Shoqatat “fantazmë”, FSHF bën gati reagimin

Ti mund ta lexosh kete ne 1 min.
12 Janar 2018 22:34
Megjithatë, fushata ka nisur, ka luftë në fronte për të dy

Çështja më e përfolur e këtyre ditëve për futbollin shqiptar është zgjedhja e presidentit të ri të FSHF-së. Dy kandidatura, Armand Duka që kërkon rikonfirmimin dhe Bashkim Fino që do të marrë këtë pozicion për herë të parë.

Megjithatë, fushata ka nisur, ka luftë në fronte për të dy. Fino me anë të bashkëpunëtorëve të tij ka zbuluar Shoqata “fantazmë” që kanë të drejtë vote, ndërsa FSHF deri më sot nuk ka dhënë sqarimin e saj.

Megjithatë, njoftimi vjen nga zyra e shtypit të FSHF-së, ku gazetarët dhe publiku njoftohen se nesër do të ketë argumentin dhe vendim të arsyetuar për gjithçka ka ndodhur.

“Ditën e nesërme, (e shtunë, ora 12:00) në selinë e FSHF do të ketë një komunikim për shtyp nga institucioni (një qëndrim zyrtar, jo konferencë për shtyp) për çështjen e shoqatave sportive”, thuhet në mesazhin e shpërndarë në adresat e gazetarëve.

VIDEO | Basha mbërrin në Selanik, tifozët e presin si mbret

Ti mund ta lexosh kete ne 2 min.
23 Korrik 2018 00:33
Befasojnë grekët

Migjen Basha mbërriti pasditen e së dielës në Selanik për të firmosur kontratën me skuadrën e Aris. Mesfushori i kombëtares shqiptare e kishte zbuluar pak ditë më parë se klubi i tij i ri do të ishte Aris Selanik, klub i rikthyer sivjet në Superligë. Paga e tij do të jetë 300 mijë euro dhe me shumë mundësi mund të listohet te më të paguarit në skuadrën e tij, por bëhet fjalë për një mesfushor me një eksperiencë të madhe dhe që ka provuar të luajë edhe në Serie A, ndaj edhe mund të konsiderohet diçka normale.

Basha është surprizuar, pasi tifozë të shumtë dolën dhe e pritën duke i varur shallin e skuadrës së tyre në qafë ndërsa kanë pozuar me flamurin dhe fanellën e verdhezinjve. “Do të jap 200% për ekipin dhe të gjithë bashkë të bëjmë më të mirën për klubin. Ka mbetur vetëm vizita mjekësore por gjithçka është në rregull, nesër është firma”, ishin fjalët e para të Bashës, që në sezonet e fundit ka luajtur në Itali duke shfaqur një nivel të lartë. Interesant ishte fakti se në momentin që tifozët po prisnin Bashën, një nga mbështetësit grek mbante veshur fanellën e mbrojtësit korçar Kristi Vangjeli, i cili u aktivizua për 9 sezone me skuadrën nga Selaniku ku fitoi zemrat e tyre pas performancave të shkëlqyera në fushë. /EDS/

 

**************************

Ndalohet ripostimi apo kopjimi i këtij artikulli pa lejen me shkrim nga eduasportin.com.
Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota në kohë reale nga Futbolli dhe sportet e tjera.

Zbërthehet Mavraj: nga Koln te Hamburgu, e ardhmja dhe shqiponjat në Botëror

Ti mund ta lexosh kete ne 4 min.
23 Korrik 2018 00:21
Mbrojtësi i paqartë

Mërgim Mavraj aktualisht është një futbollist i lirë dhe po stërvitet te Koln, ish-klubi i tij për të mbajtur veten në formë. Në një intervistë të dhënë për “Express.de”, mbrojtësi i kombëtares shqiptare foli për gjithçka. Ai pranoi se ka disa oferta, por nuk ka vendosur akoma të ardhmen, ndërsa më pas u ndal te festa me shqiponjë e Xhakës dhe Shaqirit në Botëror pas golave ndaj Serbisë.

Mavraj, po stërviteni në Koln për të mbajtur veten në formë, pse kjo zgjedhje?

Koln ka qenë dhe është një pjesë e rëndësishme e jetës time. Tani është një moment i veçantë, pasi nuk ka diçka të sigurt për të ardhmen. Ndaj është e rëndësishme që të jem këtu me miq të vërtetë. Mund të kisha shkuar të stërvitesha me Benjamin Kugel në Majorka, por këtu në Koln kushtet janë po aq të kompletuara.

