klubin dhe ka një personalitet që i lejon të ndajë rolin kryesor me Messin”, ka thënë Rivaldo. /Telegrafi/

www.telegrafi.com