REZULTATET LIVE
Shiko listen e plote
Italiani vazhdon të jetë në superformë

Ski/ Peter Fill, kampion bote në kombinim

12 Janar 2018 15:32

Peter Fill është fituesi i Kupës së Botës në kombinim. Skiatori italian fitoi vendin e tretë në garën e kombinuar të Wengen-it përpara kohe. Kjo i dha mundësinë ta bënte të tijin këtë trofe me rëndësi.

Fituesi i kësaj gare ishte Victor Muffat-Jeandet, e pas tij doli rusi Pavel Trikhichev.

Nesër në Wengen është programuar zbritja në tatëpjetën e Lauberhorn-it, më e gjata e botës me 4400 metra.

Jeni i lutur të hyni në llogari që të lini një koment
Një tjetër goditje për kuqezinjtë

Skandali i dopingut, Shqipërisë i hiqet e drejta për organizimin e Evropianit

22 Janar 2018 15:44

Skandali i dopingut i ka hequr të drejtën Shqipërisë që të organizojë Kampionatin Evropian të Peshëngritjes. Ky kompeticion ishte planifikuar që të zhvillohej në vendin tonë më 23 mars, por që pas testit pozitiv të Romela Begajt në doping i është hequr zyrtarisht kjo mundësi.

Sportistja shqiptare rezultoi pozitive për të dytën herë në testin "anti-doping". Një zhgënjim i madh për dashamirësit e sportit në vend, të cilët kërkuan me të drejtë dorëheqjen e presidentit të Federatës Shqiptare të Peshëngritjes, Elez Gjoza, i cili u ndje para përgjegjësisë dhe dha dorëheqjen.

Sikur të mos mjaftonte kjo, Shqipëria merr një tjetër "shqelm" nga Federata Evropiane e Peshëngritjes, duke ja hequr të drejtën që i kishte besuar për organizminin e Evropianit të Peshëngritjes. /EDS/

Jeni i lutur të hyni në llogari që të lini një koment
Rumunia eliminon japonezen Osaka

“Australian Open”/ Halep kalon në çerekfinale pa problem

22 Janar 2018 14:05

Vazhdon marshimi i numrit 1 të botës Simona Halep. Rumunia është në një formë të mrekullueshme dhe e pati të lehtë që të fitonte sfidën e radhës kundër Naomi Osaka-s.

Halep fitoi të dyja setet radhazi me rezultatin 6-3, 6-2 në një takim që zgjati më pak se një orë në Melbourne. Interesant është fakti se rumunia kurrë nuk ka shkuar më shumë se çerekfinalet në turneun e “Australian Open”.

Ndërsa Angelique Kerber pati nevojë për tri sete dhe 2 orë lojë që të mposhtte taivanezen Su-Wei-Hsieh. Pasi humbi setin e parë 6-4, gjermania fitoi të dytin 7-5 dhe e mbylli me të tretin 6-2.

Jeni i lutur të hyni në llogari që të lini një koment
Shokohet serbi nga koreani

Djokovic jashtë “Australian Open”, e eliminon Chung

22 Janar 2018 13:31

Ish numri 1 i botës në tenis, Novak Djokovic u shokua nga koreani Hyeon Chung, i cili e eliminoi nga turneu i “Australian Open”.

Koreani fitoi tri sete radhazi duke tronditur serbin me rezultatin 7-6 7-5 7-6, i cili u pa sërish në fushë duke vuajtur nga problemet në bërryl.

Chung është i 58 në renditjen botërore, ndërkohë që Djokovic qëndronte në vend të 14-të.

Serbi kundër kishte një rival ku përgatitja atletike, shkathtësia i pasqyronte veten, e pavarësisht përpjekjes, nuk ia doli dot.

Në rrugëtimin e tij, Djokovic mundi Donald Young, Gael Monfils dhe Albert Ramos-Vinolas, të tre me nga tri sete radhazi.

Por Chung dominoi dy setet e para dhe pavarësisht se Djokovic u përpoq shumë, në të tretin, nuk ia doli dot.

Rivali i radhës i 21 vjeçarit në çerekfinale do të jetë befasia tjetër e “Australian Open”, Tennys Sandgren.

Jeni i lutur të hyni në llogari që të lini një koment
Amerikani një javë më parë nuk e njihte fitoren në një Grand Slam

Federer shkon në çerekfinale, por ai që befason është Sandgren

22 Janar 2018 13:15

Roger Federer mund të jetë 36 vjeç por ai ka të drejtën të mburret me faktin se është tenisti i vetëm që ka shkuar në çerekfinalet e “Australian Open” pa humbur një set.

Viktima e radhës e kampionit në fuqi është numri 80, Marton Fucsovics, i cili u mposht 6-4 7-6 6-2.

Zvicerani në çerekfinale do të ndeshet me çekun Tomas Berdych.

Aq shumë kohë ka Federeri në tenis, sa trajneri i hungarezit, Attila Savolt ka qenë rivali i zviceranit në vitin 2002.

Por njeriu që ka tërhequr vëmendjen e të gjithëve në “Australian Open” është Tennys Sandgren, i cili eliminoi Dominic Thiem dhe u kualifikua për në çerekfinale.

Amerikani është një nga çerekfinalistët surprizë. Mjafton të dish që një javë më parë, ai kurrë nuk e klithe fituar një ndeshje në Grand Slam.

Kurse tani ka 4 radhazi dhe kjo e fundit befasoi jo pak. Sandgren e fitoi ndeshjen 6-2 4-6 7-6 (7/4) 6-7 (7/9) 6-3.

“Po nis të mos ta besoj këtë. Unë nuk e di nëse kjo është një ëndërr apo jo. Por të gjithë ju njerëz jeni këtu dhe unë nuk jam vetëm me të mbathurat e mia, kështu që mbase nuk është”, deklaroi Sandgren.

Jeni i lutur të hyni në llogari që të lini një koment