Cila tjetër? Ku do të shkoni?

Është e vështirë të them se ku do të shkoj. Sigurisht, objektivi është që të jetë kategoria e parë, kudo. Ka disa opsione, këtu dhe jashtë. Në moshën 32-vjeçare, nuk mendoj se jam pranë pensionit. Padyshim është edhe një shtysë për të ndëshkuar kritikët të cilët e thonë pikërisht këtë gjë.

Te Koln ishit një siguri. Pastaj mbrojtja dështoi. Ishte fatale për të dy palët që u larguat, apo jo?

Ishte rruga më e vështirë që zgjodhëm të dy palët. Në fund, rezultati nuk ishte ai që kishim shpresuar. Megjithatë, Hamburgu ishte një eksperiencë e rëndësishme për jetën, ndonëse kapitulli u mbyll pa lavdi. Padyshim, unë do të kisha dashur të luaja në Europë me Koln, për këtë nuk ka dyshime.

Si e keni përjetuar nga distanca rënien e Koln nga kategoria, me dorëheqjen e Stöger dhe Schmadtke?

Ishte shumë e papritur, por kështu ndodh edhe në jetë. Suksesi sjell gabimet më të mëdha. Sigurisht, ka gjithmonë sinjale. Por është e vështirë t’i shohësh ato kur je mirë. Kjo tashmë mund të aplikohet edhe me Federatën Gjermane. Sigurisht që u mërzita nga ajo që pashë. Por edhe te Hamburgu, nuk di të them në të vërtetë se cila ishte arsyeja e zhgënjimit, ndonëse isha vetë në aty.

Si e përjetuat Kupën e Botës? Duhet të keni ndjerë dhimbje pasi luajtët një rol të mirë me Shqipërinë në “Euro 2016”.

Ekipi kombëtar ka qenë motivimi im më i madh në muajt e fundit. Këtë dëshirë, për t’i kthyer diçka mbrapsht njerëzve të mi, kam arritur ta ruaj edhe në një moment të vështirë sportiv, në një moment kur njerëzit nuk kanë shumë respekt ndaj teje. Kjo dëshirë më ka mbajtur gjallë nga ana sportive. Është diçka e këndshme të arrish Europianin me Shqipërinë, dua të punoj për atë objektiv përsëri.

A mund të na i shpjegoni gjestet e Xhakës dhe Shaqirit në Botëror pas golave me Serbinë që sollën kaq polemika?

Historia luan një rol të madh. Ka qenë një periudhë e errët që nuk duhet të përsëritet! Ka pasur luftë mes Shqipërisë dhe Serbisë deri vonë. Fati e desh që prindërit e këtyre djemve të arratiseshin atëherë. Por këto vlera të origjinës, që njeriu i mban në vetvete, nuk harrohen. Xhaka e dashuron Zvicrën, por te Zvicra lufton si një shqiptar. Kjo do të thotë se ata këndojnë këngë shqiptare, festojnë martesat si shqiptarë, ruajnë traditat – dhe festojnë me këto simbole. Është diçka e mirë që nuk fshihet një gjë e tillë nga një qenie njerëzore. Duhet të jesh tolerant. Dhe ajo që është më thelbësore, është se golat e tyre kanë ndihmuar më shumë Zvicrën se Shqipërinë.

A ka ndonjë shans të ktheheni te Koln?

Unë nuk di të ketë pasur kontakte. Këto gjëra dalin kur prodhohen informacione përgjysmë. Sigurisht ishte e këndshme të luaja te Koln. Por e shoh skuadrën tani, është në një pozitë të mirë dhe ka cilësi. Padyshim pritshmëria te Hamburgu dhe Koln është e larta edhe në Ligën e Parë. Të gjithë presin të dominojnë që në ndeshjet e para. Por unë ju them se do t’ia dalin. Cilësia në Bundesliga 2 nuk është aq e lartë. Sigurisht, diferencat mes skuadrave janë të vogla, por niveli nuk është aq i lartë. /EDS/

**************************

Ndalohet ripostimi apo kopjimi i këtij artikulli pa lejen me shkrim nga eduasportin.com.
Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota në kohë reale nga Futbolli dhe sportet e tjera.

