Shqipja, “gjuhë zyrtare” te Grasshopper

Ti mund ta lexosh kete ne 1 min.
12 Janar 2018 12:33
U zyrtarizua Lika, pritet edhe futbollisti i kombëtares shqiptare

Alban Pnishi, Arijan Qollaku, Mërgim Brahimi, Nedim Bajrami, Florian Kamberi dhe Albion Avdijaj janë pjesë e Grasshopper në Zvicër. Një “koloni” e vogël shqiptarësh, që ditët e fundit është shtuar edhe me një tjetër futbollist.

Bujar Lika është zyrtarisht pjesë e skuadrës zvicerane. Mesfushori qendror në të shkuarën ka luajtur te FC Schaffhausen dhe Wohlen në Challenge League dhe tashmë do të provojë veten në elitën e futbollit zviceran.

25-vjeçari nuk është i vetmi shqiptar që do t’i bashkohet Grasshopper, pasi së fundi nën urdhrat e trajnerit Murat Yakin është vënë edhe Naser Aliji, i cili po vëzhgohet nga afër dhe me shumë mundësi do të firmosë dhe të rikthehet në Zvicër, ku më parë ka luajtur me Basel-in dhe Vaduz-in, para se të transferohej në Gjermani te Kaiserslautern.  /EDS/

David De Gea 'prenoton' çmimin individual në Premier League

Ti mund ta lexosh kete ne 1 min.
27 Prill 2018 00:36
Zbuloni çmimin

Portieri i Manchester United, David De Gea është në prag të sigurimit të një çmimi individual. Nëse e mban portën të paprekur kundër Arsenalit këtë fundjavë do të ishte shumë afër fitimit të një trofeu, që flet për cilësinë e tij si portier. Spanjolli ka qënë në “Old Trafford” për shtatë sezone dhe megjithëse e ka treguar veten si një lojtar jetik për “Djajtë e Kuq” gjatë viteve të fundit, nuk e ka fituar këtë çmim. De Gea është një nga portierët më të mirë në botë dhe ky do të ishte çmimi i parë për të. Çmimi i jepet portierit që e ka ruajtur portën të paprekur në ndeshjet në kampionat. De Gea ka gjithsej 17 ndeshje pa pranuar gola dhe ka katër ndeshje të tjera për ta përmirësuar këtë rekord. Vetëm tre portierë të tjerë kanë ende mundësinë për ta kapur atë: Ederson (24) Man City, Lloris Spurs (13) dhe Courtois Chelsea (13).

Manchester United përballet me Arsenalin të dielën, me “Topçinjtë”, që ndoshta do të mendojë më shumë për ndeshjen e dytë të Europa League kundër Atlético Madrid dhe trajneri Wenger mund të lërë pushim lojtarët kryesorë. Me stilin mbrojtës të trajnerit Jose Mourinho dhe me klasin e padiskutueshëm të De Gea, Doreza e Artë për vitin 2018 tashmë ka një ndjenjë spanjolle në lidhje me të. Me vendin e dytë në Premier League pothuajse të garantuar, në finale të FA Cup kundër Chelsea-t në maj dhe me një Kupë të Botës përpara, David mund të festojë shumë më tepër. /EDS/

Candreva: Zonja është e zemëruar, ne duam ta xhindosim

Ti mund ta lexosh kete ne 2 min.
27 Prill 2018 00:16
Anësori optimist

Inter e pret me padurim ndeshjen me Juventusin në Serie A, që do të vendosë shumë për objektivat e të dyja skuadrave. Në rast suksesi Inter afrohet edhe më shumë me zonën Champions League, nga ana tjetër një disfatë për Juven do të bënte që “Zonja e vjetër”, t’i thoshte lamtumirë titullit, pasi aktualisht diferenca me Napolin e vendit të dytë është vetëm një pikë. Antonio Candreva thotë se Interi është shumë i motivuar për takimin, që do të zhvillohet në “San Siro” këtë fundjavë. "Marcelo Brozoviç ka thënë para një javë se ne e presim me padurim që kjo ndeshje të vijë, sepse është kaq e rëndësishme për ne që të arrijmë objektivin tonë", tha Candreva për “Mediaset Premium”.

"Gjatë viteve të fundit, Juventusi ka qenë skuadra më e fortë në Itali dhe kështu ka bërë shumë mirë në Evropë. Ne do të jemi kundër një ekipi të zemëruar, por ne duhet të përqendrohemi në objektivin tonë, i cili është një vend në Champions League në edicionin e ardhshëm”, vazhdoi ylli i Interit. "Ne i njohim mirë kundërshtarët tanë, kështu që nuk mund të bëjmë ndonjë gabim kundër Juventusit. Do të jetë e vështirë, nuk do të na lejojnë shumë mundësi për të shënuar dhe do të duhet të bëjmë maksimumin e asaj që kemi. Jemi gati", shtoi 31-vjeçari. ‘Curva North’ ka një koreografi të veçantë për këtë takim. "Ne duhet të falënderojmë tifozët tanë, sepse në “San Siro” ka qenë gjithmonë i mbushur plotë gjatë gjithë sezonit. Ata na mbështesin dhe kanë qenë me ne gjatë gjithë vitit. Ne do të fitojmë për ta dhe për veten sigurisht", deklaroi Candreva. Inter ndodhet në vend të pestë në klasifikim e Serie A me 66 pikë, 1 më pak se Roma dhe Lazio në vend të tretë dhe të katërt respektivisht. /EDS/

