REZULTATET LIVE
Shiko listen e plote
Mesfushori i San Jose

S'ka pushime për Hykën, stërvitje edhe Tiranë

9 Janar 2018 13:51

Jahmir Hyka vazhdon pushimet dimërore në kryeqytet. Mesfushori shtatshkurtër që aktivizohet në kampionatin amerikan, me San Jose, po stërvitet individualisht në Tiranë.

29-vjeçari së bashku me ish-shokun e tij të skuadrës te Tirana, Erando Karabeci kanë shfrytëzuar kohën e lirë për vrap të lehtë nga Liqeni Artificial i Tiranës.

Mesfushori i bardhebluve ka postuar foton me yllin e kuqezinjve në profilin e tij në “Insta Story” ndërsa shkruan në gegënisht: “U kry për sot”. /EDS/

Jeni i lutur të hyni në llogari që të lini një koment
Sulmuesi kuqezi i uron ditëlindjen të shtrenjtës së tij

Llullaku si Neymar, dedikim të veçantë për nënën

20 Janar 2018 13:13

Nëna e Azdren Llullakut feston sot ditëlindjen. Sulmuesi kuqezi ka zgjedhur që ta urojë nënën e tij edhe në rrjetin social "Facebook". 29-vjeçari ka postuar një foto me të, në të cilën ka shkruar: "Gëzuar Ditëlindjen mami".

Futbollisti kosovar për momentin është në kërkim të një ekipi, pasi mbylli aventurën me Astana-n në kampionatin kazak. Llullaku nuk arriti të përshtatej mirë me ekipin dhe të linte gjurmë. Rikthimi në Evropë duket një alternativë e mirë për sulmuesin kuqezi. Pavarësisht së gjithave, ai falënderoi tifozët dhe klubin para se të ikte. Sot feston ditëlindjen edhe nëna e yllit të PSG-së, Neymar, i cili i kushtoi gjithashtu një urim të veçantë në rrjetet sociale. /EDS/

Jeni i lutur të hyni në llogari që të lini një koment
Ylli portugez gjen paqe te partnerja

Ronaldo “mbyll veshët”, ikën në Portugali

20 Janar 2018 11:03

Cristiano Ronaldo e ka shijuar fundjavën me të dashurën e tij, Georgina Rodriguez në ishujt e bukur të Portugalisë. Ylli i Real Madrid, nuk po kalon një moment të mirë në karrierën e tij futbollistike me skuadrën e tij. Deri më tani 32-vjeçari ka gjetur vetëm katër herë rrjetën në kampionat me “Los Blancos”.

Pavarësisht kësaj,  kapiteni luzitan i ka lënë pas kritikat dhe komentet negative rreth tij, për t’u fokusuar plotësisht tek familja e tij, fëmijët dhe e dashura. Pesë herë triumfuesi i “Topit të Artë”, ka postuar në “Facebook” një foto me bukuroshen spanjolle ndërsa bëjnë “selfie” në Maderia. Një foto artistike, që është komentuar dhe pëlqyer shumë nga fansat.

Aventura e tij në “Santiago Bernabeu”, duket se po përfundon, pasi lojtari nuk ndihet më i kënaqur dhe dëshiron të kthehet në Angli, te Manchester United. /EDS/

Jeni i lutur të hyni në llogari që të lini një koment
Mbrojtësi spanjoll bëhet me djalë

Pse dita e djeshme ishte e veçantë për Alba-n?

19 Janar 2018 14:12

Dita e djeshme është padyshim më e lumtura për Jordi Alba-n. Bashkëshortja e tij, Romarey Ventura ka sjellë në jetën djalin e tyre të parë. Mbrojtësi 28-vjeçar ka postuar në “Instagram”, foton e të birit së bashku me një dedikim të veçantë duke shprehur edhe lumturinë që i ka dhuruar. Çifti e ka pagëzuar të voglin me emrin “Piero”.

“Dje, më 18 janar, Piero erdhi në jetën tonë. Mami dhe ai janë shumë mirë. Faleminderit të gjithëve për mesazhet e dërguara”- ka shkruar futbollisti katalanas karshi fotos, ku kishte kapur duart e vogla të të porsalindurit.

Alba mungoi ditën e djeshme në seancën stërvitore me leje të trajneri Valverde, pasi asistoi gjatë lindjes së gruas së tij.  /EDS/

Jeni i lutur të hyni në llogari që të lini një koment
Moderatorja sportive feston sot 31-vjetorin e lindjes

VIDEO/ Ilda merr dhuratë të veçantë për ditëlindje

19 Janar 2018 11:37

Ilda sot feston 31 vjetorin e lindjes. Bukuroshja ka marrë një dhuratë tejet të veçantë. Analisti shqiptar, njëkohësisht edhe miku i tij, Olti Curri i ka dhuruar moderatores seksi një buqetë të me trëndafila, shoqëruar me një kartolinë dedikimi për ditëlindje.

Gazetarja nuk ka hezituar që ta falënderojë përmes një video-postimi në profilin e saj në “Instagram”. Ilda është një nga gazetaret më seksi në Shqipëri, e njohur për sensualitetin dhe njohuritë për sportin. Ndryshe, gazetarja më e pëlqyer dhe komentuar në median shqiptare. /EDS/

 

Jeni i lutur të hyni në llogari që të lini një koment