Shoqatat “fantazmë”, FSHF bën gati reagimin

Ti mund ta lexosh kete ne 1 min.
12 Janar 2018 22:34
Megjithatë, fushata ka nisur, ka luftë në fronte për të dy

Çështja më e përfolur e këtyre ditëve për futbollin shqiptar është zgjedhja e presidentit të ri të FSHF-së. Dy kandidatura, Armand Duka që kërkon rikonfirmimin dhe Bashkim Fino që do të marrë këtë pozicion për herë të parë.

Megjithatë, fushata ka nisur, ka luftë në fronte për të dy. Fino me anë të bashkëpunëtorëve të tij ka zbuluar Shoqata “fantazmë” që kanë të drejtë vote, ndërsa FSHF deri më sot nuk ka dhënë sqarimin e saj.

Megjithatë, njoftimi vjen nga zyra e shtypit të FSHF-së, ku gazetarët dhe publiku njoftohen se nesër do të ketë argumentin dhe vendim të arsyetuar për gjithçka ka ndodhur.

“Ditën e nesërme, (e shtunë, ora 12:00) në selinë e FSHF do të ketë një komunikim për shtyp nga institucioni (një qëndrim zyrtar, jo konferencë për shtyp) për çështjen e shoqatave sportive”, thuhet në mesazhin e shpërndarë në adresat e gazetarëve.

Flamurtari i cunguar, mungesat bëhet katër

Ti mund ta lexosh kete ne 1 min.
26 Prill 2018 13:24
Tre prej tyre në sulm

Flamurtari udhëton të premten drejt Gjirokastrës dhe do të kërkojë të marrë pikët e plota me Luftëtarin e vendit të tretë, për të shpresuar në arritjen e objektivit Europë nga kampionati. Skuadra vlonjate, që tanimë drejtohet nga Ardi Behari dhe Vasil Ruci, ka disa probleme para këtij takimi të rëndësishëm dhe janë tre lojtarë të sulmit që shqetësojnë stafin teknik. Njëri prej tyre mungoi edhe në ndeshjen e fundit me Teutën dhe bëhet fjalë për sulmuesin Secou Camara.

Futbollisti nga Guinea ende nuk është i gatshëm për stafin teknik, ndërkohë që ndaj durrsakëve janë dëmtuar edhe dy lojtarë të tjerë të rapartit të sulmit. Ardit Hoxhaj e pësoi me skuadrën bregdetare dhe do të humbasë sfidën me Luftëtarin, ndërkohë që nuk do të rrezikohet as me Danilo Alves. Braziliani një ditë më parë nuk është stërvitur me grupin dhe me gjirokastritët do të duhet të pushojë, pasi duan që ai të jetë gati për takimin e radhës me Vllazninë.

Kështu stafi teknik duhet t’i bëjë llogaritë pa të tre këta lojtarë të sulmit, si dhe pa qendërmbrojtësin Franc Veliu, i ndëshkuar me karton të kuq në sfidën me Teutën. Gjithsesi alternativat nuk mungojnë te vlonjatët, pasi lojtarë si Touncara dhe Nedeljkovic janë gati për stafin teknik, ashtu si edhe kapiteni Tomislac Bushic, që është edhe rikthimi i madh për vlonjatët në ndeshjen kundër Luftëtarit.

Diferenca mes Flamurtarit dhe gjirokastritëve është vetëm 4 pikë, duke bërë që vendi i tretë për vlonjatët të jetë në garë ende për vendin e tretë. Një fitore do i afronte shumë me objektivin Europë, ndaj edhe mobilizimi është maksimal në kampin kuqezi. Nga ana tjetër ata e dinë mirë se me skuadrën e Hasan Likës nuk do të jetë e lehtë, edhe pse në të shkuarën kanë arritur të dalin me pikë nga Gjirokastra. /EDS/

 

Skënderbeu me një 'formacion' në Apelin e UEFA-s

Ti mund ta lexosh kete ne 2 min.
26 Prill 2018 12:31
Ka nisur seanca dëgjimore

Ka nisur seanca dëgjimore e Skënderbeut para Komisionit të Apelit të UEFA-s, ku korçarët do të bëjnë mbrojtjen e tyre për dënimin 10-vjeçar që i është dhënë nga Komisioni i Etikës me 10 vite pezullim nga komepticionet Europiane dhe 1 milion euro gjobë. I vetmi futbollist që është kërkuar nga Apeli i UEFA-s ka qenë ai i Sabjen Lilajt, por avokatët kanë kërkuar që numri i lojtarëve të shtohet. Fillimisht i tha se do të ishte edhe Nimaga që do të udhëtonte drejt Zvicrës, por është bërë e mundur që ai të japë dëshminë e tij nëpërmjet video-konferencës nga ambientet e stadiumit “Skënderbeu”, ku nuk janë lejuar përfaqësuesit e mediave. Pork, ajo që ka befasuar të gjithë është fakti se në Nion janë paraqitur për të dhënë dëshmitë e tyre edhe dy ish-lojtar të Skënderbeut. Bernard Berisha që luan në Rusi të Ahmat Grozni dhe Lirion Latifi që është pjesë e Pushkash Akademi në Hungari. Bashkë ma ta është edhe ish-kapiteni Bledi Shkëmbi. Futbollistët do të jenë në mbrojtje të Skënderbeu, për akuzat që janë ngritur. Megjithatë drejtuesit korçar kanë bërë me dije se nuk presin ndryshim të masë së dënimit nga Komisioni i Apelit dhe zgjidhja e vetme do të jetë në CAS.