Suedia merr vendim përfundimtar për Ibrahimoviç

Ti mund ta lexosh kete ne 2 min.
27 Prill 2018 00:02
Zlatan i lumtur

Sulmuesi Zlatan Ibrahimoviç nuk do të marrë pjesë në Kupën e Botës 2018: ky është vendimi i Federatës Suedeze të Futbollit duke e komunikuar lajmin me një komunikatë në profilin zyrtar në “Facebook”. Në ditët e fundit, sulmuesi LA Galaxy deklaroi, se kombëtarja e Suedisë nuk mund të shkonte në Kupën e Botës pa atë. Vetëm pak ditë më parë portieri i dytë i ‘nordikëve’ theksoi, se Ibra është egoist dhe nuk kanë nevojë për atë. Pavarësisht flirtimit suedezi njoftoi, se nuk do të jetë në “Rusi 2018”. "Zlatan Ibrahimoviç nuk do të luajë në Kupën e Botës". Pra ish-sulmuesi i Juventusit, Inter dhe Milan zyrtarisht nuk do të jetë në Kampionatin Kombëtar. Pavarësisht nga ajo që është deklaruar vazhdimisht nga pala e interesuar, Kupa e Botës nuk do ta shohë praninë e Zlatan, duke konfirmuar fjalët e Andersson, i cili në ditët e fundit kishte thënë, se e konsideronte atë si "një lojtar që u tërhoq nga ekipi kombëtar pas Kampionatit Europian 2016, për arsye të respektueshme të afërsisë familjare".

"Lojtari më i madh në historinë e Suedisë nuk do të marrë pjesë në Kupën e Botës në Rusi", kjo është deklarata nga Federata Suedeze, që njofton se Ibrahimoviç zyrtarisht nuk do të jetë pjesë e Suedisë në kompeticionin më të rëndësishëm në planet. “Nëse ke humbur motivimin për të kaluar 45 apo 50 ditë në vit me kombëtaren dhe këtë kohë dëshiron ta kalosh me familjen, unë të kuptoj dhe marr në konsideratë 250 mijë lojtarë të tjerë që duan të luajnë me Suedinë”, tha kohët e fundit Anderson në lidhje me të ardhmen e sulmuesit te Suedia. Pas aventurës për një sezon e gjysmë në Premier League me Manchester United ku fitoi edhe trofeun e Europa League, Ibrahimoviç u transferua në MLS duke nënshkruar me LA Galaxy. /EDS/

A do të jetë në Botërorin rus apo jo? Neuer bën me zemër gjermanët

Ti mund ta lexosh kete ne 2 min.
26 Prill 2018 23:33

“Janë të shumta pyetjet që duan përgjigje të menjëhershme”. Gjiganti i portës gjermane, Manuel Neuer gjatë një intervistë për “Sport Bild” e pranon se nuk e di ende nëse do të marrë pjesë në Kupën e Botës 2018 që do të zhvillohet në Rusi.


I dëmtuar që nga muaji shtator, edhe pas operacionit në këmbën e majtë, portieri i Gjermanisë dhe Bayern Munchen ende nuk i ka zgjidhur të gjitha dyshimet e tij: “Unë nuk e di kur unë mund të kthehem dhe kur do ta bëj, jam i ndërgjegjshëm për situatën që po kaloj, kështu që unë dua të jem i sinqertë me veten time. Shpesh herë e pyes veten nëse mund të kthehem sa më shpejt të jetë e mundur, tek forma që kisha para dëmtimit, ose mund të më duhet më shumë kohë akoma, pyetje këto për të cilat ende nuk mund të përgjigjem. Ajo që thonë mjekët është e rëndësishme që të kuptoj kur do mund të jem në gjendje të rikthehem”, - ka deklaruar Neuer në intervistën e tij.
Ndërkaq, numri një i portës bavareze ngre shumë pikëpyetje për mundësitë që ai të jetë në finalet e Botërorit apo nëse do të jetë në gjendje optimale për turneun më të rëndësishëm të planetit.


“Gjithashtu unë duhet të jem i kënaqur me punën time dhe të jem i sinqertë me veten: A do jem i njëjti edhe pas një dëmtimi kaq të gjatë? Apo duhet të pranoj që nuk jam ende në atë pikë dhe kam nevojë për më shumë stërvitje? Të gjitha këto pyetje ende nuk kanë përgjigje, ka shumë mistere”, - u shpreh ndër të tjera portieri gjerman, duke lënë me zemër të ngrirë shumë e shumë tifozë gjermanë, të cilët mezi po e presin rikthimin e tij në fushën e lojës me kombëtaren e Gjermanisë. /EDS/