Tirana zyrtarizon dy afrikanë, por kanë një 'jetë' pa luajtur futboll

Ti mund ta lexosh kete ne 3 min.
22 Korrik 2018 18:56

Tirana ‘superiore’ vazhdon të marrë formë. Trajneri Ze Maria e ka shpallur objektivin: titull kampion, edhe pse nuk ka drejtuar asnjëherë në Kategorinë Superiore. Titulli mungon prej vitesh në kampin bardheblu dhe brazilian synon ta risjellë në Tiranë për t’i bërë të lumtur 24 herë kampionët e vendit. Në kuadër të përforcimeve ditën e sotme bardheblutë kanë nënshkruar me një qendërmbrojtës dhe një mesfushor. Vincent Attingah dhe Winful Cobbina janë dy afrimet e radhës për të përforcuar repartin difensiv, pasi edhe Cobbina, luan përpara mbrojtjes në rolin e mesfushori shkatërrues. Nëpërmjet një komunikate për shtyp në faqen zyrtare klubi bardheblu njofton marrëveshjen me dy lojtarët afrikan.

“Vincent Attingah (qendërmbrojtës) dhe Winful Cobbina (mesfushor qendre) kanë mbërritur në Tiranë për t’u bashkuar menjëherë me grupin në stërvitje. Gjatë paradites ata janë trajnuar me përgatitësin atletik Raffael Costa në ambientet e stadiumit “Selman Stërmasi”, thuhet në njoftimin e klubit bardheblu. Tirana në vitet e fundit ka patur sukses me lojtarët afrikan, por dy të fundit vijnë pa minuta në këmbë dhe ajo që është më e rëndësishmja kanë më shumë se dy vjet pa luajtur. Ndeshja e fundit që Cobbinah është aktivizuar ka qenë në 29 gusht të vitit 2015 në barazimin 1-1 të Najran ndaj Al Wahda në kampionatin e Arabisë Saudite (Kliko këtu për të parë statistikat). E njëjta gjë edhe për Attingah, që për herë të fundit në një ndeshje zyrtare ka luajtur në vitin 2016 me klubin e Hearts of Oak në Premier League të Ganës, ku grumbulloi 10 ndeshje. (Kliko këtu për të parë statistikat). Duke u bazuar te CV-ja lojtarët kanë lënë pak për të dëshiruar, megjithatë shpresojmë që në fushë të tregojnë të kundërtën. /EDS/

**************************

Ndalohet ripostimi apo kopjimi i këtij artikulli pa lejen me shkrim nga eduasportin.com.
Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota në kohë reale nga Futbolli dhe sportet e tjera.

Skënderbeu tjetër afrim në merkato, vjen mesfushori kosovar

Ti mund ta lexosh kete ne 1 min.
22 Korrik 2018 18:08

Skënderbeu nuk di të ndalet në këtë merkato. Bardhekuqtë janë klubi më aktiv në Shqipëri në merkato si në hyrje ashtu edhe në dalje. Pasi finalizuan me sukses disa operacione të mëdha duke shitur disa lojtarë të formacionit, drejtuesit janë fokusuar te afrimet dhe i radhës që ka nënshkruar me korçarët është mesfushori Almir Ajzeraj. Mesfushori ka spikatur në kampionatin e Kosovës, ndërsa ka qenë pjesë e KEK-ut dhe më pas te Flamurtari. 20-vjeçari ka qenë prezent pasditen e djeshme në stadiumin Skënderbeu, pasi bardhekuqtë zhvilluan një miqësore me Teutën, e cila u mbyll në barazim 0-0.

Sipas “korcasot.com”, Ajzeraj ka nënshkruar kontratën me presidentin Ardjan Takaj dhe pritet që nesër me rifillimin e përgatitjeve të prezantohet nga klubi. Ajzeraj, vetëm 20 vjeç vjen nga ekipi i Flamurtarit në Superligën e Kosovës. Afrimi i tij është një zgjedhje e zgjuar nga bardhekuqtë, pasi ai mund të luajë në disa role: organizator dhe në krah të mesfushës. Disa e krahasojnë edhe me kosovarin Bernard Berisha, i cili la gjurmë te Skënderbeu. Nuk dihet ende kohëzgjatja e kontratës që ai ka firmosur, por besohet se është afatgjate, pasi kjo është strategjia që bardhekuqtë ndjekin prej disa vitesh dhe ka rezultuar tepër e suksesshme. Ajzeraj është pjesë edhe e kombëtares U21 të Kosovës, ndërksa ka zhvilluar vetëm një takim duke grumbulluar 22 minuta në ndeshjen kundër Irlandës, të cilën e humbën 1-0. /EDS/

**************************

Ndalohet ripostimi apo kopjimi i këtij artikulli pa lejen me shkrim nga eduasportin.com.
Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota në kohë reale nga Futbolli dhe sportet e tjera.