Rusia goditet nga epidemia e “dopingut”, zyrtari jep dorëheqjen

Ti mund ta lexosh kete ne 1 min.
27 Dhjetor 2017 19:45
Akuza, pezullim, dorëheqje, zëvendësim: para Botërorit ndodh gjithçka

Vitaly Mutko, presidenti i Unionit Rus të Futbollit, ka dhënë dorëheqjen nga funksioni i kryetarit të Komitetit Lokal Organizator të Kampionatit Botëror të Futbollit “Rusi 2018”.

Largimi i tij ka ardhur për shkak të pezullimit që mori nga Komiteti Olimpik Ndërkombëtar për përfshirjen në akuzat e sponsorizimit nga zyrtarët e sportit rus në përdorimin e dopingut nga atletët vendas.

Mutko humbet kështu dhe detyrën si njëri prej anëtarëve në Këshillin Ekzekutiv të FIFA-s. Në një deklaratë zyrtare, Komiteti Lokal Organizator për “Rusi 2018” ka siguruar se largimi i vullnetshëm i Mutkos nuk ceënon aspak procesin e përgatitjes për organizmin e eventit më të madh futbollistik ndërkombëtar.

Në vend të tij Alexei Sorokin do të ngarkohet me të gjitha funksionet e lëna vakante. Mutko ka një karrierë të gjatë në fushën e politikës dhe sportit. Postet më të larta që ai ka mbajtur janë Ministri i Sporteve në vitet 2008-2016 dhe aktualisht është zv/kryeministër në Federatën Ruse. D.V.

Tronditet kombëtarja e Egjiptit, ylli i skuadrës mund të humbasë Botërorin?

Ti mund ta lexosh kete ne 1 min.
23 Prill 2018 23:28

Te kombëtarja e Egjiptit janë optimistë sa i përket dëmtimit të lojtarit të Arsenalit, Mohamed Elneny. Frika është se ai mund të mungojë në Rusi, për shkak se u dëmtua në ndeshjen e fundit, ku Arsenali fitoi me rezultatin 4-1 ndaj West Ham.

Problemi fizik fillimisht u mohua nga stafi mjekësor Arsenalit, ku u deklarua se nuk bëhej fjalë për një diçka serioze, duke sjellë reagimin e ashpër të tifozëve egjiptianë, të shqetësuar nga dëmtimi i talentit të kombëtares.

Zv.trajneri i Egjipti-t Mahmoud Fayez postoi në Twitter lajmin që dëmtimi i lojtari nuk ishte serioz dhe që me shumë mundësi do të jetë në Kupën e Botës. Menjëherë pas këtij postimi ekipi i Arsenalit doli me një deklaratë zyrtare: "Pasi vlerësuam situatën, ku lojtari iu nënshtrua analizave mjekësore të dielën dhe të hënën, ne mund të konfirmojmë se Mo Elneny ka pësuar dëmtim në ligamentet e gjurit të majtë. Ne shpresojmë te rikthimi i lojtarit për ndeshjet e mbetura të sezonit, dhe jemi në kontakt me federatën egjiptiane".

Mesfushori Elneny është titullar në kombëtare, që nga debutimin e tij në vitin 2011, ku është aktivizuar në 57 ndeshje dhe ka shënuar 5 gola.

Egjipti është në Grupin A, së bashku me Uruguain, Arabinë Saudite dhe organizatorët e Rusisë. Ndeshjen e parë në këtë botëror do ta luajë me 13 qershor, kundër Uruguajit. /EDS/

A do të jetë Zlatan Ibrahimoviç në Botërorin e Rusisë?

Ti mund ta lexosh kete ne 1 min.
23 Prill 2018 23:01
Përgjigjen finale e jep trajneri i Suedisë

Zlatan Ibrahimoviç tani mund të ndalë së luajturi me emocionet e fansave të futbollit, sidomos të atyre që mbështesin Suedinë. Pavarësisht largimit nga futbolli ndërkombëtar dy vite më parë, super-ylli i Suedisë gjatë muajve të fundit ka ngacmuar me një kthim të mundshëm në ekipin kombëtar për të qenë prezent në kompeticionin e Kampionatit Botëror të Rusisë.

Trajneri i Suedisë Janne Andersson të hënën i ka mbyllur dyert për pjesëmarrjen në Botërorin e vitit 2018 shtatlartit Ibrahimoviç, duke thënë në një intervistë për mediat se ai nuk do të rikthejë në kombëtare lojtarin më të madh të vendit të tij në Rusi këtë verë.

