Sarri kërkon më shumë transferime nga Juventusi

21 Korrik 2019

Maurizio Sarri ka kërkuar edhe më shumë transferime nga Juventusi, ndërsa deri më tani ka transferuar Matthijs De Ligtin për 85 milionë euro dhe Adrien Rabiotin e Aaron Ramseyn si transferime të lira.

Trajneri italian pas humbjes 3-2 nga Tottenham Hotspuri, ka thënë se ai nuk dëshiron të jetë i zënë me transferimet që do t’i bëjë Zonja e Vjetër, mirëpo ka nevojë edhe për disa lojtarë.

“Nuk dua ta bllokojë punën time duke menduar për transferime, mendoj se klubi e di çfarë dua dhe janë personat kompetent për këtë punë”, ka thënë Sarri pas ndeshjes.

Maurizio Sarri (Foto: Thananuwat Srirasant/Getty Images/Guliver)

“Ndoshta ka lojtarë dhe liga që unë nuk i di. Kështu që, është më mirë ta lë këtë punë në dorën e personave përgjegjës”.

Lexo po ashtu: Sarri për humbjen nga Tottenhami: Juventusi nuk ishte i përgatitur fizikisht

“Ne kemi humbur shumë lojtarë cilësor në disa pozita, mirëpo janë duke menduar edhe për shtatë lojtarët e lënduar që kam në skuadër dhe pesë të tjerë që do të kthehen nga pushimet”, ka shtuar më tej italiani.

Ish-trajneri i Chelseat do të ketë shumë punë për të bërë në sezonin e ri, pasi objektivi kryesor i Juventusit është triumfi në Ligën e Kampionëve. /Telegrafi/

www.telegrafi.com