Ditën e sotme do të ketë një seancë maratonë, ku do të deponojnë fillimisht lojtarët dhe më pas avokatët që klubi ka kontraktuar për këtë çështje mjaft të rëndësishme për të ardhmen e Skënderbeut. Vendimi që do të marrë Komisioni i Apelit do të zbardhet pas disa ditësh pasi të jenë shqyrtuar të gjithë provat e paraqitura nga korçarët. Avokatët kanë dhënë garanci se nuk ka prova për dënimin e klubit dhe vendimi është marrë në bazë të hamendësime. Korçarët akuzohen për fiksime ndeshjesh në Europa League ku kanë arritur që të shkojnë deri në fazën e grupeve. /EDS/  

Tre rinovime për Tiranën, Ze Maria bën gati valixhet

Ti mund ta lexosh kete ne 2 min.
26 Prill 2018 09:42
Trajneri merr ofertë joshëse

Rikthimi në Superiore ka shtuar dilemat për të ardhmen e disa prej protagonistëve te skuadra e Tiranës dhe një prej tyre është edhe trajneri Ze Maria. Brazilian nuk ka rinovuar ende kontratën dhe klubi e ka lënë pezull, duke i kujtuar se është një prej futbollistëve më të paguar dhe nuk do t’i rrisë rrogën për sezonin e ardhshëm. Por, edhe trajneri është “rebeluar” në disa raste duke lënë të kuptohet se mund të largohet drejt një tjetër skuadre. Dhe ofertat për ë nuk kanë munguar. Trajneri ka pasur kontakte nëpërmjet menaxherit të tij me një skuadër nga Arabia, që e ka joshur jo pak për ofertën që i ka bërë. Por, vetë trajneri nuk ka kthyer ende një përgjigje përfundimtare pasi shpreson që të rinovojë në Superiore me Tiranën, që e sheh si një mundësi të artë për tu afirmuar si trajner në Europë. Por, në rast se drejtuesit e klubit nuk kanë ndërmend të plotësojnë kushtet e teknikut, atëherë largimi i tij është i pashmangshëm. Në skenë pak ditë më parë, ka dalë edhe emri i Partizanit si një alternativë.

Por, nëse me trajnerin nuk ka ende një akord, nuk mund të thuhet e njëjta gjë për futbollistët. Tre lojtarë që janë në përfundim të kontratës do të firmosin edhe për sezonin e ri dhe kanë gjetur akordin paraprak me drejtuesit. Majkëll Ngoo, Dorian Kërçiku dhe Asion Daja janë tre titullarët që klubi ka projektuar si bazë për Superioren. Ata janë edhe në planet e trajnerit aktual, Ze Maria. Por, Tirana ende nuk ka nisur merkaton jashtë klubit, pasi një gjë të tillë do ta vendosë trajneri që do të drejtojë ekipin sezonin e ri. Gjithsesi për afrimet klubi do të përqendrohet kryesisht jashtë vendit, pasi në Superiore nuk ka shumë alternativa dhe pjesa më e madhe e lojtarëve janë nën kontratë. /EDS/

Tavo nuk është ''gjirokastrit'', miliona për futbollistët

Ti mund ta lexosh kete ne 2 min.
26 Prill 2018 09:27
Kush e ndal tani Luftëtarin?

Luftëtari renditet në vendin e tretë në tabelën e klasifikimit, teksa tanimë ka dy pikë më shumë se skuadra e Partizanit. Gjirokastritët kërkojnë me ngulm ta ruajnë këtë pozicion, që do t’u jepte mundësinë të garonin në kualifikueset e Europa League, që do të ishte një arritje për bluzinjtë, që edhe vjet iu afruan këtij objektivi, por në fund nuk ishte në dorën e tyre, pasi duhej që Skënderbeu të fitonte Kupën e Shqipërisë, gjë që nuk ndodhi, pasi trofeun e ngriti Tirana.

Gjithsesi sivjet situata është tjetër dhe skuadra e drejtuar nga Hasan Lika e ka fatin në dorën e vet, mjafton të vijojë me këto ritme. Sikurse dihet, Partizanin rival direkt e pret në shtëpi, ndërkohë që e njëjta gjë ndodh edhe me Flamurtarin këtë javë. Nëse i fiton përballjet direkte, atëherë Europa është vetëm një hap larg. Nga ana tjetër edhe drejtuesit e klubit gjirokastrite nuk po qëndrojnë duarkryq, pasi po motivojnë ekipin edhe me premio.

Para ndeshjes me Vllazninë ishte presidenti Grigor Tavo ai që deklaroi se për ekipin do të jepej shpërblim nëse arrihej rezultat pozitiv dhe kështu ka ndodhur. Një ditë më parë për futbollistët është shpërndarë shumë e 5 mijë eurove, por jo vetëm kaq, pasi ata kanë marrë edhe rrogat. Një kënaqësi e dyfishtë për lojtarët, që në këtë mënyrë motivohen edhe për ndeshjen e radhës në shtëpi me Flamurtarin.

Të shtunën me kuqezinjtë tre pikët kthehen në detyrim, pasi Partizani ka një sfidë të lehtë me Lushnjën, por për Luftëtarin mund të krijohet mundësia të luftojë edhe për vendin e dytë në klasifikim. Kukësi ka vetëm shtatë pikë më shumë dhe të dielën luan me Skënderbeun në Korçë. Një humbje e kampionëve në fuqi dhe fitorja e bluzinjve do e ngushtonte diferencën mes tyre në katër pikë dhe në pesë ndeshje mund të ndodhë gjithçka. /EDS/