“Ibrahimoviç i ka thënë jo ekipit kombëtar”, tha Andersson të hënën për TYC Sports. “Ai nuk ka dashur që të jetë pjesë e skuadrës pas Kampionatit Europian të vitit 2016, dhe unë e respektoj atë dhe atë që ai ka kërkuar. Nëse tërhiqesh nga ekipi, nuk mendoj se duhet të kthehesh pas, unë respektoj atë që ai ka thënë, por edhe ata që kanë thënë ‘po’”.

“Ibrahimoviç nuk më ka telefonuar mua, por përfundimisht ai nuk do të përfshihet në listën e lojtarëve për Kupën e Botës”, me këtë fjali Andersson u shpreh fare qartë për të gjithë ata që kishin pikëpyetje mbi sulmuesin suedez. Kështu, Zlatan Ibrahimoviç mund të jetë i pranishëm në Kampionatin Botëror të Rusisë 2018 vetëm si spektator.

“Bomberi” shtatlartë në merkaton e janarit u largua nga Britania e Madhe ku luajti 33 ndeshje në Premier League dhe shënoi 17 gola. Pa harruar dhe ndeshjet e tjera ndërkombëtare ku ai tregoi se mosha nuk do të thotë asgjë për aftësitë që ka. Aktualisht ndodhet në Shtetet e Bashkuara të Amerikës ku ka veshur fanellën e Los Angeles Galaxy me të cilët ka gjetur tre herë rrugën e rrjetës në dy takime. /EDS/

Botërori 2018, e dini cila është skuadra e parë që do shkojë në Rusi?

Ti mund ta lexosh kete ne 1 min.
23 Prill 2018 20:46

Kombëtarja e Iranit në futboll do të jetë e para që do të mbërrijë në Rusi në kuadër të finaleve të Botërorit 2018. Lajmin e ka konfirmuar për gazetarë Zv.kryeministri i Rusisë, Vitaly Mutko. Të hënën e ardhshme Moska zyrtare do të organizojë një takim për diskutuar rreth gatishmërisë së qyteteve ruse për të pritur 32 skuadrat pjesëmarrëse në finalet e Kupës së Botës në futboll.

“Kombëtarja e Iranit do të jetë e para pjesëmarrëse në Botëror që do të mbërrijë në Rusi. Iranianët do të jenë këtu më 5 qershor”, - tha Mutko. Skuadra do të akomodohet në bazën stërvitore që ndodhet në Bakovka, jashtë Moskës, që zakonisht përdoret nga moskovite e Lokomotivës.

Russia ka përzgjedhur 11 qytetet pritëse të ndeshjeve për fazën finale të Kupës së Botës 2018 dhe ato janë Moska, St. Petersburg, Soçi, Kazan, Saransk, Kaliningrad, Volgograd, Rostov-on-Don, Nizhni Novgorod, Jekaterinburg dhe Samara. Ndeshjet e finaleve të Botërorit Rusi 2018 do të luhen nga datat 14 qershor deri më 15 korrik në 12 stadiumet që ndodhen në qytetet përkatëse të Rusisë. Dy nga stadiumet pritëse ndodhen në kryeqytetin e Rusisë. Ndërkaq, teksa nisja e turneut po afron është vënë re edhe një fenomen shqetësues. Rreth 591 hotel mësohet se kanë rritur çmimet për turistët, duke bërë që autoritet përkatëse të marrin masa duke aplikuar gjoba./EDS/

Yjet e Kolumbisë dhe Dani Alves protagonistë në klipin e Botërorit

Ti mund ta lexosh kete ne 1 min.
23 Prill 2018 15:07
Kënga garuese për Kupën e Botës

Qendërmbrojtësi i Barcelonës, Yerry Mina është një nga protagonistët kryesorë në videoklipin e këngës garuese për himnin e Botërorit "Rusi 2018". Një tjetër artist kolumbian ka lancuar këngën garuese për Kupën e Botës, pas bashkëpunimit të Malumas me Jason Derulo me "Colors”. Bëhet fjalë për 23-vjeçarin, Sebastian Yatra, i cili së fundmi ka publikuar këngën së bashku me videoklipin konkurruese për Botërorin që do të startojë në muajin qeshor.

Kënga titullohet “Love” (dashuria), pjesë e së cilës janë edhe disa nga yjet e futbollit kolumbian si James Rodriguez i Bayern Munich, Radamal Falcao dhe Yerry Mina i Barcelonës. Gjithashtu në videoklip kanë marrë pjesë Santiago Arias dhe Dani Alves i Paris Saint-Germain.

Protagonistët këndojnë dhe kërcejnë në klip, por veçanrësisht në sy bie Mina i katalanasve. Xhirimet janë bërë në Neë York, Madrid, Medellin dhe Londër. Kënga është postuar në kanalin zyrtar “Youtube” para disa ditësh, më 19 prill dhe ka marrë 26 291 526 klikime. /EDS/