Serena Williams shtang, largohet nga “Australian Open”

Ti mund ta lexosh kete ne 1 min.
5 Janar 2018 12:01
Kampionia nuk harxhon kohë kot

Kampionia në fuqi Serena Williams u tërhoq nga turneu “Australian Open” i këtij viti.

Fituesja e 23 herë Grand Slam-eve është ndeshur vetëm një herë që kur fëmija i saj lindi në shtator.

Ajo tregoi arsyet e këtij vendimi të papritur: “Edhe pse jam shumë afër, unë nuk jam aty ku dua që të jem. Këtë e kuptova pasi konkurrova në Abu Dhabi. Trajneri dhe ekipi gjithnjë më kanë thënë që të iki në ato turne ku unë e ndiej veten të papërgatitur.

Unë mund të ndeshem, por nuk dua vetëm kaq. Unë dua që të bëj më shumë”, tha 36 vjeçarja, e cila fitoi trofeun vitin e shkuar kur ishte 8 muajshe shtatzënë.

Masters 1000 Montekarlo/ Rafa Nadal fiton turneun e 11 në Principatë

Ti mund ta lexosh kete ne 1 min.
22 Prill 2018 16:51

Rafa Nadal fitoi një tjetër trofe me rëndësi në karrierën e tij. Tenisti spanjoll është fituesi i Masters 1000 të Montekarlos, një nga turnetë më prestigjioz të tenisit.Duhet thënë se për sportistët e kësaj disipline ta fitosh këtë trofe ka një rëndësi të madhe dhe Nadal deri më tani e ka fituar për herë të 11. Suksesi i fundit erdhi kundër japonezit Kei Nishikori me rezultatin 6-3;6-2 në një lojë që zgjati 1 orë e 33 minuta. Ky është titulli i parë i akti viti pas u kthye pas problemeve fizike që vuajti në Australi.

Gjatë këtyre viteve në Masters 1.000 të Montekarlos, Nadal ka fituar ndaj këtyre kundërshtarëve: Albert Ramos (2017), Gael Monfils (2016), Novak Djokovic (2012; 2009), David Ferrer (2011), Fernando Verdasco (2010), Roger Federer (2006; 2007; 2008) dhe Guillermo Coria (2005), përveç Nishikori-t që u mund këtë vit. Vetëm serbi Djokovic ishte i zoti që të mposhte në një finale të principatës në 2013 kanibalin e dheut të kuq. /EDS/

Tenis/ Nadal mposht lehtësisht Dimitrovin dhe kap finalen

Ti mund ta lexosh kete ne 1 min.
21 Prill 2018 15:58
Spanjolli përfiton nga dëmtimi i kundërshtarit

Rafael Nadal ka siguruar finalen e 12-të në karrierë në Montecarlo, pasi mundi 2-0 me sete, përkatësisht 6-4 dhe 6-1 bullgarin, Grigor Dimitrov. Spanjolli ia doli që t'a likuidojë kundërshtarin në vetëm 1 orë e 11 minuta. Në setin e parë 26-vjeçari bullgar dukej sikur po i rezistonte tenistit nga Majorka, ku fitoi 4 gejme. Por, në të dytin ishte tepër e vështirë për të përballja ndaj 10 herë triumfuesit në Principtarë. Dimitrov mund të marrë në setin e dytë vetëm një gejm, ku u dorëzua lehtësisht.

Shkak për paraqitjen e tij jo të mirë, ishte edhe dëmtimi që ka pësuar në krah, por nga ana tjetër ky ishte një plus për Nadal, i cili nuk e pati të vështirë fitoren ndaj ballkanasit. /EDS/

Caroline Wozniacki atletja më me ndikim në botë

Ti mund ta lexosh kete ne 1 min.
30 Mars 2018 19:08
Tenistja ka shkëlqyer

Caroline Wozniacki është bërë atletja e parë, që shfaqet në “top 10” të listës vjetore të Forbes, të grave më të fuqishme në botë në sportet ndërkombëtare. Kampionia e “Australian Open”, u pozicionua në vendin e tetë në listën e “Forbes”, për shkak se ishte një nga atletet femra më të paguara në botë në vitin 2017, duke fituar 7.5 milionë dollarë nga trofetë e fituara dhe sponsorizimet. Tenistja e lindur në Odense është sportistja e parë femër profesioniste, që ngjitet në 10 më të paguarat e Forbes, e cila këtë vit kryesohet nga sekretarja e përgjithshme e FIFA, Fatma Samba Diouf Samoura.

Në vend të dytë pozicionohet Lydia Nsekera, ekzekutive e Komitetit Olimpik Ndërkombëtar të FIFA-s dhe pas saj vjen Florence Hardouin, anëtare e Komitetit Ekzekutiv të FIFA-s dhe drejtore e përgjithshme e Federatës së Futbollit të Francës. Zëvendës presidentja e Nike, Angela Dong u rendit e katërta përpara drejtoreshës së Chelsea-t, Marina Granovskaia dhe redaktores të BBC Sport Barbara Slater. Atletet e tjera që do të paraqiten në listë janë kapitenja e krikete Indisë, Mithali Raj (12), futbollistja afgane Nadia Nadim (20), sulmuesja e FC Barcelona, Lieke Mertens (22) dhe lojtarja e golfit të Koresë së Jugut, Sung Hyun Park (23). /EDS/

 

Intervista ndryshe e Federer, tenisti zbulon pasionet e tij

Ti mund ta lexosh kete ne 1 min.
28 Mars 2018 17:22
Deklaron çfarë do të bëj pas tërheqjes

Roger Federer vazhdon të paraqitet shumë mirë dhe në moshën 36-vjeçare fitoi titullin e tij të 20 Grand Slam pas suksesit në Australi në fillim të vitit. Zvicerani vendosi të mos marrë pjesë në turnetë me dhe si ai i French Open, duke humbur shansin për një tjetër trofe. Megjithatë ai do të marrë pjesë në Wimbledon dhe US Open, duke synuar të rrisë numrin e rekordeve të titujve Grand Slam. Megjithatë Federer duket se i ka të qarta idetë se çfarë dëshiron të bëjë kur të tërhiqet nga ky sport. 36-vjeçari ka dhënë një intervistë ndryshe për zviceranen NNZ, ku nuk ka folur si zakonisht për ndeshjet apo kompeticionet, por për ëndrrat e tij për udhëtime dhe destinacionet e pushimeve.

“Do të më pëlqente të shkoja në disa vende të caktuara në Azi, Australi, Afrikë dhe ndoshta në Amerikën e Jugut. Ka kaq shumë vende të bukura. Gjithashtu do të më pëlqente të udhëtoja nëpër Europë me autobus ose makinë. Do të preferoja me fëmijët e mi. Gjithsesi nuk jam stresuar për këto mendime, pasi deri tani ëndrrat e mija janë realizuar. Të qenit në një vend për 6 javë më jep mundësinë që ta lej veten të shikoj pak. Por nga njëra anë pres me padurim kohën kur mund të qëndroj gjatë në Zvicër  Federer do të humbasë vendin e parë në renditjen botërore të ATP, ditën e Hënë pas paraqitjes zhgënjyese në “Miami Open”, ku në krye do të ngjitet Rafael Nadal. Ishte Thanasi Kokkinakis ai që eliminoi zviceranin nga raundi i dytë i turneut në Florida. /EDS/