Rivaldo: Guardiola mund të kthehet në Spanjë këtë verë

15 Maj 2019

Legjenda braziliane, Rivaldo, ka thënë se Pep Guardiola mund të largohet nga Manchester City këtë verë dhe të kthehet në Spanjë.

Trajneri spanjoll që në muajin mars ka thënë se do ta vazhdojë qëndrimin te kampioni i Ligës Premier, ashtu që asokohe përgënjeshtroi lidhjen me Juventusin.

Përkundër kësaj, Rivaldo mendon se miku i tij i vjetër është i hapur për t’u kthyer në vendlindje në funs të sezonit, sepse nuk i pëlqen të qëndrojë larg familjes dhe miqve për një kohë të gjatë.

Lexo po ashtu: Të gjitha lajmet nga Pep Guardiola

“Manchester City ka ndryshuar për të mirë që nga arritja e Pep Guardiolas, ndërsa fitimi i dy titujve rresht e bën atë pjesë të historisë së klubit”.

Pep Guardiola (Foto: Michael Regan/Getty Images/Guliver)

“Besoj se Pep do të ketë mundësi të tjera dhe projekte të reja për të menduar këtë verë dhe përkundër kënaqësisë aktuale në Etihad, ndoshta një ofertë e mirë nga një klub spanjoll do t’i interesonte”.

“E them këtë, sepse Pepit nuk i pëlqen të qëndrojë larg familjes dhe miqve, dhe vërtet dëshiron të qëndrojë me ta, prandaj kthimi i mundshëm në Spanjë do t’i ndihmonte”, ka deklaruar braziliani për Betfair. /Telegrafi/

www.telegrafi.com