Rrahje në stërvitjen e Lyonit, katër lojtarë grushtohen mes vete dhe trajneri jep dorëheqjen

13 Prill 2019

Gjiganti francez, Olympique Lyon nuk është duke kaluar mirë këtë edicion.

Pasi nuk kanë arritur në asnjë moment të jenë konkurrues me PSG, Lyon ka humbur edhe pozitën e dytë në Ligue 1.

Në stërvitjen e ditës së enjte, katër lojtarë të Lyonit janë përfshirë në një përleshje ku kanë shpërndarë grushte mes njëri tjetrit.

Nabil Fekir, Memphis Depay e Mendy. (Foto: Richard Heathcote/Getty Images/Guliver)

Zënka kishte filluar me yllin holandez Memphis Depay që kishte grushtuar mbrojtësin e majtë Mendy.

Ndërsa pas kësaj ishin zënë edhe Nabil Fekir me qendërmbrojtësin brazilian Marcelo.

L’Equipe ka zbuluar rrahjen në stërvitjen e Lyonit dhe kjo ka bërë që trajneri Genesio të mos i aktivizojë asnjërin nga minuta e parë në ndeshjen ndaj Nantes që Lyon e humbi me rezultat 2-1.

Memphis Depay dhe trajneri Bruno Genesio. (Foto: Lintao Zhang/Getty Images/Guliver)

Trajneri Genesio ka ofruar dorëheqjen nga klubi dhe këtë do ta bëjë publike nëpërmjet një konference për shtyp.

Sipas L’Equipe, klubi pritet t’i dënojë katër lojtarët për rrahjen e tyre në stërvitje. /Telegrafi/

www.telegrafi.com